السلام عليكم أعضاء أحلى منتدى في المجرة 😀
الصراحة من كم يوم في خاطري أكتب لكم عن هالسالفة بس كل مرة أنشغل بشي ..
اعتقد أغلبيتكم ماتسمعون الراديو في السيارة .. لكن أنا وبحكم وجود بعض الشواب اللي اوصلهم ومايطيعون إلا يسمعون الراديو اسمع هالإعلان ..
همسة براءة
الصراحة إعلان رائع بل أكثر عن رائع .. يناقش قضايا ومشاكل اجتماعية في اعلان مدته أقل عن دقيقة وبصوت طفلة ومن منطلق تفكير طفلة ..
المهم للي ما جد سمعه بحط لكم همستين من همساتها واتريا تعليقكم عليها ..
الهمسة الأولى ..
أمس زارتنا حرمة وجعدت تكلم أمي جدامي وأنا اسمع وتقول لها انتي لين متى بتمين جذييه عايشه في بيت بالإيجار ومتزوجة ريال معاشه 3 الاف درهم بس لا يسفركم ولا اييب لكم هدايا .. قالت امي الحمد لله احنا مرتاحين وراضيين بالنصيب قامت الحرمة وقالت انتي بتمين طول عمرج ويه فقر وعايشة في فقر .. الحمد لله احنا مرتاحين وأبوي صح فقير بس عنده .. عنده حنان ويحبنا واحنا بعد نحبه ..ما قول الا الله يهديها …
الهمسة الثانية ..
اليوم سرنا زيارة لوحدة من الأهل ويلست ابغي العب مع ولدها اساله شو اسمك تم ساكت قلت يمكن مستحي .. وبعدين سألته اي صف انته وهم تم ساكت كنت بسال أمه يمكن الولد مايتكلم أصلا وفجأة يت المربية مالته فقال لها : come tena i want to introduce you to my new friend يتكلم بلغة مربيته .. لأنها دوووم معاه .. بس وين أمه .. وين أمه .. وين أمه
اتريا تعليقاتكم .. ولا تبخلون علينا بالراي مع العلم لو بإيدي كان حولت هالبرنامج لإعلان مصور لتعم الفائدة ..
ودمتم سالمين ..
بشتخته
[/C]
أنا معاك .. حلوة هاي الهمسات ..
والأحلى إنه رسالة لكل الكبار في حالة انهم غفلوا عن اي نقطة من النقاط اللي يذكرونها ..
بس والله ت**ر خاطري ..
لأني مرات احس انه في يهال وايدين يفتقدون لحد يسمعهم ..
خاصة هالزمن ..
بانشغال الأب .. وعمل المرأة .. ووجود الخادمات والمربيات ..
فالطفل يكون ضايع ..
وانا الحمدلله .. انا احب دوم اكون اذن صاغية للصغارية اللي عدنا ..
لأن اذا نحن ما سمعناهم منو بيسمعم ..
عيل من شوي أنا محبوبة الصغارية
😉
الصراحه عيبتني الهمسه الأولى: خوووش بنت عرفت ترد على يارتهم ، لأزم الإنسان يشكر ربه على النعم اللي هو فيه ، ترى النعم مب لأزم تكون مال وبيت وسياره ، هناك نعم ثانيه ربنا عطانا اياها وهي نعمة الصحه الكل غافل عنه …
وعجبتني الهمسه الأولى وأنا أقول الراحة مب بالمال والذهب أهم شيء الراحة راحة البال.
أما الهمسه الثانية فللأسف هذا حال الأمة الآن على الرغم من المصائب التي تنتج عن الخدم والمشاكل التي نقرأ عنها في المجلات أو ماشابه ذلك ولكن لا حياة لمن تنادي إلا من رحم ربي ما من أحد يتعض ويعتبر من الذي يحدث للغير وبدوري أقول الله يهدي الجميع.
