الوسم: الاولى

فاثناء رحلة عودتي للوطن من بلد الدراسة اطلعت على جريدة عربية دولية كان في الصفحة الاولى فيها خبر مفاده ان وزارة التعليم الدانمركي قررت تدريس القران الكريم في جميع مدارسها الحكومية ..وقد لاقى هذا القرار معارضة من ح** سياسي لا ان وزيرة التعليم اصرت على قرارها بسبب كثرة المسلمين هناك وكثرة اصدقاء الدانمركيين المسلمين ..وهو قرار جاء بعد عامين من تدريس اللغة العربية في مدارس الدانمرك..

اما الصفحة الاخيرة فكانت هناك صورة لمغنية عربية بلبسها الماجن تشارك بحفل في الولايات المتحدة..

والسموحة

سلام حلوين المنتدى
وسلام خاص لعاصمة الامارات ااكيييد

حبايبي
وايد شباب ماخذين اكثر عن زوجه

شو اسباب زواج الرجل من اخرى
مع انه مرات كثيره تكون الاولى جميله طيبه حبوووبه والمشكله يقول احبها بس بعرس

شو شعور الزوجة الاولى لو تزوج عليها زوجها

وشو شعور الزوجة اليديده الي ريلها ماخذ حد قبلها !!!!!!!@@@@@@@

واذا ريال دخل الموضوع بليز يقول شو الاسباب الي تخلي الواحد ياخذ ثانيه او ثالثه @@!! وهل يقدر عالمصاريف فبلادنا الي ماتنحصا الاسعار !!@@

بس انه سالفة يحبها ويبى يغير ويعرس .. هالشي لواته .. اذا يحبها ما بيأذيها ..

شعور الزوجة الأولى … اذا كان متزوج بسبب . اكيد بيكون مشاورنها .. وراضية ..
بس اذا بدون سبب وبدون ما تدري .. ممكن توصل للطلاق …

والزوجة اليديدة بتكون راضية طبعا وتعرف ان في حد قبلها .. في منهم يبون هالريال عادي لو عنده 3 قبلها .. بس عشان الريال أو لأسباب مادية ..

ونادر ما تحصل ريال يعدل بين الزوجات

المفروض الواحد يوم يأخذ الثانيه يكون هناك أسباب
بس مع شبابنا اليوم مافي اسباب
واغلب الشباب اذا شاف اربيعه تزوج الثانيه راح وقلده

أما شو شعور الزوجه الاولى والثانيه :
أنا بقولج عن أختي وريلها تزوج الثانيه من قبل أكثر 25 سنه مع هذا عداوه بينهم وكل وحده ما تواطن الثانيه وكل وحده تكره الثانيه ولا يزاورن ولا شي ولا يشوفون بعض إلا بالمناسبات

يسلموووووو عالطرح
بصراحه مواضيعج حلووووووووه جوزيتي خير

ثاني شي … خاطري أعرف من وين يبتوا الشرط الجديد في تعدد الزوجات اللي هو "لازم تكون عند الزوج أسباب"؟؟ أسباب ايه يا بابا …

و آخر الأسباب … من كثر ما نحب حريمنا نحاول نخفف عنهن … بدل ما يسمعون صراخ رياييلهم يوميا … يتوزع الصراخ على حرمتين … يعني ترتاح يوم و اليوم اللي بعده تتصدع!!!

الله يعينكن ياللي تغارن من لا شي

و نسيت أقول لكم "إن القرين بالمقارن يعرف" … يعني الريال إذا يسوق مرسيدس خمس سنوات … ما راح يعرف قيمة المرسيدس إلا بعد ما يجرب الكورولا … و بالعكس إذا الريال يسوق كورولا خمس سنوات ما راح يكره الكورولا إلا بعد ما يجرب المرسيدس

و سلامتكم

اعتقد ان الجواب نفسه بيكون اذا قلبنا آية السؤال …!!!!!!!

تحياتي ..

أم سعود …
أول شي مشكورة على الإطراء #good … بعدين يقولون مب زين تاخذ راي الحرمة في كل شي … عشان جيه القوامة بيد الرجل … في مواقف مب مسموح لنا ناخذ راي الحرمه فيهن … و بالنسبة للعيب أو الخلل … لو في خلل من جانب الحرمة الأولى من باب أولى إني أساعدها تتغلب على خطأها و أمسك بيدها لين توصل مرحلة مرضية … مب أتهرب من المشكلة و أتزوج وحدة ثانية … عندنا شعار يقول "طالما حرمتك عندها مشكلة أو مرض أو مقصرة ما يجوز لك تتزوج … لازم تكون راضي عن حرمتك عشان تقدر تتزوج بثانية" … تعرفين ليش … الواحد إذا طاح بمصيبة ما وده يزيد الهموم على نفسه و يتزوج مصيبة ثانية #teath

السماوية …
نحن عندنا ديمقراطية … إذا الحرمة تبغي تاخذ ريال ثاني أو ثالث أو رابع ما عندنا أي مشكلة … الراي رايكم و لكم مطلق الحرية في الاختيار #sun

بدل الحرمة تحمل كل سنة و تييب درزن عيال و ما تعرف راسها من ريلها في البيت … الرياييل يتزوجون بثنتين إذا الحرمة تبغي تحمل في كل سنتين مرة … و ثلاث إذا الحرمة تبغي تحمل في كل ثلاث سنوات مرة … و أربع إذا تبغي تحمل كل أربع سنوات مرة … في نظرنا مب معقولة الحرمة تعيش كل حياتها حمل و ولادة … ما يصير … لازم شوي تعيش حياتها و تشوف شو هواياتها و قبل كل شي تربي كل واحد من العيال تربية صحيحة سوية مستقيمة من الصغر … على قولة الموظفين "تفريغ كامل" … اللي اييون فوق بعض صعب الحرمة تتحكم فيهم … هم اللي يتحكمون فيها … فنحن نبغي نرجع هيبة الحرمة في بيتها …

في السنة الأولى

الساعة 6:30 صباحا :
تودع زوجها وهو طالع للعمل وتقول له ( بتوحشني (

الساعة 11 صباحا :
تتصل عليه في العمل وتقول له ( حبيت أ سمع صوتك بس )

الساعة 3 العصر :
تستقبله وهو متشيكه وتقول له(الغداء جاهز ..تحب أحطه لك الحين ؟ )

الساعة 5 العصر :
تصحيه من النوم وتقول له ( اعمل لك شاي يا عزيزي ؟ )

الساعة 6 المغرب :
تسبل عيونها وتقول بكل خجل ( يا ريت يا عزيزي .. يعني لو ما عليك كلافه .. يعني إذا تقدر تود يني شوي لبيت أهلي إذا كنت تقدر يا عمري ) وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لأهلها ولو انهم ساكنين في السويدي وهو ساكن في العليا.

الساعة 8 بالليل :
تتصل على الجوال وتقول ( ا شتقت لك .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب ( أ سف والله يا شباب رأسي مصدع ولازم أمشي )

الساعة 10 بالليل :
تجلس وتقول ( الله تتذكر ؟ تتذكر أيام الخطوبة لما كنت تعمل المستحيل عشان تشوفني ..وأنا يا ما كذبت على أبوي وقلت له أني طالعه مع أمي وأنا أصلا متفقه مع أمي عشان اطلع معك )
الساعة 11 بالليل :
الوصول إلى هذه الصفحة غير مسموح ……….الخ

بعد مرور عشر سنوات

الساعة 6:30 صباحا :
هي في سابع نومه

الساعة 11 صباحا :
هي برضه في سابع نومه

الساعة 3 العصر :
تستقبله وهي نافخه خشتها وتقول ( شف لي حل مع ولدك "علي" ..حتى الآن ما حل الواجب .. و"سوير" الله يأخذ عمرها أنشاء الله شاقه مريولها في المدرسه …عطني فلوس لازم اروح اشتري لها واحد غيره … و"صويلح" يبي علبة هندسه توأنه يقول لي يوم ان الاختبار صار بكره … وترى "موضي" تكنفست مع الدرج وهي كانت في المشايه … والظاهر انهاتعورت …كله من هالشغاله الله يا خذها ….اسمع يا انا يا لشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ماتقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و

الساعة 5 العصر :
هي تفك هوشه بين" سوير" و"أخوها" ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم الحمى …جعلكم الوادي المتصدع …جعلكم الحمى القلاعية …والإيدز ..الخ )

