هالمنتدى الطيب
شحالكم إن شالله بصحه وبخير يارب 😎
خطرت فبالي بعض الجمل اللي أبغي أعرف معناها
عندكم وهل توافقنها ولا لأ:
"حلاة الثوب رقعته منه وفيه"
هاي الجملة تنقال في حالات كثيرة
ومافي حد مايعرفها…
خطر علي في حالة الزواج غير المتكافئ
دايماً نسمع عنه يبوء بالفشل…
مثلاً وحده تاخذ واحد واايد غني
أو خل نقول أبوه تاجر…
كم مرة سمعت عن هالقصص
عقب كم سنه زواج يعايرها هي شو
كانت وشو سواها…
ليش هالتجريح بس:confused:
المهم مابغي أطول عليكم
بالنسبة لي إن الواحد في أمور
حياته ياخذ اللي يناسبه فكل شي
والزواج ماهو إلا مثال يبته
لا على سبيل الحصر….
"البعيد عن العين بعيد عن القلب"
هاي المقولة صادقة لأبعد الحدود…
وايد ناس بالنسبه لي بعيد عن العين
هم بعيدين عن قلبي…
ومثال يوم خال الوالدة لما توفى
مانهزت شعره فيني:rolleyes:
طبعاً في أشخاص عزيزين
علينا يكونون عاشين ويانا
فراقهم يكون ساعات أخس من الموت
وخصوصاً يوم زوجي سافر
للدراسة وماقدرت أكون وياه
لأسباب خاصة:(
هذا طبعاً مثال من لاشئ…
"الحب أعمى"
هذه الكلمه وايد كنت أفكر فيها
هل هي صحيحة؟
هل إذا حبيت شخص تتغاضى
عن عيوبه؟
هل دايماً تقدر تفوت له؟
بالنسبة لي ماقدر واحد أحبه
أفوت له نادر هالكلام لي….
وايد أكون حساسه تجاهه
ماعرف ليش…
وفي بعض الناس عندهم نفس
مشكلتي…
"الشوق"
ياويلي من هالكلمة دايماً
ذابحتني على طول الخط 
"الوطن"
طبعاً المفروض كل حد يحب وطنه
وأنا أمووت في الإمارات وشيخ
الكل زايد الخير…
لكن فوق هذا أتمنى لكل المسلمين
يكون لهم *الدولة الإسلامية*
بيستوي إن شالله
بظهور المهدي اللي بيحكم بالإسلام
وبيعم الأمن…
لكن السؤال: هل بنكون عايشين:confused:
وتقريباً هذا كل اللي فخاطري اليوم
وأنا في انتظار ردودكم….
تحياتي…أختكم#G#
نبض الحياة
موضوع جميل واختيار موفق
عدم التكافؤ في الزواج سبب من اسباب المشاكل بين الزوجين
وعدم التكافؤ يكون في شتى الجوانب: السن والمال والعلم والنسب
بشرط ان يكون عدم التكافؤ يكون موجود قبل الزواج وليس بعده وهذا ينطبق على العلم والمال
لأنه من الممكن ان يكون الزوج او الزوجه احدهم فقير ثم يصبح غني بعد الزواج لسبب او لآخر ونفس الشئ ينطبق على العلم
البعيد عن العين بعيد عن القب
انا اشوفه صحيح الى حد ما
لان الشخص اللي يكون عنك بعيد وما يكون هناك تفاعل بينه
يكون قلبك مب مشغول فيه
لكن البعد في رايي ليس البعد البصري
فقد يكون الشخصين بعيدي لكن الاتصالات مستمره
هني المثل ما ينطبق
الحب اعمى
في حاله وحده
اذا الواحد سلم نفسه لقلبه
لان المفروض ان الواحد يكون عقله هو اللي يسيطر على اي تصرف يسويه وخاصه في سالفة الحب
الوطن
هو الفراش اللي يؤويني
مهما صار في النهايه راجع له
وااااااااااااااااااااااااااااااااااااااااااااااااااااااا شوقاه لبلادي
فديت الامارات
تسلمين نبض الحياه عليها :rolleyes:
انا في مثل كنت اسمع فيه….بس ماحسيت فيه صدق الا يوم جربته
هو مثل انجليزي (لاتضع البيض كله في سله واحده)
يعني لا تحط كل اهتمامتك واهدافك بالدنيا في شي واحد….لانك لو خسرته راح تخسر كل شي حلو مهم بالنسبه لك في حياتك 😉
الصراحه موضوع حلو وجميل
"حلاة الثوب رقعته منه وفيه"
هذا شي لا بد منه ولا مناص منه حلاة الشي يكون راكب على بعض ومطابق على بعض من جميع النواحي الزواج والصداقه والتجاره بجل ظروف الحياه تقريبا .
