السالفه ومافيها كنت انا وربيعي مروحين مركز البولنج اللي بعيمان على الساعه 3 الفجر ،، وكنت محتاي اشتري سي ديات للكمبيوتر وماشي اي محل في الدرب … وفجأه حصلنا محل مفتوح وهو " المايا لالس " واللي بصراحه شكله محترم من برع " بس الواحد مايعرف شو اللي بقلب الشي "
عموما قلت حق ربيعي اوقف وخلنا ندخل .. يمكن نحصل السي ديات في المحل … دخلنا انا وهو .. وحصلنا السي ديات ولكن لفت انتباهي شي مثل الStore في المحل وكان صوب قسم السي ديات .. ويوم اقترب ولا اشوف لك هذي اللوحه العوده وبخط عريض .. شوفوا شو مكتوب
الله يلوع بجبودهم .. انا قريت الاسم جبدي لاعت .. عيل كيف لو دخلت ،، طبعا مادخلت واكتفيت بالزوم اللي في التلفون لانكم لو شميتوا الريحه شرات ريحة سيارة البواليع (يكرمون القارئين والسامعين) ،، أعوذ بالله من هالمكان … وشفت لوحه قلت بصورها يمكن تبري من ذمتهم شويه
(لحم الخنزير ،، لا يقدم للمسلمين) الله يغربلكم .. شو هالعباره .. ويا ريت لو تطبقونها .. **رت الهندي اللي داخل وقلت له حط لي هذا وهذا في الكيس … واشكره انا لابس الكندوره وسامت وحالتي حاله ( ساير البولنج ولا ترقم) .. يعني ما بكون مسلم؟؟ .. ما سألني حتى عندك أي دي او بطاقه تثبت فيها انك مب مسلم والعياذ بالله
.. ما سأل على طول حط اللحم في الجيس … ويا حذالي .. جان افر عليه السي ديات واظهر .. الله يغربلهم .. وين الحكومه عنهم .. مب باجي الا يسوون مرقص فوق المحل للشرب والزنا .. اعوذ بالله منهم
سامحوني اذا في كلمات ظهرت من دون قصد .. بس والله من القهر ومن اللي شفته ببلادنا نحن .. فاتحين قسم اشكبره علشان لوعة الجبد والحرام ..
والسموحه منكم
ياخي انت شو اتقول ؟؟؟
احين انت زعلان ومستاذي من هاا الاستور اللي يبيعون فيه لحم خنزير ،،،
عيل شفت انت وغيرك مصنع الخمور ولا قلتوا شيء
ولاا اللي يضحك في السالفه ههههههههههههه ان المحكمه مجابله المصنع
(( شر البلية ما يضحك ))
ياخي هدي اعصابك ،، ومثل ما يقولون وما خفي اعظم !!!!!
وانت ادرى مني بالخفايا اللي تستوي في الدوله
ما فينا انشمت الباجين علينا
اخيراً قررت ريما انها تسكت :/
لاعت جبدي من الخاطر
عادي يا خوي الوحداوي يعني إنت زعلان من لحم الخنزير ومب زعلان من مصنع الخمور ولا الملاهي الليلية في دبي مو بس في دبي الحين مشاء الله ما في إمارة ما فيها (إلي خلاهم يسبون الرسول ما بيبيعون لحم الخنزير والخمر في البلاد المسلمة )
خذها بروح حيوية والشكوى لللاه
والله يستر علينا وعلى امة المسلمين جميعا ً
أعتقد والله اعلم ان صاحب هذه المتاجر هندوسي
أخييييي عاااااد لحم خنزير وع!
خيييييييييبة أشكرة والله محطينا
وماخذين راحتهم
عليهم من الله ما يستحقون
ويوم ها يقولن الناس وين المطر
ووين الرحمة
الله المستعان
galbi
الله يرحمنا برحمته… و يكفينا شر هالزمان
شو قصدك متخلفين ما متخلفين !!!!!!!!!!!!!!!
تستهبل ,,,
مايجوووووووووووووووووووووووز بيع الخمور و لحوم الخنزير و غيرها ,,,,
حرام علييهم والله ,,,
حسبي الله عليييهم ,,,
بس المشكلة الدولة ككل تبيح هالشي ,,و محد رايم يتكلم ,,,
المشكلة الخوف اللي في قلوووب النااس ,,
الساكت عن الحق شيطان أخرس <<< وكثروا الشياطين بهالزمن :
الفقير يتطنز ,, ويقول الرمسة اللي هم يقولونها لما الواحد يستنكر هالأشياء ,, انته فهمته غلط ياخوك ,,
ريما ,,
خله يتضايج خله يزعل احنا لما نستنكر الأشياء الصغيرة مردنا بنستنكر اللي أكبر منها ,,
الشكوى صح لله لكن ها مب معناته ان احنا نحط ايد على خد ونقول شو ها يبيعون خمر ,, شو ها يبيعون لحم خنزير ,,
هالمحل المفروض يتقاطع لين تخيس بضايعهم في جبودهم الله يغربلهم دنيا وآخرة ,,,
والشره مب على صاحب مصنع الخمر الشرهة على المحكمة اللي مجابلتنه وساكتين ,,
يالسين يفصلون الدين عن الحياة انجلبنا علمانيين ترانا ,,
والله لو ماتعدلت هالأشياء في بلادنا ان رب العالمين بيعاقبنا اشد العقاب ,,,
