اكتب هالموضوع بعد معاناة يومية مع الشوارع اللي under construction
بتوجيهات من سمو الشيخ سعود بن صقر ولي عهد رأس الخيمة…. يتم اصلاح بل بالاحرى احلال لشوارع رأس الخيمة… ولكن العملية جدا بطيئة… وخصوصا في احد المناطق السكنية… بدأ الشغل فيها قبل العام الدراسي الحالي… ولين الحين هالشركة مب راضية تخلص الشوارع… والصراحة ان الحركة المرورية فيه استوت سبهلله… كل واحد يسويله U turn على كيفه… والحوادث حدث ولا حرج…. غير الازعاج اللي تسببه الشاحنات…. ومثل ما قلت المنطقة سكنيه وفيها مدارس ونادي رياضي يلعب في الدرجة الاولى… وتعال شوف الزحمة إذا شي مباراه…
وياريت مسوين الشارع عدل… الشارع يديد بس كله حفر… عشان جذه عطوا الشوارع الثانية لشركة أحسن….
ان شاء الله الشارع يخلص ونفتك من الصدعة… قبل كنت اخذ خمس دقايق من البيت للدوام والحين… مب أقل عن نص ساعة…
فلة
صارت مشكلة بنسبة لنا حتى يوم نروح الكليه
يضيع نص الوقت عشان التحويلات[/align]
