السبب :::
بينما كان الأستاذ يسجل الغياب قام بتسجيل هذا طالب غائب (( بالخطا )) فقام الطالب وضربه و راح الاستاذ الى مكتب المدير يشتكي له فقام المدير (((( الفاضل !!! )))) بفصل الطالب 3 أيام فقط …
التعليق :::
لولا أني تماسكت نفسي و أعصابي لقمت بضرب هذا المدير على عينه حتى يفصلني 3 ايام … هل اصبح ضرب المدرس يوازي فصل 3 ايام اين وزارة التربية من هذا المدير … التعليم في الإمارات يزداد سوء يوم بعد و السبب النوعية السيئة من المدراء وعدم وضع المدراء على اسس صحيحة … فإلى متى سيهان المدرس تارة من الطالب وتارة من الإدراة
بانتظار تعليقكم على موقف المدير …….. وهل ما فعله قرار صحيح ام اني انا مخطأ التقدير ؟ واعذروني على الإطالة
كاد المعلم ان يكون رسولاً
اخويه قانون … مرة خبرني واحد من الأهل … يقول صارت ضرابة في المدرسة و قاموا الشباب اللي يضرب الثاني بالسجاجيين و غيره و اللي شق يد غيره ( الشباب اللي يضاربهم )بالفرجار ( من أدوات الهندسة ) … 
شو ها العنف اللي فمدارسنا …
يقول قام المدرس ما ادري الأخصائي بيوقف الشباب … يقول تصدقين ما ادري كيف طاحوه على الأرض … اعتقد ان هذي إهانة عودة للأستاذ … 
و الله على ايامنا كنا نخاف نرمس و نيلس مؤدبين و ما كنا نقول شي حتى لو كنا مظلومين …
اما موقف المدير … اشوفه ظالم … يعني كيف الواحد يشتغل و يكون له نفس و في نفس الوقت انضرب جدام الطلاب و ظلمه المدير ؟؟؟
يزاك الله خير اخويه قانون و بارك الله فيك على طرح الموضوع
اذا لم يؤسس الطالب باساس صالح ومتين
اذن سيكون جيل فاسد وهذا ما اراه
والله الكثير منا يعلم ماذا يحدث في المدارس
وخصوصا مدارس البنات
الكل يعلم ولا اريد الخوض في ذلك
اسأل الله ان يهدي فئة المدرسين اولا
فباعتدالهم سنبني جيل صالح
اذا اصيب قوم باخلاقهم فاقم عليهم مأتما وعويلا
اكيد الطالب بيستانس لا وبيزيد عناده عناد…
واحد بأخلاق هالطالب المفروض يحطونه بنص الساحة ويعلمونه الادب على اصوله,انا لو كنت مديرة(اونه عاد)بحطه جدام الطلاب والمدرسين ومن عقب تحية العلم بزفّه زفة,وبغسل شراعه عدل عشان يكون عبرة لغيره اولا وثانيا ارفع راس هالمعلم اللي تمرمغ بالارض,واذا بيزعل وبيبجي بكيفه المهم يحترم معلميه ويقدرهم وماتسوله نفسه انه يمد ايده على اللي ربوه وعلموه,ولد امس والدينه يمد ايده على واحد اكبر عنه لاومعلمه بعد,اكيد هو في البيت نفس الطبع..
والمفروض بعد من المدير انه يبلغ ابو الطالب باللي صار ويخليه يصلبه ويتأدب مرة ثانية(هذا اذا كان الولد
مسوي اعتبار للوالد 
)
قانون الفصل لعدة ايام سياسة خاطئة ,لان الطلاب المشاغبين يفرحون بالاجازة لاويصير عندهم عيد بعد..
انا اقول هالكلام من اللي اسمعه يصير من الطلاب والطالبات خاصة ,وبعض الطالبات سمعت انهم حتى السب يفرونه بويه المعلمة…
ونعم التربية
(هذا طبعا اذا كان المعلم فعلا محترم ويعرف يشرح 
أتمنى اني أنا المدرس يوووووووووووه شو بيستوي في الفصل ؟؟؟؟
————–
بصراحه المدرس هذا ضعيف شخصية …
كيف يشكي للمدير ؟؟؟
هذا صار طالب مو مدرس …
قبل ما اروح للمدير … أغسل شراعه وشراع ابو شراعه قدام الطالب ..
