اكيد كلكم تذكرون العضو كاتم الهم(كتوم)
🙁
ماشاء الله كان شعله الاماره والكل يشهد
اكيد بتسألون ليش اختفى فجأه
انا اعرف هالريال معرفه عدله تعرفت عليه عن طريق المنتدى وبينا اتصالات والحمدلله وماشاء الله عليه والله انسان يحب الخير للجميع ولقطه والكل يشهد اعضاء ومشرفين
قبل اسبوع حصلته في الماسنجر وسألته هو ليش مختفي ما يدش المنتدى قالي انه مشغول شوي وبسرعه بعدها سلم علي وروح طلع من الماسنجر
شفته اليوم وسألته نفس السؤال تعرفون شو قالي
والله كلام ما توقعت اني اسمعه
قالي ان شي اعضاء شباب هم تسببوا في خروجه نهائيا عن المنتدى
كانوا يتهمونه بأنه راعي سوالف بنات ليش لسبب بسيط لانه حاط ايميله في التوقيع يعني كيف بالله عليكم البنت هي اللي بتركض وراه وهو شو دخله:mad: 😡 😡
كل رجل لا يرضي ان يتهم في رجولته صح كلامي ولا لأ وكل بنت ما بترضى انه يي واحد يتهمها في شي ما سوته ولو شو ما كان ومن كان
هي اللي بتطلب انه بيضيفها على ماسنجره
مب هو اللي يركض ورا البنات واسمحولي على التعبير
بس مب لين هني وبس
بلغت بهم الوقاحه ان تجرؤوا وغلطوا عليه يعني سب عيني عينك شو رايكمppp ppp ppp
هو ما كان يبا يكبر السالفه فقال خلني اسير من منتدى فيه هلاشكال
شباب حياتهم السب وبنات يركضون ورا اي ايميل بس شو اقول طبعا شي اعضاء وعضوات والله ما اقدر ارد على مشاركاتهم خوفا من اجرحهم بأي كلمه والله ونعم الاخلاق والله ونعم الاخلاق والله ونعم الاخلاق
يعني اسمحولي شي اعضاء هني قالبين المنتدى شااااااااااااااات
يعني اتعرف عليه ويتعرف علي
——————————-
يعني اسمحولي لو في شباب جذي في المنتدى بهالاشكال
اتذكر كلام اخوي كلاسيكي
نحن لسنا مجرد اعضاء نحن اعضاء الامارات للأبد
ppp ppp ppp اسمحلي اخوي كلاسيكي بس والله انك ما ترضاها في اخوك وما ترضى ان يصير فيه جذيه وهو من اشهر المنتديات في الامارات لا وبل في الخليج
واسمحولي بس واحد شرات كاتم الهم يستوي فيه جذي وهو من الاعضاء اللي والله يشهد على ما اقوله والله اني حبيته واعتبرته من اخواني اللي اعتز بأخوتهم واللي تعرفت عليه عن طريق المنتدى هو واطفائي و ولد بوظبي
—————-
طلبي هو اتمنى من كل الاعضاء انهم يحسوا شوي ويفكروا قبل ما يقولوا اي كلمه اللسان اللسان يا جماعه
اللسان المه اشد من السيف والله
———
اما موضوع كاتم فانسوه لن يعود للمنتدى انا صراحه مب مستعد اني اخسره مره ثانيه كاخ وصديق عزيز
اما عن اللذين تسببوا في خروجه ما اقول غير الله يسامحكم:( 🙁 🙁
———-
سلومي
سلومي اللي غلط عليه يعرف عمره فاحسله هوووو يعتذر منه ..:rolleyes:
والمفروض محد جيه يقوله ..الواحد عليه بنفسه عقب يشوف غيره ..
هذا الزمن الواحد يشوف عيوب غيره بس ابد ما يشوف عيوبه ..
ماعليه اخوي كتوووم لا تزعل ..
