قلبت وزارة التربية والتعليم موازين نظم التقويم والامتحانات المقررة على تلاميذ الصفوف الخمسة الأولى من مرحلة التعليم الأساسي، حيث قررت استبدال النظم النمطية المعمول بها والمعتمدة على ما يعرف بانتقال التلميذ من صف إلى الذي يليه آلياً بغض النظر عن مستواه، لتحل بدلاً منها النظام نفسه الذي قررته هذا العام على طلبة الشهادة الثانوية العامة.
وفيما انتهت الوزارة مؤ***ً من إعداد دليل التقويم الجديد والذي تضمن أدوات الثانوية العامة ذاتها باستثناء (البحث) وهي: (الملاحظة، والاختبار الشفوي، والتحريري القصير، والأداء العملي، والمشروع، والتقرير، والواجب المنزلي)، بدأت على الفور في تجريب النظام داخل خمس مدارس في مناطق (الشارقة وعجمان، وأم القيوين، ورأس الخيمة) التعليمية، تمهيداً للخطوة الثانية التي تتجه إليها الوزارة لتعميم النظام الجديد على جميع مدارس الحلقة الأولى اعتباراً من مطلع العام الدراسي المقبل.
جاءت أدوات التقويم الجديدة للمواد الدراسية الأساسية وفقاً للدليل الجديد كالآتي:
التربية الإسلامية
أولاً: الملاحظة: ومن خلالها يقيمّ المعلم إتقان التلاميذ تلاوة السور المقررة ونواتج التعلم الأخرى.
وتتم الملاحظة بصورة غير ……
التتمة http://www.alkhaleej.ae/articles/sho…m?val=3786 35
الخليج
كل فترة يسيرون لدولة معينة ويشوفون نظام التعليم اللي عندهم ويطبقونه هني ف البلاد وبعد سنة ولا سنتين يغيرونه وتتغير المناهج ويسوون دورات تدريبية وتتغير معايير التقييم للطرفين
كله صوب ومدارس الشراكة بروحها قصة مالها نهاية
بالنسبة لنظام الثانوية العامة ف البداية كلنا انتقدنه وقامت الدنيا عليه لكن مع نهاية لافصل الاول واتضاح الرؤية شفت انه هالنظام افضل من النظام القبلي لانه الطالب يدخل الامتحان وهو عنده رصيد من الدرجات يعني لو ما حل زين ف الورقة بيكون عنده رصيد يسانده وما بيطلع برسوب مثل قبل وخلا الطلاب يلتزمون بالدوام اكثر من قبل وما فيه عندهم اي استهتار ولا مبالاة مثل السنوات السابقة وخلا عندهم روح البحث والاطلاع لكن كل ها على حسب وقتهم ويا الاهل اناما انكر انه فيه سلبيات مثل درجةالدفتر وكثرة المشاريع لكن الكمال لله وكل شي له سلبيات وايجابيات واكيد هم بيحاولون يغيرون هالشي ف السنوات الياية هذا اذا ما غيروا النظام كله
لكن بالنسبة لطلبة المرحلة التاسيسية ما يندرى عنهم شو بيكون مصيرهم ويا هالنظام اليديد كفايةمناهجهماللي تلوع بالجبد وتعقدهم
و المصطلحات العلمية اليديدة والصور وطريقة عرض المادة العلمية كل درس كانه معلقة ما فيها اي جاذبية للطلاب اللي ف هالعمر بالع** تنفرهم من الدرس يوم يشوفونه بهالطول والكثافة
يمكن اكون طلعت عن المضمون لكن من اللي نشوفه ف المدارس ما نصدق نحصل مجال ونطلع اللي ف خاطرنا
و على كلام خبير فرنسي له خص فهالمجال.. يقول : الإمارات بحاجة إلى خبراء في التعليم من الدولة نفسها ..( يعني مواطنين ) لأنهم أدرى بدولتهم و متعايشين مع الوضع ..
كفاية اني احس انه الطلاب اللي ف التاسيسي محرومين من طفولتهم وما يعيشونها عدل بسبب هالمناهج اليديدة بعد بيسيرون ويغيرونها ..يوم اتذكر اشكال عيال اختي واخوي وهم يدرسون قلبي يعورني عليهم
البارحة وحدة تخبرني عن بنتها فالصف الاول تقول لي انهم كانوا حاطين العشا والبنية يالسة تدرس عندها امتحان ف اليوم اللي بعده ويوم طلعت تمت تصيح سالوها شو بلاج قالت استوى الليل وانا ما لعبت ولا خلصت دراسة
الله يعين الطلاب
كلام جميل
والمصيبة انهم مستعجلين … ليش ما تدري
يمكن الواحد منهم يبا يحط بصمته قبل ما يروح ؟؟ الله أعلم
عيون الحب :
ما ذكرتيه عين الحقيقة والصواب
نحن أدري بما يجتاجة ابناء وطننا
والأجانب نستفيد من خبراتهم بما يناااااااااااااااااااااااسب فقط
مب كل شي
شو هالتأليف اللي كل يوم يطلع لنا فيه 
المرعب والاجر على الله
هيه الله يعينهم الحمدلله أفتكينا من الدراسه .. وإلا بيطيحون فينا طيح والله يعين الطلبه على الأنظمه اليديده اللي تظهر لنا كل يوووم ..
أحسهم يختارون القوانين بشكل غير منظم والله يعين الجهه المظلومه
الحمد الله خلصنا المدارس….
والحين يطبقون أشياء جديدة على المدارس …
ياخذون من كل منطقة مدرسة ويطبقون عليه نظامهم اليديد ..
ويمكن يسونهم مدارس نموذجيه…
الله يعين المدرسات والمدرسين ويعين الأجيال القادمة ويصبر الأهالي أقصد الأمهات اللي متلعوزين يوم يعلمون أعيالهم …
واخر بيردون الى ما كانوا عليه
1+1=3
وتشكر
صمت الجرووح:
صدق يهال شو يخصهم بها السوالف
يعني طلاب اللنوية العامة يشترون البحوث والتقارير ويخلون حد يسويها لهم
يعني أي نجاح اللي قاعدين يتكلمون عنه
ظل القمر : ترا يشوفون القانويني والنظم التي لا تمارس ولا تطبق الا في بعض الدول ويمكن تجربة
وما طلعت نتايجها
فلازم نجربها
ليش عاد اسألوه
فطيم :
باختصار عيالنا صاروا فئران تجارب
يعني محد يشوف ها النظام زين ولا مب زين
ينفع ولا ما ينفع
الخيال :
صدقت والله
والله المستعان
المشاركة الأصلية كتبت بواسطة سقووم 
