ابي اعرض لكم خدمة عن اللى يبي يطلع على المناهج السعودية سواء كانت ثانوى او ابتدائي او متوسط وانا حاظر ومستعد
وبعد اللى يبي دفاتر تحصير لجميع المواد انا تحت امركم بس انتم اشروا يالطيبين بس هاه ترا اجور البريد عليكم مب على واللى يبي دفاتر تحضير لجميع المواد مستعد بعد واى شي يخص المناهج السعودية والانشطه
وانا حاضر ومنون وفى خدمتكم
تعلم فليس المرء يولد عالما …. وليس اخو عالم كمن هو جاهل
بصراحة . . .أختك زهرة حضرت جميع مراحل تدريسها على الكمبيوتر وهذا من السنه الماضية ماشيه على ها النظام . . بس لوتبي أرسل لك التحضير أو لأي من الأخوة الأفاضل على فلوبي أو سي دي ما عندي أي ما نع . .مادتي . . ( الجغرافيا ) والفصول اللي درسها إعدادي وثانوي مع مادة الإقتصاد . .
ما عليكم إلا تآمرووون أمر يا أخواني وما يصير خاطركم إلا طيب . .
أختكم زهرة . .
ولكم جزيل الشكر والامتنان . . .
أختكم زهرة . .
بالنسبة لدفاتر التحضير انا ماقصدت فيها الدفتر نفسه بل محتواه يعنى كيفية التحضير وطريقة كتابته واهدافه واما الدفاتر فهى بفلووووس عندنا يعنى زمان الطفرة ولا يعنى مافيه شي من الوزارة اما الانشطة فياليت ان تبعثون لى شي منها اقلها نستفيد وكلامى للاخت زهرةالكرز والاخوان الباقين واتمنى ان تزودينى فيها اما على النت فالله يخلف على ماعرف الا اكتب فيه وانا معقدنى شي اسمه انجليزي اه منه بس لو اعرف بس
المهم ماقصرتوا والله يجزاكم خير
وســــــــــــــــــلامتكم: اخوكم السهلي
يا هلا ويا مرحبا بك .. .وحياك الله معانا . .
أما بخصوص الأنشطة حاضرين وتحت أمرك . .
بس ما عرفنا حضرتك مدرس أي مادة . . وتامر أمر والله , , , ,
أختك زهرة . . . .
انا مدرس على قولت اخوانا المصريين بتاع كله انا درست الابتدائي والمتوسط والثانوى وحنا عندنا الابتدائي تدرس جميع المواد يعنى لازم تاخذ اربع وعشرين حصه اما تخصصي الاصلي فهو جغرافيا +بدنيه
وانا حاضر لكل سؤؤؤال وتحت خدمة الاخوان والاخووات
وسلامتك
الســـــــــــــهلي
تربية إسلامية لو سمحتوا ، الي عنده شي يحطه هنا 😐
اولا احب اعتذر من الاخ السهلي على التطفل .. و من الاخوة الاماراتين ..
بس لان الامارات بلدي الثاني .. حبيت ادخل و اشوف السالفه ..
و ضحكت عن جد لما قريت كلام اللامع ( بالنسبة لدفاتر التحضير توفرها الوزارة ) ههههههههههه
السهلي في وادي .. و اللامع في وادي ثاني مررره
يعني السهلي كان ناقص يصرف عليكم بعد ..
ما قال خلاص راح عصر الطفره ..
بس الظاهره هذي مو موجوده عندكم بالامارات .. يعني المدرس لما ياخذ نصابه و جدوله .. ما يتعب نفسة بالتحضير يروح يبحث له عن دفاتر تحضير مدرسين قداما و بعدها ( شغل مؤسسة النقل ) .. يعني ما في تطوير و لا فيه ابتكار و لا فيه ابداع .. المسالة و ما فيها قص و لصق .. و حالها مثل حال طلاب الجامعة اللي يروحو للمكتبات عشان كتباة بحث .. طبعا مثل ما قال السهلي هذي عندنا بفلوس .. بس الظاهر انها اصلا مو موجوده عندكم ..