وبعد مايتمردغ .. وأكنس به الفصل … اخلي المدير يجي يشيله ….
————-
صار لي موقف مع واحد من طلاب الثانوي ..
كنا مره بالمصلى وكان فيه محاضره عن الدفاع المدني ووسائل السلامه …
شفت شله مجتمعين في زاويه ويتكلمون مع بعض 
وصوتهم شوي طالع …
رحت لهم عشان افرقهم عن بعض … قلت لواحد منهم : قوم هناك .
قال : لا يا استاذ انا هني مرتاح …
قلت له اقول لك قوم هناك أحسن لك .
قال : ما تكلمت أنا .. هم اللي يتكلمون .. ( انا شايفه يتكلم )
قلت انزين ما تكلمت بس قوم هناك . كنت ابي احل المشكله بدون عفسه
عشان ما نشوش على المحاضره ..
قال : لا يا استاذ خل هم يقومون انا مابقوم …
<<< بصراحه أصبحت بين خيارين : ( يعني مافيه وقت تقرر )
الاول : أسكت … وترووووح شخصيتي قدام هالشله …
الثاني : أني استخدم القوه وأغسل شراعه وأحافظ على شخصيتي قدامهم .
شو صاااااااااااار ؟؟؟؟
نزلت له وهو جالس ومسكته بحلقه ووقفته من طوله .. وأخذت العقال من فوق رأسي
وضرررررررب على ظهره وعلى كل جسمه …. وضرررررررررب ….
الولد بسرررعه طلع من المصلى …
وألحقــــــــــــــه ورااااااااااااه …
يوم وصلت له عند الدرج والا هو قاعد يصيح ويبكي 
ويقول :
حرام عليك يا استاذ تفشلني ( تقفطني ) قدام الطلاب والمدرسين ..
قلت : احسن لك … وبالعقال على ظهره حتى نزل الدرج ووصل الاداره …
وهو يبكي ..
وبعدها كل ما أدخل الحصه باشاره بأصبعي السبابه أشير له يطلع من الفصل
وبدون ما أكلمه … وقلت له لازم يحضر ولي امرك ….
وكل ما أدش أعطيه هالاشاره وهو عاد فهمها يطلع …
يمكن اسبوعين على هالحال ..
وبعدها جا في غرفة المدرسين وكنت لوحدي وقال آسف يا استاذ .
قلت آسف ما تنفع عندي .. جيب لي ولي أمرك اتفاهم معه ..
أنت ما لي كلام معاك …
الولد اخذ يبكي ويقول : أبوي مسافر ومو موجود ..
قلت خلاص تتم خارج الفصل لين يرد من السفر …
قال أرجووووك يا استاذ وهو يصييييييييييح ..
قلت زين بس أي حركه منك ترى لك عقاب غير عن الباقين زين ؟؟
قال خلاااااص ..
ومن بعدها ادش الفصل وهو ساااااااكت ولا نفس …
وارتحت منه طووووووووووووووول السنه ..
وسلامتكم …..
أخوكم : فرووووووووووسي أسووووووووري ..
الحمدلله انك ماادرس بالامارات 
بس فارسهم لاتزعل من الكلام اللي بقوله :انتو السعوديين وايد عصبيين خخخخخخ
بالله قولي لي ياسماحة المربيه جويسوووه : لو كنتي مكاني شو بتسوين ؟؟
أقول الجويس : الله لو كنتي بس طالبه عندي بس لحصه وحده ..
عشان اوريك القصابه على أصولها … أحطك كفته خخخخخخخخخ
وبعدين العصبيه مو مختصه بناس عن ناس ثانيين ..
بالع** انا تعاملي مع الطلاب تعامل حضاري وراقي ..
بس اذا الطالب بيحط نفسه عنتر .. لالالا يبه أخليه يضيع اسمه وأغسل شراع جدته بعد خخخخخخخخخخ ..
التصوير بعدسة : الحميري
طلعت واااااااااااااااااااااايد عنيف … 
ليش اخويه … ممكن بالتفاهم كل شي ينحل …
الحمد لله انك ما درستني …
غشمرة
الصراحه أسلوب غير حضاري
