[movel]((الفــــــــــــــــــــــــائده والنقاش )) [/movel] 
السلام عليكم ورحمة الله وبركاته
موضوعي يمكن ما يكون منتشر وايد ،،، وقليل اللي يعاني منه بس حبيت أطرح الموضوع للنقاش ، ونشوف آراء الكل.
خاصية الرسائل الخاصة واحده من الخواص العديده الموجوده في كل المنتديات بلا إستثناء
والمعروف إن لها أهميتها اللي محد يقدر ينكرها،،، منه على سبيل المثال
النقاش وإبداء الآراء
الإستعانه بالإعضاء في مواضيع لها علاقه بالمنتدى
أي قرارات جديده أو تعديلات تبعث بها الإداراه للأعضاء
المشرف يستخدمها لإعلام الأعضاء عن أي شيء يحدث لمشاركته مثل حذف أو غيره.
الأعضاء اللي علاقتهم متميزه ممكن يستخدمونها بينهم.
ممكن وسيلة تعارف بس يمكن مو مقبوله عند الكل
وما أدري إذا فيه استخدامات أخرى غير هذي…
المهم في الموضوع
إنه وللأسف فيه بعض الأعضاء وأقصد بهم قله قليله ونادره اللي يستخدم الرسائل الخاصه لأغراض شخصيه بعيده جدا
عن النوايا الحسنه..
ويمكن يكون الوضع للحين عادي وتقولون ما فيها شيء كل واحد حر يستخدم مرساله الخاصه كيف ما يبغي.
بس اللي أعرفه لمفهوم الحريه إنه يتوقف عندما يطغى على حقوق الآخرين..
فرضا فيه عضوه مشاركه بمنتدى أي منتدى أخوانها يدرون عنها ويشجعونها وما عندهم أي إعتراض
لنفترض بينما هي في المنتدى تتصفح وتشارك .. بحكم إنها ما عندها شيء تخفيه أو تخاف منه
أخوها صدفه اليوم جالس جنبها يتابع معاها هالمنتدى ….
فرضا فجأه طلعت لها رسالة خاصه .. يطلب فيه أحدهم التعارف ومضمن مع رسالته رقم تلفونه
أو أنواع الغزل والكلام المعسول والجميل..
أو حتى توصلها رساله على الايميل بنفس المواصفات…( توني عرفت إنه في خاصيه تقدر
من خلالها تمنع احد من ارسال لك رساله على ايميلك العتب على قلة المعرفه
هالشيء ما يعتبر معا**ه بس نسميها معا**ه إلكترونيه
أي إنسان مهما كانت درجة ثقته بالشحص اللي معاه ويشوف هالشيء ومهما كان متفتح ووعيه عال العال…. ياترى شنو تتوقعون ردة فعله؟؟
لنفترض إنا في سوق وجا واحد وجلس يعا** أختك… شنو راح تكون ردة فعلك..
لنفترض أن العضوه متزوجه مو لازم يكون أخوها معاها.. ويحصل لها نفس الموقف…
طبعا ما في يده إنه ي**ر راس هالعضو
😀
بس في يده إنه يمنع أخته أو زوجته أو حتى بنته في لحظة غضب من المشاركه بالمنتدى
ويطالبها بالإنسحاب مثلا …..
ممكن يكون متسامح وبعد ما يهدأ ويفكر يقول أنها مالها ذنب في اللي صار ويستسمح منها ويعطيها تصريح وضوء أخضر للرجوع حسب درجة وعي وتفهم هالشخص
طبعا الكل راح يقول ليش عارضه هالموضوع للنقاش إحنا ما نقدر نتحكم بالناس ونمنعهم
من إستخدام مرسالهم الخاص.. وأنا معاكم في هالنقطه
بس راح أوجه رساله إن شاءالله تكون مسموعه.. واقول فيها إن الرسائل الخاصه وجدت لغايه وغرض.. فأحسنوا إستخدامها..
وفي مجالات أخرى غير المنتديات للي قصده مو نظيف يقدر يتوجه لها… بس أظن المنتدى
ثقافه وعلم وترفيه أكثر منه مكان للصيد
فيه اللي يحققون اللي يبونه من خلال هالرسائل بس أظن إنهم نادرين…
ما أطول عليكم .. أبي رايكم
لكم تحياتي
م ن ق و ل
بصراحة ابدعتي عزيزتي
صح تصير يسوونها البعض و مب الكل، في هذي الحالة … خلاص ميلودي اتجهز قائمة التجاهل
و يصير ان توصلج سوالف و تستوي حركات مب حلوة على الرسايل الخاصة … فلازم الوحدة تكون قوية و تعرف كيف ترد بس باحترام و تحط المزعج او المزعجة على قائمة التجاهل:o 😮
و كان الله غفوراً رحيماً
مشكوره غناتي على هالطله الحلوه
والله ونستيني والله الغاليه رايج مهم واييد بالنسبه
لي 😉
يعطيج العافيه
ويعطيج العافيه على الموضوع المميز والجريء
نتمنى من اصحاب النفوس الضعيفه عدم استغلال الرسايل الخاصه
للمعا**ه والترقيم 😡
نحن في منتدى الامارات والاعضاء ليسو مجرد اعضاء انهم اعضاء
uae4ever
معظم الاشيااااااااااااااء
سلاح ذو حدين نقدر نستخدمه بشكل ايجابي او سلبي
وصلت
يا مرحباااااااااااااا
سمعت كثيرا عن مثل هذه الحالات
الله المستعان
أنا قبل كنت أسمع عن هذي الاشياء بس من اسبوع وصلتني رسالة على الإيميل يطلب فيها بأنه يبي يتعرف عليّ وللأسف هو واحد من أعضاء المنتدى اللي عدد مشاركاته في حدود 5 وطبعاً عطيته طاف وإذا كررها المسؤولين مايقولون شيء بس يتزهب حق المنفى للأسف هذول النوعيه من البشر نفوسها ضعيفة وإيمانها بالله ضعيف
الله يهدي الجميع
ماقصرتي فطيم
تحياتي#G#
[gl]علي خميس القبيسي[/gl]
[gl]Dr.M[/gl]
[gl]ملكة جمال[/gl]
وفقكم الله وسدد خطاكم
تسلمون على هذه المرور
يعطيكم العافيه
بس معذرة فيه شيء بيجنــــــــني .. أبي أعرفه ..
اذا فتحت على الصفحة الرئيسية لمنتدى العاصمه أشوف أن كاتبة هالموضوع هي فطوم ..
ولما أدش الموضوع أشوف أن كاتبة الموضوع هي غلا الإمارات ..
والله صرقعت عيوني ..
فارسهم
شكراً على مروركم الطيب
يعطيكم العافيه
كل اللي عليكم انكم تخبرونا