الساعة 6 المغرب :
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم أبوي ..وبعدين نبي نروح نشتري للبنت مريول ..وبعدين بنت عمي والده ولازم روح اشتري لها هديه من باتشي و أبي أمر على المشغل ..وبعدين حطنا عند أختي في الشفاء من زمان ما شفناهم ………….. وفي هاللحظه فكر هو انه يشتغل ليموزين احسن له

الساعة 8 بالليل :
تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ الساعة 11 .لا ما فيه الساعة 11 تعال الساعة 10 )

الساعة 10 بالليل :
جالسين هي وياه عند التلفزيون ..أخيرا هدوء ..والعيال نايمين ..والجو جميل ..وفجأة تطالعه وهي مادة بوزها وتقول ( الحين أمك وش عندها اليوم ما ترد يوم أني سلمت عليها ؟ هاه ؟ ) ( والله ما ادري كان سائلتيها ) ( وأختك وش هالحركات الي مالها سنع …ليش عازمة الجيران وكل حريم إخوانك إلا أنا ؟؟؟ لكن هين والله لاسوي عزيمة وما أناديها …أصلا هي ما زارتني في المستشفى يوم أني ولدت وأنا فاهمة قصدها ..لكن هين ..والله لو تحب السماء ما نيب زايرتها إذا ولدت ……وبعدين بنات عمك وش عندهم نافخين عمرهم ؟؟ على ايش آبي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين أختك نوره يوم أنها تقول أن "علي" ولدي يشبهني ما يشبه أبوه وش قصدها هاه )ملاحظة : "علي" هو أشين إخوانه) ( أنا فاهمة قصدها وتراها إذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين أخوك شاري لحرمته ساعة قيمتها عشرين آلف ريال ) يرد ( طيب وش المشكلة ؟ ) ( وأنا ليش ما تشتري لي ..وإلا أنا ما أستا هل ..ولو هي يعني احسن مني … بلاك ما شفتها ..شينه وطبا يعها شينه وحتى طبخ ما تعرف تطبخ ) ( خلاص اشتري لك ساعة ) تعصب وتقول ( آيه تسكتني بهالكلام ….والله لانت شاري ولا شي ) ( وش تبيني أقول يا بنت الحلال ؟ ) تقوم وهي تبكي ( خلاص ما أبي منك شي )

الساعة 11 بالليل :
هي زعلانه ونايمه مع العيال وهو **** اليوم إلى تزوج فيه

:p 😉

ذكرتني بجارتنا الفقيرة
رحت لها أمس وإلا شويه وبتصيح
ها ليش
شكو ماكو
قالت أبد كنت قاعدة أشرب قهوة وإلا دخل سي السيد وليش ما وقفت علشان أحييه وأرحب فيه
خلاني ما أسوى جدام العيال
عالم ما تختشيش
السموحة يا جماعة فيض من غيض

اعطيك مثال انا شخصيا متزوج من ثلاث سنين زوجتي تعاملها وياي ماتغير نفسه والحمدلله

بالع** هالموضوع بالذات أثير كم مرة في المنتدى لذلك أحسست بأنه أخذ أكبر من حجمة يعني . .وطبعا لأنك جديد على المنتدى وما قريت المواضيع السابقة
وإ لا كتاباتك على عيني وراسي

ولا تزعل خلنا اخوان
وتسلم
أعتذر لك عما بدر مني وأرجو منك السموحة

يا أخي هذه آية كريمة وليست حديثا .. و قد كتبتها خطأ :

( و ذكر فإن الذكرى تنفع المؤمنين )

تشكرات

1-(همة الرجال تزيل الجبال)
ـ
( ليس بحديث )
سلسلة الأحاديث الضعيفة والموضوعة ـ المجلد الأول

2-(من خرج من بيته إلى الصلاة فقال اللهم إني أسألك بحق السائلين عليك وأسألك بحق ممشاي هذا فإني لم أخرج أشرا ولا بطرا . . . أقبل الله عليه بوجهه واستغفر له ألف ملك
ـ
ـ(ضعيف)
سلسلة الأحاديث الضعيفة والموضوعة ـ المجلد الأول
ـ
وشكرا لكم على حرصكم على الخير وكل من تابعنا
اخوكم ابو عبدالرحمن الاثري