جزاك الله كل الخير#G#
الهمسة الأولى : للأسف وايد ناس ينظرون للمادة على انها هي أساس السعادة ، ياما ناس عايشه في قصور
وكل شي موفر لهم بس يتمنون راحة البال .. الإنسان دايما يغفل عن شي مهم وهو انه السعادة ممكن يصنعها بنفسه من غير مال .. يكفي انه يذكر نعم الله عليه الني لاتعد ولاتحصى ويكفي نعمة الصحة والإسلام
الهمسة الثانية:هذا حال أطفالنا اليوم مع الخدم .. تلاقي الطفل يتكلم عشر لهجات في جملة وحدة :rolleyes:
ياليت الآباء يعرفون انه الأطفال أمانة بين ايديهم لازم يحافظون عليها ويربونهم تربية صالحة .. يكفي الله عطاهم نعمة الانجاب ور**هم بالذرية .. ناس يدورون ظفر ياهل مب لاقين :rolleyes:
والسموحة على الاطالة …
عيون الحب عاشت محبوبة الصغار 😀 ماشاء الله عليج الأطفال أحباب الله والعناية والإهتمام فيهم واجب وهم امانة في رقبتنا ولازم نوفيهم حقوقهم .. تسلمين على الرد والله لا يحرم اليهال منج ..
صدى الأحزان اختي الكريمة صدقتي في اللي قلتيه يعني شي جميل ان احنا نلاقي ناس قنوعين وراضين باللي هم فيه المشكلة يوم طرف ثالث يتدخل خلوا الناس في حالهم .. وتسلمين أختي على الرد …
ملكة جمال مثل ماقلتي اختي الراحة مب بالمال بس الراحة راحة بال .. واما عن عيالنا الله يكون في عونهم بس … وتسلمين على الرد ..
بحر الإمارات حيا الله من نور المنتدى وينج اختي من زمان ماشفناك عسى المانع خير وتسلمين على الرد ..وماقدر ازيد على اللي كتبتيه كفيتي ووفيتي ماشاء الله عليج ..
[/C]
تحياتي
😎
تسلم أخوي سلووومي على الرد ..
[/C]
حياك الله ولدي بشتخته
صراحه دعايا عجيبة وفكرة إبداعية ولطيفة لعرض مشاكل المجتمع وين يحطونها عشان أسمعها الوالدة تستانس على الرادو
للأسف
الناس أغلبهم ركضوا ورا البيزات والمادة وأهملوا بيتوهم بحجة البحث عن الر** وتوفير كل شي لأهلهم ودخلوا عناصر دخيلة كوكتيل تربي الفريخات والنتيجة كانت هذه الهمسات المقدمة في البرنامج كعلاج لمثل هالظواهر والأفكار المنتشرة في المجتمعات المرفهه مثل مجتمعاتنا
الفقر مب عيب لكن هذا مب معناته الانسان ما يفكر يبحث له عن مصادر دخل عديدة تؤمن مستقبله هو وعياله لكن لابد من وجود موازنة وإعطاء كل ذي حق حقه عشان ماتحدث مآسي بسبب الإهمال او التقصير
والله هذا حديث ذو شجون لو تكلمنا فيه أيام ما ينخلص وانا ماشاء الله وايد أرمس
اللي فوقي ماقصروا وأثروا الموضوع
يزاك الله خير ولدي على الموضوع الرائع كالعادة
امك
أم همام
الموثف الأول
واااااااااايد سطحية هالحرمة … تفكيرها سطحي و اسمح لي … الأسلوب مفروض يكون بطريقة حلوة
ثانياً الحرمة واااايد حشرية مب لازم الواحد يكون عنده بيزات عشان يكون مستانس
—————————–
الموقف الثاني :
للسف اليهال يتعلمون لغة المربيات … و الأهل بدون تعليق … الله يرحم أيام أول
أم همام ماماتي كلامج رائع وموزون وانتي كالعادة اضافتج أثرت موضوعي .. هموم وشجون زوايا لازم تكون موجودة في حياتنا .. ولو بنتكلم بنجعد ايام وايام نتكلم لكن خليها على الله واللي فيه الخير يتجدم .. وانا ان شاء الله بحط لكم صوت البنت وهي تقول هالإعلان .. وتسلمين على الرد والمتابعة …
ميلودي الحشريين واااااااااايد … المهم الانسان يكون قنوع ..وانا معاج من كل قلبي الله يرحم زمان أول .. وتسلمين على المشاركة …
[/C]
تسلم اخويه ع الموضوع