كلنا اهنيه خواتك واخوانك واللي يعق عليك رمسه عباره عق علينا واحنا ابد ما نرضى ..
اختك أميرة الورد
لهاي الدرجه 😮
الصراحه الي قالوا هالرمسه هم الي يسون هالسوالف وبعدين اخونا كاتم الهم غلطان يوم ظهر عسب هاي السالفه خله يكون واثق من نفسه ما عليه من رمسة غيره واتمنى ان يرد للمنتدى شرات قبل لان الصراحه كان عضو نشيط ومن خلا ل فتره بسيطه اثبت وجوده ما شاء الله عليه
وانا اقول ليش مايرد على الرسايل اللي اطرشها له على الخاص
حاول وياه اخوي سلومي وقوله ان في اعضاء يحبونك ومايهون عليهم
تترك المنتدى …
هو فعلا في اعضاء مسوين اعمارهم مطاوعه وملتزمين ودايما ينتقدون الاعضاء
يااخوان صدقوني انا ما شفت اشرف عن المنتدى هذا كل شيء فيه بحدود وما احد يتعدى
الخطوط الحمراء واللي يفكر يعبر الخط الاحمر يكون السؤدد له بالمرصاد
واذا اخونا كاتم الهم يبغي يتعرف على البنات ويهاتفهم جان ما دخل الامارات للابد
هناك الف منتدى غيره وسهل جدا التعرف على البنات والتلفظ بالالفاظ الجريئه (حبيبتي ,, فديتج ,, تسلم شفايفج ,, ) وغيره وغيره من الالفاظ اللي شفته
على العموم اخوي سلومي حاول معاه مره ثانيه واتمنى انه يخبرنا عن الاعضاء اللي ضايقوبه
للأسف شافوه بأنه يحط ايميله قالوا بأنه محطي ايميله للتعرف على البنات..
وانته ياللي طحت في كاتم الهم … ليش ظنك راح سيده ع التعارف ؟؟
ليش ماظنيت في اخوك ظن حسن ؟؟
تتحرى كل الشباب يغازلون .. كل الشباب عندهم سوالف البطاليه ؟؟
اتق الله في نفسك ولاتتهم اي شخص كان ..انته ماتعرفه بسوء .. لأنك ستنفضح يوم القيامه وعند الله تجتمع الخصوم..
===============
أخوي كاتم الهم رسالة خاصة لك … لاتجعل هؤلاء الأشخاص سبب في تركك للمنتدى .. لأنه احنا كأعضاء محتاجين لمشاركات وحضورك المستمر .. وماعليك من اي شخص كان لأنه اعمالك بينك وبين الله سبحانه وتعالى وهو الذي سيحاسبك وليس *** آدم الذي سيحاسبك
فأتمنى من العدول في رأيك والرجوع إلينا في اسرع وقت
أخوك ولد بوظبي
و الانسان في نفس الوقت يتقي الشبهات…
و كاتم الهم انا ما اعرفه لكن يبين من كلامكم عليه انه رجل عاقل و فاهم..و الواثق من نفسه يمشي ملكا..اذا قاهرنهم ايميله في التوقيع يشله و يخليهم ينبحون مثل ما يحبون…
و اتمنى من الاخ العزيز الرجوع للمنتدى..لاننا هنا كلنا اخوان و اخوات.. هذا المنتدى مثل بيتنا في النهايه..محد يزعل من اهله و بيته و يظهر..
و مهما درنا مردنا نعود لبيتنا الجديم <— مثلي
و السموحه منكم
#G# #G# #G#
#G# #G#
#G#
[/IMG] 
المشاركة الأصلية كتبت بواسطة صدى الأحزان 
التجار همهم جمع المال وبس ولا يفكرون في غيرهم لان عندهم اللي يسدهم وزود ومحد متضرر من هالقضية غير اللي دخلهم محدود !!! مات الوازع الديني فينا وما همنا غير البيزات عسب جي بنتم جي لين الله يستر 