شلونكم عساكم طيبين

بعد ما تعشيت والحمد لله وكليت حلوى شويطر الساخنه الي لونها حمرر

يتني فكره بباليي

نسوي حرب بالمنتدى فيه ج** وحلفاء ومحاديين

بحط بكل قسم فيهم اعضاء معينين تم اتختيارهم بعد دراسه دقيقه هههههه

صلب الموضوع:

ان ( الح** ) يطلع اشاعه على ( الحلفاء)

يجي كل واحد منهم يدافع عن روحه بأشاعه

مثلا درام الحب تقول والله سمعنا كلاسيكي يم الداعوس مولع جراخيات خخخخخخخخ

يجي كلاسيكي يقول لها والله انتي الي شفناج تدورين بجيس خمام يم البيت

تستمر السالفه كل واحد ضد الثاني

دور المحاديين

ان لابين هالفريق ولا الفريق الثاني مجرد لا صارت هوشه هم يتدخلون لمنع الالتباس

ان شاء الله ما يتحول على قوله الشاحوف ( شات المنتدى

بس فكره مسليه وحلوه

نجي للتقسيم

الح**:

كلاسيكي

السؤدد

سلومي

عيناوي الهويه

فارسهم

الحلفاء:

بحرينيه عسل

درام الحب

ورق ورد

بنت قطر

صدى الاحزان

المحايدين:

حمد بو عبد الله

خليه نحل

الشاحوف

بو حارب

اتمنى احسنت الاختيار

سلامي

مشكلتي اني عندي الفكره بس ما اعرف اعبر بطريقه تفهمونها

الحين خلهم يجون الباجي بعدين اوضح لهم الفكره

سلامي دب قطبي

ايس فيه

مب جنه اسمي مب موجود >>>>> صج رززززه

لو باخذ على اعضاء المنتدى بحطهم كلهم ولا بيخلصون

عندي فكره لموضوع ثاني

اوعدج تكونين اول اسم فيه

سلامي الغاليه

صح أول شي أمر بالقبض على بحرينية عشل

أقصد بحرينية عسل

والباقي يجيكم في الإجتماع القادم

مريــــــــــــــــــــــــــوم

انتوا المتضررين من هذي الحرب

خخخ

خل يجون الباقين

سلامي

لا تحطين بخاطرج انتي للموضوع الياي

أنا أزعل ليش حبيبتي

انا أسولف وياج

مريــــــــــــــــــــــــوم

هذه هي بدايتي الاولى في منتداكم و ان شاء الله تتوالى الصرخات

حتى تصل لمسامع الجميع و تحمل لهم صرخات من عمق أخوكم الصريخ

في البداية أوجه صرختي الاولى الى :

أخواتي السارحات في أهواء الدنيا الفانية

خواتي أنا ما أقصد شخص بعينة ولا أجمع ولكن هناك الكثير من الفتيات

ما يقصرن في الكشخة و العطور و هن سايرات السوق أو المراكز و يوم

تسألها تقول والله هذه الموضة ولوازم الجمال .

لا اله الا الله على الشيطان كيف يألف الاعذار لمثل هذه التصرفات و

للأسف أصبحت هذه الظاهرة منتشرة بشكل كبير و سار اللي ما

يسوى اتشوف وحدة غربية أطلع قدلة وحركات مثل الشابات

فلماذا هذا كله ؟؟؟؟؟ صرخة أتمنى من كل فتاة تحسب مليون

أحساب لتصرفاتها خارج المنزل . ومب لازم تتكشخ مثل العروس

يوم دخلتها .

أتقن الله في أعمالكن و لا تنسن يوم الحساب .

أتمنى ما أكون أزعجت حد لكنها صرخة للأخواتي .

كــــــــــــــــــانت هذه صيحتي الاولى .

