اول شئ طبعا ما قبل انى اكون الزوجه الثانيه ( بعدنى ما تخبلت عسب اسويها ) لانه الصراحه ماحب اكون مكان الزوجه الأولى و ياخذ عليه وحده ….
😮 او اكيييد ما برضى انه ياخذ عليه وحده اذا انا كنت اقوم بكل واجباتى الزوجيه و مش مقصره معاه .. بس اذا صار شئ و حب انه يعرس عليه طبعا بيت ابويه يرحب فيه لانه مستحيييل اتم ويا واحد ماخذ عليه وحده .. :rolleyes:
و السموووحه باباى 😀
اكيد ما ارضى اكون الزوجة الثانية، لاني ما احب احد يشاركني بريلي
وطبعا مستحيل اخليه يتزوج علي
وان شا الله ما اشوف هاليوم اللي بيتزوج فيه علي
شو سالفتهم الرياييل هذي الأيام كل يطرحون قضية الزوجة الثانية …
و لا عيبهم الحج متولي …. و صاروا من أنصاره 😀 😀
أنا من الغير مأيدين لهذي القضية ….
أنا في رايي الشخصي إن الزوج لازم يحترم هذا الرباط اللي يربطه بزوجته …
إذا هي ما مقصره وياه في شي و تطيعه وتلبي كل طلباته … و تربيله عياله وتسهر عليهم … فليش الزوج يفكر في إنه يتزوج مره ثانيه :confused:
طبعا يحق له بعد يفكر في الزواج إذا كانت الزوجه مثلاً ما تييب عيال … يحق له يفرح بالعيال … لكن هذا هب معناته أنه يهمل الزوجة الأولى و يخليها مثل الخدامه له ولحرمته الثانية … ppp
أوكيه أخوي أنا اللحين بسألك إذا كان العيب من الزوج إنه واحد لعاب ويدور على المتعه … زوجة الأولى شو لها ذنب أنه يخليها ويركض ورى اللي تسوى و اللي وماتسوى …..؟؟
مع تحياتي
قــــمـــر
لكن مبدا الزوجه الثانيه مرفوض عندي .. يعني لا برضى ابوي يتزوج وحده ثانيه ولا اخوي
اذا كانت عندهم حرمه .. قايمه بواجباتها على اكمل وجه ما اضن انه له داعي ..
و لا شو هي استوت موضه .. و الله فلان عرس ع حرمته انا بسير اعرس عيل جي هو بشو احسن عني ..
المبدا مرفوض الا في حاله وحده .. اذا كانت الزوجه مقصره في حق بيتها و عيالها و ريلها .. ذيج الساعه يحقله يتزوج
و السموحه
و في المقابل ما برضى انه يتزوج علي لنفس السبب ….. حتى لو كنت مقصره … أكيد هوه بعد مقصر .. ما في انسلن كامل … بس هاي قسمته و نصيبه ppp
وشكرا على الموضوع الرائع ….
😀
ما ارضى اكون الزوجة الثانية والسبب واضح في السؤال الثاني
وهو اني لوكنت مكان الزوجة الاولى ما ارضى ان زوجي يتزوج علي وبعدين احب اكون الاول في حياة زوجي
الشرع حلل اربع ومب شرط ان لو الحرمه الاولى مهمله لذى الحل بيكون الحرمه الثانيه لا بالع** انا اشوف لي مهملت بيتها واربع وعشرين ساعة برع مسنعه ريلها زين ونادر متحصل انا يقدر يتحكم فيها .
في الرجل غريزة وهي حب النساء هاي سبب من الف سبب لتعدد الزوجات
يمكن يكون هب مرتاحلها
يمكن خاطرها بأولاد
بس متتلام البنت اللي ترضى بنها تكون حرمه ثانيه لان وفهزمن ظاهرة العنوسه منتشره وكل وحده خاطرها تضمن رجال لها يكون سند وربي منزل
أصلا مافي حرمة ترضاها الا اذا كانت مب صاحيه:D
أنا بعد أغار وايد اسألوا زوجي بيقولكم يننته من غيرتي
شسوي !!!!
الزوجة الثانية ما أتمنى أكون تراها شريكة للأولى…
وما أرضى بعد يتزوج علي ليش أنا شو مسوية له عشان ياخذ علي؟
بس يقولون راي الدين: مايحتاج الزوج لسبب عشان ياخذ الثانية بشرط العدل لكن منو يعدل هالأيام لايغركم فلان ماخذ الثانية ومناك هو مايعدل ياويله من عذاب ربه:eek:
حتى زوجات الرسول ((عليه الصلاة والسلام)) كانوا ترا وايد يغارون من بعض في النهاية هم بشر واحساس مب مرفوع القلم عنهم…
واذا فكر زوجي انه ياخذ الثانية أنا دايما أقول كل شي جايز في هالدنيا بقعد فبيتي وهو اللي يطلع مب أنا أطلع والاسلام بعد يقول ان الزوجة تقعد فبيتها حتى في حالة الطلاق فما بالك وهي لازالت على ذمته…
<FONT FACE="Andalus" SIZE="5"><FONT COLOR="red">
أخي *وليف الهم*
قال تعالى: ((وان خفتم الا تعدلوا فواحدة)) وبعدين قال ((ولن تعدلوا))
بعني لازم العدل والله يعرف مب كل واحد ولا أي واحد يقدر يعدل تراه مب هين انك تساوي في كل صغيرة وكبيرة؟؟
تحياتي…..أختكم#G#
أصلا أنا ما أتخيل إني بتزوج
و طبعا مابرضى اني اكون الزوجه الثانيه او الثالثه او الرابعه :rolleyes:
