والله بصراحه اخجلتوا تواضعي 😀 والله بصراحه ما قصرتوا وتسلمون وعسى الشر ما يدل دروبكم ..
وبعدين الي يقول اني مسرع يا ويله 😡
بس 170 :rolleyes: 😀 لا اسولف والله بقولكم كيف استوا الحادث ..
كنت في شارع رملي ساير ابا ارد موتر الوكاله للوكاله معطيني سمارت .. المهم وانا ساير شي شاحنه يايه ع**ي ووراها شاحنه عنابيه .. الشاحنه العنابيه تجاوزت الشاحنه البيضه طبعا سمارت وين بيشوفها .. المهم انا كنت ابا اتفادا الشاحنه خذت يمين بس **رت وايد فبغيت اظهر من الشارع فرديت يسار مره وحده على جانب الشارع شي رمل متكتل والسمارت وايد صغيره اول ما دعمت الرمل انجلبت السياره على ويهه 😀 عاد توني ظاهر من البيت متسبح لا وحاط جل .. يوم دش الرمل السياره ويهي ما يحتاي ولا شعر جل ورمل خلطه ولا في الخيال 😀 😀 المهم انا مادري كيف حصلت عمري برع والسياره المهم يوم ظهرت من السياره ولا شوي اشوف امي :confused:
انا قلت اكيد مدوخ الاخ 😀 ولا هي صدق عاد هي اول شي ما شافتني زين ما سوت مناحه في الشارع 😀 بعدين يوم الشرطه وودوني في الاسعاف المستشفى .. شوي ويا نص ربعي ياين المستشفى 😀 بغوا يشوتوني من المستشفى من الي يو 😀 😀
خذوا اشعه ول**وني قصدي ضمدوني 😀 وسرت البيت .. عقب المركز عسب التخطيط .. بس بعدين زاد العوار عليه وسرت مستشفى الزهراء لين الساعه 2 ورديت البيت ..
بس عن الي اتصلوا والله مشكورين وتسلمون ..بصراحه ما اعرف شو اقولكم 
ومشكورين يالي سالوا ولا ردوا على موضوع مايد ..
وان شاء الله ما تشوفون شر اخواني
ويسلموا
حمدلله على السلامه اخوي مشاري ما تشوف شر
ما شاء الله بس 170 :rolleyes:
الله يهديك الشاحنه وين بتشوف السمارت 😀
لا اسولف شو 170 اصلن السمارت ما تنزل اكثر من 140 وبزور 😀
الله يسلمج عزيزتي والشر ما اييج ان شاء الله ..
صدقج والله وين السمارت وين الشاحنه 😀 تقول ولدها يلحقها 😀 😀 😀
وتسلمين للرد والتواصل
والحمدالله شوفتك في المنتدى تسوى الدنيا…
يوم الله سلمك لنا وردك لنا سالم غانم
الله يسلمج خيتو ..
والله شوفتكم انتوا تسوى الدنيا
والله لا يحرمنا منكم
ويسلموا
وهذا الحادث بركة الليسن والسيارة اليديدة 😀
يالله اهم شي قمت بالسلامــــــــــــــــــــــــــــــــة
وهذي نهاية اللي يحطون جل في شعرهم
😀
اجر وعافيه اخوي وهالله هالله في عمرك وماله داعي تاخذ هالسيارات اللي تنشاف بالميكروسكوب
الله يسلمج خيتو
هيه صدقج بركة الليسن والسياره 😀 😀 زين ما رحت فيها 😀
وتسلمين على الرد عزيزتي ..
ويسلموا
تصدقين عاده 😀 😀 مب جل ها 😀
والله صدقج مب سياره هاي بس تنفع حق اللعب 😀
والله يسلمج اختي ..
وسموحه
والحمدالله شوفتك في المنتدى تسوى الدنيا…
اول ما سعمت الخبر جان اصيح