البعيد عن العين بعيد عن القلب"
ناس يا ما عشنا وياهم ايام وكانو جادمنا وكانت تهمنا اخبارهم ولكن من عقب ما تفرقنا قلت اخبارهم وما صارو يهمونا لان البعد حال بين وبين هاي المشاعر .
الحب أعمى"
اااااه يا الحب مهما الانسان حب تكون عنده كرامه وعزة نفس خلاص انا بحب وبتجاهل وبتغاضى عن تصرفات الي احبه ما توصل لهاي الدرجه .
"الشوق"
الشوق امرني اطيعك وانسى خلاني
اشتاق لك وانت معاي
شوقي انا يناديك ويرد على حس الوله
هذا هو الشوق ومحد يعرفه غير اللي جربه
"الوطن"
فديت الامارات روح ودم
تحياااااااااااااتي
مشكووور ثم مشكور على
مداخلاتك الجيدة….
تحياتي…أختكم
نانا…
مشكوورة حبيبتي على ردج…
والمثل اللي يبتيه صحيح
وينطبق عالواقع
فتى الشارقه….
مشكوور أخوي على مشاركتك
اللطيفة والكلام الألطف 😉
تحياتي…أختكم
"حلاة الثوب رقعته منه وفيه"
هذا مثل جميل…ومثل ماقلتي أنا أشوفه ينطبق على حالات وااايدة في مجتمعاتنا ..يمكن الشيء البارز مثل ماقالوا إخواني هو الزواج غير المتكافئ
"البعيد عن العين بعيد عن القلب"
وهذا المثل بعد صحيح نسبيا حسب الشخص…
في أشخاص ممكن الإنسان يكمل مشواره بعدهم أو بدونهم بس في ناس لا…يعتمد هذا عالشخص ومكانته ودوره في حياتج
"الحب أعمى"
قد يكون كذلك في حالات تسليم الزمام للأهواء والعواطف…لكن برأيي أن الإنسان إذا حب شخص فلازم يصلح له أخطاه ويعينه على الصواب مب يتعامى عن أخطاءه :rolleyes:
"الشوق"
من وين أبدا أفسر لج معنى هالكلمة؟؟؟؟…لكن بتعبير بسيط وكلمات مبعثره…الشوق في حياتي هو شعاع ينير لي الدرب إلى هدفي الغالي ….الشوق خط يصل بين قلب على الأرض وروح هناااااااااك في السماء…..الشوق لا أراه إلا الشوق إلى الجنة وإلى رب العرش العظيم نسأل الله أن يجمعنا وإياكم هناك
"الوطن"
الوطن …مهدي الأول ومهوى فؤادي …وطني هو أي مكان يذكر فيه اسم ربي
وطني كل بلاد المسلمينا…وأخي كل أخ في العالمينا
وفي النهاية …….مرة ثانية أختي أشكر فنج ….ويزاج ربي كل خير
تعابير جمييلة وكلام أروع :p
وخصوصاً هاي:
الشوق خط يصل بين قلب على الأرض وروح هناااااااااك في السماء…..الشوق لا أراه إلا الشوق إلى الجنة وإلى رب العرش العظيم نسأل الله أن يجمعنا وإياكم هناك
كلام يعني ماقدر
حتى إني أعبر عنه بإعجابي فيه….
فعلاً يثلج الصدر
مثل مايقولون
والله يجزيج خيراً كثيراً عالمشاركه…
تحياتي…أختكم
أحس اني كنت في سبات عمييييييييييييق ..
موضوعج حلو يا نبض الحياة ..
"حلاة الثوب رقعته منه وفيه"
لا تعليق ..
"البعيد عن العين بعيد عن القلب"
وا لله امس كنت اتناقش في هاي السالفة مع ربيعتي ..
كنت اقوللها ..
ا نا ابدا مب مقتنعة بهاي الجملة ..
وكانت تضربلي امثلة و حالة ..
بس انا مب داخلة مزاجي ..
لأنه مهما صار ..
اللي كانوا في القلب يوم ..
مستحيل انه البعد يبعدهم عن قلبي ..
يمكن عند الناس تمشي ..
بس ما تمشي معاي انا ..
حتى لو خذتنا الدراسة ومشاغل الدنيا …
لازم بيكونون في البال على طول ..