صــــــــــــرخــــــــــــــــــــــــــــات

وهلا بك معنا في منتدى الامارات

الساعه 11 صباحا
==============

تتصل عليه في العمل وتقول له حبيت اسمع صوتك بس يا
عمري

الساعه 3 العصر
=============

تستقبله وهو متشيكه وتبوسه وهو داخل للبيت وتقول له
الغدا جاهز يا حياتي ..تحب احطه لك الحين ؟

الساعه 5 العصر
=============

تصحيه من النوم ببوسه وتقول له اعمل لك شاي يا حبي ؟

الساعه 6 المغرب
===============

تسبل عيونها وتقول بكل خجل يا ريت يا حبيبي .. يعني
لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري و قبل ما ينطق بكلمه اذا ما
تقدر خلاص مو لازم وطبعا يضيع هو في نظره من عيونها
ويوديها لاهلها ولو انهم ساكنين في السويدي وهو ساكن في
العليا

الساعه 8 بالليل
=============

تتصل على الجوال وتقول اشتقت لك يا عمري .. يا ريت
تمرني ونروح للبيت وطبعا هو عارف وش بيجيه في البيت
فيطمر ويقول للشباب اسف والله يا شباب راسي مصدع
ولازم
امشي

الساعه 10 بالليل
==============
تجلس في حضنه وتقول الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني ..وانا يا
ما
كذبت على ابوي وقلت له اني طالعه مع امي وانا اصلا
متفقه
مع امي عشان اطلع معك وبعدها هات يا بوس لمده لا تقل
عن ثلث ساعه

الساعه 11 بالليل
==============
الوصول الى هذه الصفحه غير مسموح ……….الخ

بعد مرور عشر سنوات
*******************

الساعه 6:30 صباحا
===============

هي في سابع نومه

الساعه 11 صباحا
==============
هي برضه في سابع نومه

الساعه 3 العصر
=============

تستقبله وهي نافخه خشتها وتقول شف لي حل مع ولدك علي
هذا ..حتى الان ما حل الواجب .. وسوير الله ياخذ عمرها
انشاء الله شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه تو
انه يقول لي يوم ان الاختبار صار بكره … وترى موضي
تكنفست مع الدرج وهي كانت في المشايه … والظاهر انها
تعورت …كله من هالشغاله الله يا خذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها
وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ما تدري ان
اسرار بيتنا كلها عند الجيران من لسانها هاللي وش طوله
و …و …..و

الساعة 5 العصر
=============

هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ..الخ

الساعه 6 المغرب
===============

هو جالس يشرب الشاهي وهي تقول نبي نروح لامي بتجيهم
بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لها
هديه
من باتشي و ابي امر على المشغل ..وبعدين حطنا عند اختي
في الشفا من زمان ما شفناهم …………..
وفي هاللحظه فكر هو انه يشتغل ليموزين احسن له

الساعه 8 بالليل
==============

تتصل على الجوال وينك فيه ؟ وبعدين وين بتروح ؟ ومنهو

الي معك هذا ؟ ووش بتسوون ؟ ومتى بتجي ؟ لا ما فيه
الساعه
11
تعال الساعه 10

الساعه 10 بالليل
==============

جالسين هي وياه عند التلفزيون ..اخيرا هدوء ..والعيال
نايمين ..والجو جميل ..وفجأه تطالعه وهي ماده بوزها
وتقول الحين امك وش عندها اليوم ما ترد يوم اني سلمت
هاه ؟ والله ما ادري كان سالتيها واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما ما
نيب زايرتها اذا ولدت ……وبعدين بنات عمك وش عندهم
نافخين
عمرهم ؟؟ على ايش ابي افهم ….على جمالهم الزايد اللهم
لك
الحمد بس تسكت شوي بعدين تقول وبعدين اختك نوره يوم

انها تقول ان علي ولدي يشبهني ما يشبه ابوه وش قصدها
هاه ملاحظه علي هو اشين اخوانه انا فاهمه قصدها
وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد الي هو الزوج حلو مره و3 من حريم
الجيران قد خطبوه لبناتهم ….من زينك بس ما ادري وش
لاقين
فيك . يسكت وما يرد , تسكت هي ثم تقول وبعدين اخوك
شاري لحرمته ساعه قيمتها عشرين الف ريال يرد طيب وش

المشكله ؟ وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ..شينه
وطبايعها شينه وحتى طبخ ما تعرف تطبخ خلاص اشتري لك

ساعه تعصب وتقول ايه تسكتني بهالكلام ….والله لانت
شاري ولا شي وش تبيني اقول يا بنت الحلال ؟ تقوم
وهي تبكي خلاص ما ابي منك شي

