هذي المحاوره جرت بين الشاعرين بوش بن بوش وتوني بلير
حيث جاء بلير الى امريكا لحضور المؤتمر الثنائي مع بوش ,وعندما دخل على بوش في الديوانية
الله لا يجزاك بالخير يابوش
ورطتنا في حرب صدام ورطه
**
عزمتني وتقول بترول وقروش
بس الحقيقه روحتي معك غلطه
#####
بوش:
يا بلير رد العلم عن بوش بن بوش
الله خـــــــــــــــــلقنا للمقاريد سلطه
**
وابوي عنده للرجاجيل دنبوش
كم واحد شلنا فلوسه ونفطه
#####
بلير:
ابوك والنعمين مير انت مربوش
تموت بالبترول وتحـــــب شفطه
**
صحيح عندك مال وسلاح وجيوش
ميــــــــر اتوقع لك تدهور وسقطه
####
بوش:
يا بلير كانك خفت يوم احتمى الهوش
حــــــــــــــــرام ما تاخذ من النفط نقطه
**
مثلك ترى شيراك قد راح مكروش
شوفه يصرح كـــــــــل يوم بمحطه
#####
بلير:
وراك ما تعطي شيراك عرموش
ترا مشغلنا بشيله وحـــــــــطه
**
وليا انتهى موضوعنا نرسل طروش
ونجمع المبلغ من الربع قـــــــــــطه
#####
بوش:
شيراك هذا عنده الفكر مغشوش
فرط علي في مجلس الامن فرطه
**
يدزه اليابان والصين ويطـــــوش
ومجهز الفيتو لتحقيق شرطه
#####
بلير:
يابوش انا مرهق وخايف ومدهوش
وانته تقول الحـــــــــرب خدعه وخطه
***
اسراي واسراك امتلأ منهم الحوش
عزالله انه ص***ي منك جـــــــــلطه
#####
بوش:
ماقلت لك كم فيه اذاعات ودشوش
لا تكشف المعنى وانا اقــــول غطه
**
وان قالو إنا علوج واصح***ا جحوش
ماهمنا الصحــــــــــاف واللي يحطه.
منقووووووول …….
