لا تخافون مب سالفة بيزات ….قلت أكيد شفتوا كلمة موظفين وموظفات يا في بالكم الراتب 😀 😉
المهم بدخل في الموضوع
أول شي باركولي لأني يوم السبت بداوم صيفي 😎
وانا احس اني ببدا مرحله يديده وأول مره بجرب الشغل وأنا الصراحه بيني وبينكم خايفه من هاي المرحله
فحبيت من الموظفين والموظفات اخواني وخواتي الأعضاء انهم يعطوني نصايح ويا ريت لو يخبروني أول ما داومو شو كان شعورهم
أتمنى انكم ما تبخلون علي
طبعا اول شي اباركلك ع الدوام والله يوفقك ان شا ءالله
بالنسبة لمكان العمل من خلال تجربتي ( اللي يقول عمري فوق الخمسين ):D
انتي عليك بشغلك ماعليك من حد :rolleyes:
وبعدين إذا كنتي بتسولفين ويا الموظفات الموجودات اهناك لاتاخذين راحتك وياهم وايد
لأنه بعضهم يزخون عليج الرمسه وينقلونها للسوبرفايزر.. طبعا مب في كل مكان:rolleyes:
لأنه ها الحركة استوتلي قبل اسبوعين .. كنت اقول للموظفة في احد الدواير لأني كنت ادرب عندهم الدوام مطرشني اهناك .. انه نظام الكمبيوتر عندكم غير عن نظامنا .. سارت ها الموظفة وقالت حق السوبرفايزر انه بوجاسم مب عاجبنه نظام العمل ومايريد يداوم:eek: متى قلت:eek:
يعني مثل ها الشغلات يمكن انها تصير:D
والشغل تراه فناااااان
والله يوفقك ان شاء الله
أخوكم ولد بوظبي
الله يبارك فيك أخوي وتسلم
الا هو شهر الي بداوم فيه يعني مب موظفه شبه موظفه 😀
عاد كله ولا السوالف بس لازم اول الايام واااايد برمس 😀
تسلم أخوي ع النصيحه
ورق الورد
ونحن في انتظارج 😉
أختى الشبابيه أنتى على ثغر من ثغور الا سلام ولك من الأجر العظيم من رب العالمين
في الحقيقة لي عدة وقفات وهي كتالي :
1- الاخلاص واحتساب الاجر عند الله
2-المعلم أحوج مايكون إلى رحابة الصدر وقوة الإحتمال
3-التدرب على تحمل الطلاب بصدر رحب ولا نقتل آراءهم بالكلمات الجارحه
4- أن نضع أنفسنا موضع طل***ا ؟
وعليكم السلام
يزاك الله خير أخوي ع النصيحه
بس أنا شغلتي مب مدرسه
الف مبروك والله يوفقج بس نص المعاش حقي:D
فالج طيب ما طلبتي
الله يبارك فيج عزيزتي تسلمين
بصراحه انا جربت الشغل ..صح اول الايام اتكونين مرتبكه اشوي ..لانج يديده وماتعرفين حد اهناك ..بس بعد فتره بتتاقلمين مع الوضع ..
وبصراحه الشغل حياه ثانيه غير الدراسه ..
بتسيرين وبتشوفين كل شي بعينج ..
وبعدين انا ليش يالسه اكتب لج ..برمسج في التيلفون احسن:D 😉
مع السلامه
وأهم شئ مثل ما قالوا،،،،،
هو اخلاص العمل لوجه الله تعالى عشان ربي يوفقج في شغلج …
وبعد كوني علاقات مع زميلاتج الموظفات لكن خليها تكون سطحية واااااااايد لأنج ما تعرفينهم عدل
ويمكن يفسرون رمستج شئ ثاني مثل ما قال اخونا ولد بوظبي ،،،،
والله يوفقج ان شاء الله
1- ادخلي وانت ناويه العمل بنية خالصة لله سبحانه .
2- احذري التعامل بالمقاييس البشريه (محاباه ، واسطه ، مجاملات )علي حساب العمل
وتعاملي بالمقاييس الربانيه .
3- فرقي بين علاقات العمل والعلاقات الشخصية .
4- في اول يوم حاولي التعرف على زميلاتك اللي بتتعاملين وياهم بشكل مباشرو عرفيهم بنفسج ، ا**بي ودهم .
5-اطلبي قائمه بالمهام الخاصة بوظيفتج (لازم تكون مكتوبه ) تكون حجه لج لي صار ما صار عشان تعرفين شو لج وشو عليج و محد يتفلسف عليج بعدين .
6-احرصي على تنفيذ المهام بكل عنايه وحرص وبدون تأجيل مهما كانت بسيطة.
7- احرصي على تنفيذ المهام بالطريقة اللي يفضلها الرئيس المباشر مب حد ثاني .
8- السؤال عن الشئ قبل عمله افضل بكثير من اعادة تصحيحه بعد الوقوع في الخطأ .
9- احذري اعطاء الاراء ولوالجانيبه في المسئولين ,الموظفين ، اسلوب العمل واحتفظي بآرائج لنفسج ( احسن لج ).
10-اعطي الانطباع الجيد عن شخصيتك : الابتسامه الدائمه ، اللباقه مع الجميع ، التعاون ، الحرص على انجاز العمل بدقة .
11- لاتنحازين لاي تجمع اوشله خاصة لوكانت معارضه للادارة .( مايخصج في بلاوي حد )
وصية ( كوني انيقة محتشمه مستورة )
والله يوفقج
طمنينا عليج
اختج العوده ورق الورد
وطبعا في البداية عندنا مشكلة … يوم يشوفون حد يديد يتحرونه ما يعرف الشغل عدل … ويقصون عليه ويخلونه يسوي شغله وشغل غيره …. فانتبهي ….. 😀