الساعه 11 بالليل
===============

هي زعلانه ونايمه مع العيال
وهو **** اليوم الي تزوج فيه

وسلاااااااااااااااامتكم 😀

دار دولاب الشعر واسمعو يا من حظر
بشرح القصه لكم واسمعو مني الخبر
اسمعو عن ما بصير ما بين الجيب والبعير
اداعمو وامر خطير والكل في صوب انتطر
ييت باطالع شو يكون قال الجيب امشي بالهون
واعترض لي ها الملعون يا عسى ريله **ر
يا جماعه من منه الغلط هو جدامي اعتقد
هذا دايم لي سلط خذك الله ما تفتكر
رد البعير بحكيه وقال الغلط مب مني
هذا دايم يدعمني كم من بعير عثر
ومن لبق بعيني الليت خذت عمري واعتزيت
وحمت من فوق البونيت كثر ما بي من قهر
من شفته رمحت القاع ومن امثاله ما برتاع
ما درى اني شجاع وبسمعتي مشتهر
رد الجيب وحكاله وقال ثرك ما عدنك عداله
لو اعلم هذا مقاله جان دسته بالكفر
والله لأدعمه في الحال وا**ر اريوله الطوال
ولا اخلى فيك حال واظهر قيحك والبطر
انظر عمرك كيف محتاس ريلك عويه مثل الداس
وخذ الله بطنك والراس ما تسكت يا بو البعر
ورد البعير بكلامه وقال يا هذي ندامه
ليتني رافس الجامعه يوم حمت وبعبر
والجيب كله مب شي لو بنجر ازم عري
وحديده كله عوي وكل يوم شي ين**ر
حتى المكينه مخبقه من كل نوع ملفقه
ويدقدقونه بمطرقه وراعيه دايم في خسر
وكل ما يمشي دعم وامسات جاتل هل شعم
لا في حشيمه ولا كرم يمشي ولا عنده فكر
قال الجيب اقصر حكيك انت اليوم منو يبغيك
الناس ما لهم شغل فيك بتم جي منقهر
حتى اهلك ما بغوك خذوني عنك وخلوك
وانت بلا شغل اتركوك واليوم مره ما تسر
انت ضاري يا الخريش تيب البطايح والحشيش
ولا انا مرابع الجيش وفي الحرايب منتصر
الجيب له عز وجلال اسد الصحرا والجبال
مجرب ادروب الطول يدعي كلمح بالبصر
والبعير مترفع عليه يقوم يرغي واعليه
والدرب اللي ساعه اقضيه البعير فيه ياخذ شهر
رد البعير بحرقته محرج ونافخ كرشته
قال ما بسمع هرجته جذاب زيد في الخبر
وايد تخربط يا الجذوب وقبلك انا وسط الحروب
ومن سنين قاضي ها الدروب الجيب لا يا لا حضر
واسمع يا بو دقمه ودبل الفضل حق اللي يا قبل
والا التالي لو فعل يغلبه اللي قبل اشتهر
ومن سنين قبلك مستوي ويبقى الفضل حق الاولي
يا بو سبيد معتوي لا لك حشيمه ولا قدر
وانا اذا صار الحرب اركض بناموس وطرب
ما هو مثلك بخترب واللي يركبونك في خطر
كل يوم واقف على الطريج قلت اشبلاه قالو عويج
وراعيك شفته مستضيق وبيده السبانه والبكر
ورد الجيب بجوابه وقال جذب اللي حكى به
كل قولك صدق ما به ريحت ولا لي شكر
البعير ما عنده احترام ريحت من يابو الثمان
يحتاي لي يضرب سلام يوم جدامه امر
كم مره عيز ولا رام واقف في درب حام
شنشعونه بالخطام وهو مب طايع يزر
واحسن له ايود ثمه ولا تراني بدعمه
والنذل لو تكرمه اي حد الزين ولا ذكر
لكن الحين براويك عنك ما بضرب بريك
وانظر الدعمه اللي بتيك حتى كرشتك تنفجر
رد البعير يتحكي ويغمض عينه ويفجها
يقول للجيب يتشكى كل يوم في عوق يمر
يوم انك بتدعمني انت مب اقوى عني
اول روح اسأل عني جاتل كم نفر
جان ما تدري وتحيد اسأل سالم بن حميد
