اخواني و خواتي
تحسبهم ربع وخلان .. ومن وراك هم أشد الناس عداوة وحقد لك ..
عني ما صادفت نفس هالناس .. لسبب واحد ما عندي أسرار ..
يعني ما عندي شي …
بس أفضّل أنه الشخص يتم ساكت ولايكلم عمره أحسن من أنه يكلم واحد يفضحة في اليوم الثاني ؟؟
وإذا لازم يتكلم …يكلم أهله أمه أبوه أخوه اخته أي حد قريب يخاف عليه وينصحه ..
هذا اللي عندي .. ومشكورة على موضوعج المهم …واعتقد هو يخص الحريم ازيد ؟؟!!!!!
العلاج .. اذا ما يا بالنصيحة .. حطيه في موقف يطلعه بصورة هب زينة .. يعني وصليله معلومة غلط وأكيد يوم بينقلها وينكشف بيكون في موقف محرج ..
والله يعينا من "المشخلة" وأخواتها #teath
شو أحسن طريقة نفهّم المشخلة ان اللي يسوّيه غلط و كيف نتعامل ويا النوعية هذي من البشر ؟؟؟؟؟؟
بالنسبة للتعامل فبما انا عرفنا طبعهم فالمفروض مانعطيهم اسرارنا مرة ثانية
ويكون كلامنا وياهم في الاشياء العادية واللي ماتحتاج ان الواحد يكتمها
والا سره بينتشر
وبالنسبة لطريقة تفهيمهم ان هالشي غلط مادري والله بس ساعات الواحد يعطيهم
نظره تخليهم يستحون من اللي يسوونه ويتأدبون شوي
وبعد النصيحة وشرطها انها تكون مابين هالشخص والشخص اللي يذيع الاسرار
يعني تكون نصيحة سرية حتى يقتنع بأن اللي يسويه غلط ويتقبل النصيحة
وتسلمين اختي ورد الجوري على هالموضوع الاجتماعي الطيب
بس انا ما اسولف دووم ساكته
وها احسن شي اسويه
بالنسبة للمشخلة في رأيي انه ما نعطيه كل الاسرار
نعطيه القشور من السوالف
وفي رايي انه بيتعلم انه يحفظ السر
اذا انلدغ بروحه
مثلا يفشي سر من اسراره لشخص مثله وبالتالي
بيتعلم انه يحفظ الاسرار ومب كل شي ينقال
يعطيج العافيه اختي ورد وعساج ع القوة ان شاءالله
لكن ماعرف كيف ننصحهم لأني الحمدلله ماجذ صادفت هالنوعية من الناس ،، بس أعتقد اللي يكون مشخلة
مابيكون عنده ربع وهذا أفضل عقاب لهم
والسؤال الثانى ابغى اعرف كيف نصفى الرز بعد الطبخ ..المعروف ان الرز يغسل ويصفى
ثم يطبخ ومن القدر الى المائدة
اما موضوع من يقوم بافشاء اسرار اصدقاءه فهذا لا يستحق كلمة صديق فضلا عن ان تطلعه
على اسرارك … وقالوا قديما
طعنة العدو تدمى الجسد وطعنة الصديق تدمى القلب وافشاء الاسرار تعتبر من الطعنات
اما كيف تنصحه فهذه النوعية من الاصدقاء يجب الابتعاد عنها لان النصيحة لا تفيد معهم
من شب على شيىء شاب عليهم
هييييي هالنوعية مالهم دوا غير الترفيس
وانا ما اارابع هالنوع من الناس ابد ولو اني اضررت مثلا اني اقعد ويا واحد منهم
حتى ما ارمسه كل ما يبطل سالفة انا اقفلها , وبعدين لو فهم اني ما بغيت ارمسه يكون احسن بعد
وممكن الاحراج ييب نتيجة وياه بعد
وتسلمو تسلمو ورد الجوري ع الموضوع الكشخة
وعساكم ع القوة
تقصدين المشخلة بوويهين
شراة ما قلتي أحسن شي نخبر أهلنا و اللي نرتاح لهم و نوّدر المشخلة و الغربال
يزاج الله خير و شراة ما قلتي المشاخل أكثرهن من الحريم و البنات >> الله يهدينا و يهديهم
يزاج الله خير على المرور و بارك الله فيج
بالنسبة للتعامل فبما انا عرفنا طبعهم فالمفروض مانعطيهم اسرارنا مرة ثانية
ويكون كلامنا وياهم في الاشياء العادية واللي ماتحتاج ان الواحد يكتمها
والا سره بينتشر
و لو كانوا عايشين وياج في البيت شو تسوّين بهم ؟؟؟
وبالنسبة لطريقة تفهيمهم ان هالشي غلط مادري والله بس ساعات الواحد يعطيهم
نظره تخليهم يستحون من اللي يسوونه ويتأدبون شوي
وبعد النصيحة وشرطها انها تكون مابين هالشخص والشخص اللي يذيع الاسرار
يعني تكون نصيحة سرية حتى يقتنع بأن اللي يسويه غلط ويتقبل النصيحة
و لو هم يدرون الشيء هذا غلط بس يحبون يرمسون و يطلعون كل عودة و صغيرة شو الحل و النصيحة ما يابت نتيجة وياهم ؟؟؟
ما شي غير نسير بعيييييييييد و نفرهم بقنبلة نووية و نقضي عليهم
يزاج الله خير على المرور و بارك الله فيج