اذكر الاستاذ خليفة الفواز اللي مألف كتاب الوطنية .. كان عامل خطة مقترحة للادارين ..
و طلب من المدراء و الوكلاء تطوير هذي الخطة .. يوم جا جولاته الميدانية لقى خطته على حطت يده .. يعني الجماعة ناقلينها نصا لا اضافة و لا حذف و لا تعديل .. طبعا الرجل كان متحمس جدا لهذي الفكرة .. اصيب باحباط و خيبة امل كبيرة ..
بالنسبة للاخت زهرة شدني كلامك عن الباور بوينت انك تعملي عليه وسائل ما شاء الله عليك باين عليك مدرسة مثالية .. انصحك بمناهج النلوجي .. اذا كانت عندكم ..
لكن السهلي صاير لي مثل عين عذاري تسقي البعيد .. و تترك القريب
اخوي السهلي مش الاقربون اولى بالمعروف …
ياريت اذا ما عندك مانع ترس لي كتاب المعلم لرياضيات الصف الاول الثانوي
مرة ثانية عذار اخوي السهلي على اللقافة .. و ليعذرني الجميع ..
التوقيع :
الله خلق الف قايد و قايد
لكن ما خلق بوصف زايد
الله يمسيك بالخير ولا يصبحك بالخير في اى وقت
اخوى بقايا جروح تعرف مشكلة التعليم في السعودية وشنهى اولها حب المظاهر وخاصة بالنسبة للوزارة بس انشطة ولوحااات على الفاضي وتدرى ان ايام قبل احسن من الحين المدرس قبل له هيبة وشخصية اما الحين الحق مع الطالب وزين ان سلمت انت يالمدرس …..
والاجازات الاضطرارية ممنوعه ومهى من حقك انت ماقريت التعميم الجديد روح شوفه والله تنقهر وتموت من القهر ….
اما بالنسبة لكتاب معلم رياضيات تعال شوف ……ماتلاحظ انها صعبة شوى على لان مافيه كتب معلمين الوزارة الله يخليك قاعده تنوع بطباعة الكتب كل سنة الوان وزخارف للطلاب تقول مجلة ….
اما بالنسبة لدفاتر التحضير انا ماقصدت فيها ان المدرس قص ول** على قولتك لابالع** الواحد يستفيد ممن سبقه ويطور نفسه وانا اعترف ان اغلب المدرسين يقصون ويل**ون لكن كل واحد وحاله انا الحين ادرس ثانوى تربيه بدنيه واشوف كل شي معى تمام يعنى ماعندى مشاكل وتحضيري غير عن الباقين واشوف غيري نااائم بس ابي استفيد من كل مادة مو محدد على مادة التدريس بس….
اخوى بقايا جروح صدقنى الناس مو واحد واصابعك مو مثل بعض
وتقبل تحياتى واحترامى
اخوك / الـــســــــــــهلي
واقول لمن في منتدى المعلمين قول احد العلماء
هم جلساء ماتمل حديثهم::: أمينون مأمونون غيبا ومشهدا
يفيدوننا من علمهم علم مامضى:::وعقلا وتاديباً وراياًوسؤددا
يا أخي بقايا جروح
بالنسبة لدفاتر التحضير القديمة تنفع المعلم الجديد على مهنة التعليم أو الجديد بالمنهج
حيث تختلف قليلا طرائق التدريس أو الوسائل المستخدمة والأهداف تبعا للمرحلة التي يدرسها
فلن أطلب دفتر تحضير لنفس المرحلة لتقاربها ولكن في حالة الانتقال من مرحلة لأخرى كما في حالتي ( من ابتدائي للاعدادي ) تجد هناك فروق
كثيرة أحتاج لمراعاتها بناء على خبرات زملائي الأقدم بالمرحلة ، و لا شك
بأني سأضيف وأضع لمستي الخاصة وأسلوبي سواء بالتحضير أو التنفيذ
تحياتي
