اولا من غير المعقوووووووووووووووووووووول ان يكون البترول في دولة مصدرة للبترول ومن اكبر الدول في الاحتياطي انه يون فيها البترول غااااااااااااااااااااااالي
نحن الي نصدر البترول الذهب الاسود كيف تتأثر دولة مصدرة للبترول حالها حال الدول المستهلكة
شحال لو انه الدولة مستوردة للبترول مثل اليابان ولا امريكا ولا غيهام من الدول الاوروبية والصنااااااااااااعية
شو نصنع نحن عشان يكون التلوث عندناا سيارات طايرات اسلحه
كل الي نصنعه عطور والمنيوم واسمنت ولا غرش ماي وبيبسي
من زود الصناعة الي عندنا
وبرتفااع الاسعار يزيد كل شي الاغذية ترتفع اسعارهااااااا والمشروبات وحتى مستلزمات الاطفال والكبار وكل شي
وذلك بسبب ارتفاع البترول
والي طالعين فيه التجار الحين هو رفع اسعار السلع بشكل ملحوض وجشع وكبير لدرجة اني انا يوم ارجع من دراستي في الخارج احس انه الاسعار ترتفع بزووووووووووووووووووووود
ليش كل هذا لين وين بتوصل الاسعار ومن المسؤول هل هي الحكومة الجهات المختصه وين حماية المستهلك
وين الناااااااااااااااااس ليش ما يحتجون ليش ما يقاطعون
الاتصالات محتكره خدماتها وشركات التأمين ما تتبع شروط التأمين
والسلع نااااااااااااااااااااااااااار
في دول الخارج لو تشوفووون مدى تنافس الشركات من بين بعضها شوي وبيبوسون يد وريول ال**ون عشان يستخدم ولا يكون **ون لهم ومش لغيرهم
مثل شركات الاتصالات عندنا شركه وحده تبا خدماتها مثل ما هي تفضل ما تبا دق راسك بليدار
ولكن لو شي شركه ثانيه بتنجبر الاتصالات انها تنزل اسعارها عشان تنافس الشركه الثانيه و بتنجبر انها تقدم احسن الخدمات بعد ……… وصلت الخدمات قمتها في الاغراء في الدول الاوروبية لدرجت انك تشترك بخدمت الاتصالات عن طريق الهاتف مش تروح وتخيس بطوابير طول النهار عشان خط بيت و البطايق المدفوعة موجوده في الدكاكين والله في الدكان تخيلو و جيمتها 70 درهم وفيها رصيد 70 درهم والحين مسوين خدمه في فودافون انك تحط 150 درهم ويعطونك 700 درهم رصيد من عندهم وفيديو كول " اتصال مرئي" و ام ام اس وكل خدمات الاتصالات
كذالك شركات التأمين فبلادنا لازم تسيرلهم ويصورون الموتر وبلااااااااااااااااااااااا واتم من غير سياره مع انه قانون التأمين فلبلاد ينص على انه شركت التأمين ملزومه تعطيك سياره بسعر رمزي لمدة تصليح سيارتك ولكن محد يتبع هلقوانين
غير انه في بلاد الغرب يعطونك سياره غصبن عن خشومهم وبسعر رمزي واسعار التأمين الشامل والله ثم والله ارخص من الي عندنا بلرغم انهم يدفعون ضرايب
كذالك السلع في الجمعيات والله اني امزر عربانتين بلاغراض الا اني ادفع بس مبلغ وقدره 300 درهم بعمري ما دفعت اكثر و انا انسان معرس وعندي عيال وانتو عارفين متطلبات البيوت واستغرب اني في البلاد عشان حفاضات وحليب ادفع ما يقارب 250 ليييييييييييييييييييييييييش حرام والله حرام خافو الله
البترول صح انه غالي بس والله يسون بلاوي عشان يجذبون المستهلكين
يعني اذا تسوقت في الجمعية الفلانيه وسرت شيشت شل على سبيل المثال يعطونك خصم اذا وريتهم الفاتوره وكانت جيمت المشتريات اكثر من 30 درهم ونحن نصرف صرف البلا في الجمعيات ولا نلاقي شي طووووول
شركات السيارات مثل شفروليه يعطونك السياره وبتأمين شامل لمدة سنه وفوقهم كوبونات بترول ب 6000 درهم شو بعد تبون يا ناس
وعندنا كل شي بفلوس وليتنا ندفع شي معقول بلع** ندفع دفع البلا وما نحصل شي من الي يحصلونه الي في الدول الا***
الكويت بترولها ارخص والسعودرية بعد عمان صار بترولها ارخص من بعد ما كانو هل البريمي يفولوون عندنا في العين صارو هل العين يسيرون البريمي عشان يفولن
نحن نستاهل دوااااااااااااااااااااااااااااااه الشعب واقل من دواااااااااااااااااااااااااااااااااااااااااه
في الدول الغربية اذا غلا الشي فلس احتجو وقاطعو ونحن ولا مهتمين
والله اني كل يوم اشوف احتجاجات ومضاهرات ومقاطعات وضغوطات على التجار والحكومة عشان تتحرك وتتخذ الاجراء اللازم لحل المشاكل
شو فايدة مكرمت الشيخ خليفه ما حسينا انه المعاش زاد ولا شي بلع** قبل ما تنزل الزيادة زادة الاسعار
هذا لانه الناس ساكته فيه اوراق شكاوي في المحلات اكتبو قاطعو سوو حملات ضد المتاجر ولامحلات خلوهم يفكرون الف مره قبل ما يرفعون السعر فلس ولا حتى انهم يخطون خطوه غبيه ضد المستهلك
كل الي اقدر اقوله انه المواطن بيده كل شي محد بينط بجيبك و يجر الدرهم من مخابينا نحن بيدنا نروض السوق
السلع هذي كلها لنا اذا نحن ما نباها بتخيس عندهم وهم الخسرانين قاطعو وشوفو
اخطو خطوه ولو مره في حياتكم تحسسكم انكه لكم فايده لكم دور في بلادكم الحكومه ما تقدر تسوي شي من دون الشعب الدوله تبا عونكم التجاره مفتوحه فلبلاد و الحكومه والمنضمات ما تقدر تصيطر على الوضع من دون مساعدة المستهلك يا جماعه اوقفو يد بيد وبتشوفون بيكابرون يوم اسبوع وبعدين بتبدا خسايرهم وساعتها بيركضون وراكم ويدورون رضاكم بس تشترون
السموحه طولت عليكم
اتمنى النضره الجديه والتصرف الجدي لحل كل مشكله في دولة الامارات الحبيبة
اما اسعار السلع الاستهلاكية اعتقد السعودية هي الاقل في المنطقة
على مستوى الخليج
المشكله في الاجانب الي نظرون لنا كان كنز يمشي على الارض والواحد يمشي ويكلم نفسه من كثر الديون و الضغوطات الي عليه
هل فعلا نحن محظوظون اننا خليجيون ؟؟ الله اعلم