يوم رايج صوب الذيد قصته عندي والخبر
وان رد زيادة جواب اتخبر حمد بو شهاب
عنده القصه بالصواب خليت حالهم في خطر
لاقوني في وسط الطريج وانا مروح للفريج
دعموني وصاح الزعيج واضنتي سمعت الخبر
ودربحتهم تدربيح حد يزاعج وحد يصيح
وحد يغتلي ويطيح وانا سلمت من الخطر
اللي جتلني اجتله سويت له كم مشكله
ثاري خذته في اوله من قبل لا يصيف الامر
رد له الجيب وقال انته يابو ريول طوال
دعمتي تجتل في الحال ما ت**ر الا الظهر
واليوم ما لك محتشم مستغنين عنك الامم
ولا زمانك انعدم ما تلحقه ذاك الوطر
ما بيحصل لك لو تبي انا بدالك يا الغبي
الشيبه مب مثل الصبي جديم وافناك الدهر
ولا انا توني يديد غالي ولي حب شديد
واجرب اللي بعيد وعليك كالبارج امر
وانت حاني لي رقبتج تمشي وتهز لي فجرتك
كم انا طفت وشهمتك وانت واقف وتهدر
مسكين البعير اخترب شوفو كيف خايس من اليرب
واسميك خسرت العرب من كثر ما تاكل تمر
ورد له البعير ساعه محرق ويرفس بكراعه
وقال انا راعي الشجاعه ولي العزه والنصر
يا ناس عني وانشدو انا رفيج للبدو
ويا اهجمو بي على العدو وصاحت الميزر والوكر
ما شملني هم وخوف نسو ضبيان المعروف
ومع**ي بين الصفوف وبيده الخنير ومعشر
اللي ركبني اطمئن ومعروف انا في ذا الزمن
وماخذ الشاره والرهن ولي من معازيبي فخر
ومريح وما عندي تعب عند المشايخ والعرب
وخناقتي فضه وذهب ومع**ي بي مفتخر
كل يوم لي شاره اظهرت شيوخ وسادات احضرت
صاحت البندق واصرخت لي عندهم شان وقدر
حاضر وانا لهم في الطلب سبوق يظرب بي عجب
ما هو مثلك بنجلب واللي يركبونك في خطر
رد له الجيب بالكلام البعير يا ولد الحرام
بو كرشة مثل الدرام هذي مقصه مب فخر
خلوك تركض يا الهبيل شافوك مجنون وخبيل
واتعبت في الدرب الطويل واتناهي وصدرك في خطر
ويهه اكشر ل نصى تعبان من ضرب العصى
قلت بصلحكم الحين واحكم من بين الثنين
شو السبب متخاصمين هاتو القصه والخبر
قدم البعير بدعواه وحلف باللي سواه
يقول مب خاطف جداه لكن هذا الجيب شر
انا بروحي ناوي بروح لهلي لحميد والشيبه على
قلت له اسمع يا البعير حاسب يوم بتسير
لا اتي بين السياير ترمي بنفسك للخطر
احسن لك تروح بعيد هاي السياره حديد
لو تدعمه عوقه شديد اديه وريله تن**ر
وعن الجيب بعيد اشرد ومن تشوف القار رد
لك السلامه والسعد احسن لك ايلس في البر
واتقدم الجيب وسأل وقال كل اللي حصل
هذا البعير وما فعل عفد على وانتطر
قلت له يا الجيب شوف اعدل مسيرك وروف
لا تعاتبه لو هجم بهيمه ما يفتهم
يود عنه درب السلم ولك الفضيله والنصر
وانت اذا شفته ويت اوقف عنه وفض السبيد
ولا تلبق في عينه الليت اوقف عنه وخله يعبر
وكل ايود مذهبه ويصير يمشي بواجبه
واللي غلط بنظربه ناخذ الحق منه جبر
واتراضو من عقب الكلام اصحاب بينهم الاحترام
تمت القصه والسلام وصلو على سيد البشر

والسمووووووحه اني طولت عليكم وااااااااااااايد
تعبت وانا اكتب 😀

تحيااااااااااتي
اخوكم
[shdw]بو ابراهيم[/shdw]

ذكريتني بمعلقة عنتر بن شداد 😀

يسلم ثم الشاعر والله
ذكرتنا بالذي مضى