الوسم: الفاضين

والله ولهت عليكم من زمان ما شفتكم ولا سمعت اخباركم 😀
انزين اشوي اشوي بالدور بلااكم تداازون شووه موزعين دياي على باب الجمعيه 😡

انزين اخبركم ……. كيف تستانسون في ها الجازه اووه بغيت انسى مبرووك على النجاح بنات وشباب .. وانا بعد نجحت الحمدلله وكله
A 😀

انزين يا الحريمات
كل وحده تشل برتقالها وتفاحها … وتلبس يرقعها وتسير من بيت لبيت اوووه نسينا القهوة بعد لا تنسوون ترى ام عبود عازمتنكن بعد صلاة العصر على بيتها لانها يابت البشكارة اليديده .. ولا تنسن تحددن على منوه العزيمة المره اليايه 😎

وقوم بو الشوارب احم احم الشواب الهيبه والاحترام
هذيلا اللي في الاربعين وساير ترى هذا عز الشباب من يعديكم العصر وصليتوا وخلصتوا .. اقبضوا لكم القهوة وتذكروا ايام اول ايام الغوص واللولو هب الحينه و***بيطه

وايه صغاريه ( هذيلا قوم بو 16 وما تحت )
كل واحد يقبض له سيكل والا دراحه ويحاوط من سكه لسكه ولا تنسوون الهرن هذا مال السياايير .. ها الحشره على عشر ربيات عند الهنود .. ولا تخلون هندي ما تدعمونه 😀

عاد يينا حق الدلع .. البنيات
كل وحده تحيس القصه على صوب … وتشل لها بطاطس عمان والا بفكي بداقوووس .. واتيمعن تحت الغافه .. ايه حصوه عاد لا تنسين اللاب توب اليديد … مال اخوج هاتيه نبى نشوف اخر اخبار المنتدى … #G#

والا عاد خليهم الحلوين راعين الغتر والكندورة العربية
انتوا عاد لا تظهرون الا بعد المغرب …ترى الشمس حاميه وبتحرق ويوهكم .. وكل يوم اسحتوها اللحيه .. وخلكم مرتبين وحلوين ما تدرون شوه يستوي .. ولا تنسون قبل لا تظهرون امسحوا سياييركم بلسانكم .. قصدي يعني نظفوها ..ولا تونون ومن تشووفون سيارة شرطه اشعط السياره بويل .. ونزل الدريشه واضحك في ويه الشرطي .. هعهعهعهعهع .. بس لا تنسى تغطي رقمك قبل لا تسوي جيه

اووه اوووه نسينا راعين الويع والوااااع … ايه يهاالوه
اقووولكم عندكم الوانكم مال المدرسة والا الابله طمعت فيهن بعد ؟؟؟ ….اذا عندكم لا تخلون ايدار صاحي في البيت … ابدعوا وطلعوا مواهبكم .. يمكن واحد منكم يطلع سيفواندوا دافنشي #B#

يالله عيل لين الحينه بسكم خلاااص … اتريوا الحلقه اليايه

وقفوااااا

وقفواااا

نسينا مونيكا ولاتا وناناه وجاندني …

انتن عاد من يعديكن قبل المغرب بشوي كل وحده تشل التب مال ال**اله وتربع عند الدرام العود وادق بالتب لين تطلع لها الثانيه ,.. وتمن قرقرقر وكيكيكيك .. لين تي ماماه وتسوي لكم جنجاال وجان ما تفركن بحصى بعد زين 😀

والسمووحة منكم تراها الا سوالف لا غير … ولا حد يحط في خاطره افا عليكم .. كله ولا الوعــــد 😉

زين يوم عجبتك استاذنا 😉

مايد … وين جان بتروح مرافق بعد …. علشااان محد يتعور منهم 😀

بنت_دارالحي… العفو الغاليه

مشكورين على المشاركة

تشلمين الوعد على الموضوع وايد حلو انشالله انشوف غيره..

الوعد

انا من فئة الشباب الحلوين راعين الغتر والكندورة العربية …

<== حلو 😀

<== خقاق 😀

<== يباله خيزران

😎

مشششششششكوره اختي الوعد على الموضوع

الله يعطيج الف عافيه

انت احلى اخوي الصغير … يالله همتك لا تخلي هندي ما تدعمه بس بو بكر راعي دكانا لا وحيليله طيب 😀

بلاليط
العفو … ال اتبى خيزرانه حاااضرين .. وين بيتكم بس .. بدور لك خيزرانه محنايه وبطرشها

تسلمون على المشاركة;)

ولا يهمج مابخلي هندي مابلحقة..

لا عاد بو بكرنا نحن احلى هاهاهاهاهاه

خلاااص احسبهم والا شووه رايك تشتري لك نشابه بعد 😀

ما شي كاكاو …

وبعدين صحيح يبالنا لاب توب…:rolleyes:

بس الصراحة قوية سالفة الحسو سيايركم بلسانكم..

مشكورة

غـــــــــــــــزل