السلام عليكم ورحمة الله وبركاته..مساكم الله بألف خير..حبيت أبدأ أول مشساركاتي بسالفه عجيبه شويه ومتعبه شويه..
….المهم بغيت أخيركم عن سالفة تسجيل المواد الدراسيه في السابق في جامعة العين.
..أول بادي يوم نبى أنسجل حق الكورس اليدبد، أنسير قبل بيوم عند واحد يسمونه مرشد وكل كليه وكل تخصص وكل دفعه لها مرشدها..هالمرشد يعطينا ورقه أنعبي فيها المساقات اللي نباها حق الكورس اليديد..وعاد لين ما أنحصل توقيعه أتكون طلعت روحنا..
…ثاني يوم يكون تسجيلنا ..بس مب أي تسجيل..هاي تسجيل العذاب والشقا..أتصدقون أنقوم من 5 الفجر عسب نتريى عند بوابة السكن لين ما يفتحونها عشان أنسير الكليه..وها كله ليش.عشان أنسير إلى مبنى أسمه قاعة متعددة الأغراض أنسجل فيه المساقات ..المهم مثل ما أنا سايره أبا أخذلي دور ..ألف وحده غيري سايرين بعد..المهم أوصل المبنى عشان أحصل طابور طويل عريض يتريى ..يتريى شو طبعا يتريى خت الرقم..
..المهم نتريى في هالطابور ساعه ساعتين،عداي ونخيس في مكانا..طبعا غير اللي يتخششون في الطابور بالغلط ..عاد أنتوا أتعرفون هالسوالف..وبعدين وبعد أن وصلنا أخيرا ، تختملنا البنيه المسؤوله الرقم..وأتصوروا كم يكون الرقم..هيه زيدوا عادي ألف ألفين..يوصل 3 آلاف بنيه..وبعدين نتيفزر على الكراسي وتكون الساعه 7 ونص نتريى لين ما ين**ر رقمنا…تمر الساعات طبعا ساعه ساعتين 3 عادي نوصل لين 4 العصر وهم ما **رونا أو ما ن**ر ويردونا لليوم الثاني..
..المهم من ن**ر ..عاد نحن نستانس وندخا غرفة المسجلين.عشان أنخبرهم عن المساقات االي نباها.وعاد المسجل ييلس أيجيك إذا هالمساقات متاحه …وعاد يا ويلي لو يطلعلي مساق مغلق..أتعرفون شو يعني مغلق…يعني ما أقدر آخذ ها المساق..أوهو وأتم زعلانه ومكتئبه عشان أعرف أني براكض عسب هالمساق اللي أنا محتاجه أسجله وآخذه في الكورس اليديد..ومن يطلع المساق مغلق لازم لين رئيس الكليه ولين ما يوافق يخلولي ماكن (يسمونه رفع سقف) وعباله ما أتصورنها..المهم من تتسجل كل المساقات وتظهر الورقه المطبوعه للمساقات حق الكورس اليديد..يبرد فوادي ويهون كل ها التعب..
…على فكره أعزائي هالنظام الحين أنلغى طبعا عقب متخرجه والحين أستوى كل شي بالأنترنت وأتسهلت ألمور ملها للجميع…
إن شاء الله ما أكون مللتكم وإن شاء الله تعيبكم مشاركتي ومشكورين على كل شي..
ppp ppp
ما استفدت منها الا شي واحد (ضياع وقت وسنين)
اما عن التسجيل الله وحده أعلم بالذل اللي مريت فيه
ppp
————————–
تسلمين على المشاركه وحياج بينا
ثاني شئ عن التسجيل …
ذكرتيني بأيام مستحيل أناساها في حياتي ،،،،،، وكله كوووووووووم واذا طلع المساق مغلق كووووم
اتخيلي مرة كنت وااااايد مستانسه ودخلت وسجلت ،،، إلا يطلع لي واحد من المساقات مغلق ،،، ولازم اختار مساق واسير عند المرشد هذا اذا حصلته ،،،، ومرشدنا كان في المخج اتخيلي المسافة من متعددة الأغراض لين مخج ،،،، المهم سرت هذيج المسافة كلها وقال لي سيري عند دكتور المادة نفسها عشان يرفع لج السقف وسرت ،،،، ورديت ورفع لي السقف ،،،، بس يوم وصلت متعددة الاغراض مره ثانيه ودخلت حصلت بنيه خذت عني المكان ،،،، مستحيل مأساة ،،،، وسرت مره ثانيه للمخج لين ما عطاني ورقة بتوقيعه ما يرفعون السقف الا لي …..
وطبعا غير المآسي اللي عانوها غيرنا …..
ومشكوووووره الغالية على الموضوع ….
تسلمين الغاليه ع الموضوع