مب عيون اللي تنسى الناس اللي تحبهم ..
مهما صار منهم ..
لأني غير عن الكل .. 😉
قربا أو بعدا لا يغير عاشقا … هذه قشووووور و الحب جوهرُ
"الحب أعمى"
هيييييييه و الله ..
الحب أعمى يقوده مينون .. 😀 🙁 😀
عيون الحب لا يمكن تناظر ….. عيوب الخل لو هو عيب كله
عيون الحب في قلبي تناظر ….. تشوف اللي عيوني ما تدله
"الشوق"
خلي الكلمة هاي على صووووب..
ياما احترقنا بسبتها ..
"الوطن"
فديت بلاااااادي أنا ..
اللي دوم اقول ابى افارقها ..
الصراحة استغرب من عمري ..
يمكن لأني ابى اشتاقلها ..
ما أدري .. شو هالقلب اللي عندي ..
ما ادري كيف يطاوعني قلبي على هالرمسة .. 🙁 :rolleyes:
خليتينا نعبر و شوي .. من زمان ما رمسنا ..
اقول ..شكلي برد لسباتي مرة ثانية ..
😎
تحياتي
على الموضوع
ومن تميز الى اخر يارب
ومعاج حق في اغلب ما قلتيه
ولكن البعيد عن العين بعيد عن القلب
ما اعتقد والدليل قصص قيس وعنتر
والبعد صحيح انهم كانو من مناطق وحده
مع من يحبون ولكن كانو كثيرين الاسفار
وبالنسبه حق خال الوالده يمكن لانج ما شفتيه
او ما تعودتي على وجوده
ويسلموووووووووا
جرح
هلا اختي نبض الحياه
"حلاة الثوب رقعته منه وفيه"
بصراحه يوم اسمع ها المثل
اتذكر الانسان الي يجمع بين اشيا مالها دخل
و مرات الزواج بس مب ان زواج الغني من الفقيره
ايي عبالي الزواج من الاجانب
"البعيد عن العين بعيد عن القلب"
صح في وايد ناس بعيدين عن عينا فهم بعيدين عن قلبنا
بس احس ان ها المثل مب صح دايما
مرات في ناس يكونون بعيدين عن عينا بس قريبين من قلبنا
لكن اذا اقتربوا بيكونون اجرب
مثلا انا عندي صديقات بعيدين عن العين
بس احسهم اقرب لقلبي من القريبين من العين
:rolleyes:
"الحب أعمى"
أكيييييييييييد
الانسان يوم يحب ما يشوف بعينه ولا حتى بقلبه
يكون اعمى البصر و البصيره
و ما يشوف عيوب الانسان الي يحبه
مثل ما يقولون
السبال فعين امه غزال
"الشوق"
ممممم شي وايد حلو
بس يعذب
الله يعين الي يشتاقون;)
"الوطن"
حبيبتي الامارات
جوابي
ما اظن ولا حتى اجيال اجيالنا …
هذا مب تشاؤم بس معرفه للنفس البشريه
وان شاء الله يكون توقعي غلط
:rolleyes:
مشكوره اختي على موضوعج الرائع رائع
وبانتظارج دووم بمواضيعج الحلوه
😉
حلاة الثوب رقعته منه وفيه..
صح ينطبق على حالات كثيره .. بس اهمها الزواج .. وما ينطبق لكل الحالات ..
ومثل ما قال اخويه السؤدد ..
يمكن يتغير حال الزوج او الزوجه عقب الزواج ..
لو كان فقير يمكن يستوي غني ولو كان عنده شهادة ثانويه عامه يمكن يوصل لدرجة الدكتوراه..
"البعيد عن العين بعيد عن القلب"
ما اظني :rolleyes:
يعني لو الواحد سافر ولا ماشاف شخص يحبه ويغليه.. ينساه!!
بلع** تشتاقله اكثر
"الحب أعمى"
يمكن تحب شخص .. بس قبل ما تصارحه بهالشي لازم تفكر بعقلك اذا هالشخص يناسبك ولا لا ..
يعني لازم ندخل لغة العقل في هالسوالف ترى مشاعر الناس مب لعبه
"الشوق"
ذبحنا واحنا في الغربه :rolleyes: 🙁
بس والله ترى يتعب القلب .. بس بعد احسن من تدخين ما يضر 😀 😀
"الوطن"
فديت الامارات .. نفديها والله بروحنا قبل دمنا 😀
والله يخليلنا شيخنا
ويسلموا خيتو على الموضوع
ويسلموا
