أول شي ارحب فيكم لأنكم دخلتوا الموضوع 😉
خلوني أقولكم ..
مع تزايد عدد سكان دولة الإمارات العربية المتحدة زادت نسبة السيارات .. صح .. المهم و هذه السيارات بحاجة إلى شوارع محترمة تسير عليها ..
أبدأ بإمارة الشارقة..:
قامت إمارة الشارقة بإنشاء العديد من الشوارع الجديدة في العديد من المناطق والأعمال مثلا الله يسلمكم الشاحنات مسموح لها في الشارقة في معظم الأماكن .. و هذا اكبر غلط .. الشاحنات هي السبب الأول في تخريب الشوارع .. هناك شوارع كثيرة .. مثل شارع العروبة .. و شارع الصناعية (( ما شاء الله جنك تسوق في البر.. مب جنك تسوق فالمدينة ))
وهناك بعض المناطق..لم يفكروا ان يشيدوا فيها شوراع (قار)…
المنطقة التي اسكن فيها و المناطق السكنية المجاورة لنا..لم يفكروا حتى بتشييد شوارع (قار)..
وكما يعلم الجميع..ما يتسبب به الرمل في ***ب السيارة والإطارات..وإثارة الغبار..وماله من أضرار على الصحة..
للعلم (( المسؤول عن تخطيط الشوارع هو مسؤول سوداني .. وين عيال البلاد ؟؟ يعني هذا السوداني اخيٌر من عيال البلااااد..؟..ولا ماعدنا كفاءات مثلا…وتقولون الجامعيين ما يحصلون وظايف..! ))
إمارة أبو ظبي لا امتلك معلومات كافيه عنها…ولكن أتوقع تكون شوارعها منظمه.. ..
أما إمارة دبي.. فاعتبر شوارعها من افضل الشوارع .. ولم يكذب من أطلق عليها..مدينة المال والأعمال..
وعن باقي الامارات..لا تعليق..
الشي الذي أريد التوصل إليه من خلال هذا الموضوع هو..
إلى متى سنظل نعاني نحن –سكان مدينة الشارقة- من هذه الشوارع..التي تؤدي ع** وظائفها..فبدل ان تقوم تسهيل عملية السير..تقوم بتخريب الإطارات..!!
وهذا الشي يدعو إلى الاستغراب..فالحمد لله دولتنا دوله غنية..والتقصير فالعمل هو لسبب اخر..غير السبب..المادي..فهل هو الإهمال…؟
دعونا نناقش هذا الموضوع..ومن يريد ان يضيف رأيه..يتفضل..!
عاشق الأبيض 
اما راس الخيمه … حدث ولا حرج … شوارعها مشالله … احلى منها ما شي …
كلها حفر … وكلها قص في قص … شارع يقصونه ويحطون بدال القار (( صبية )) ..
و بدون رصيف الا في مناطق الـ ( …………….. ) وبس …
الشباب من خططهم عدم شراء سيارات يديدة والسبة الشوارع …
سيارة يديدة توديها الفحص الفني من حق التمليك … على طول يقولون لك ما تصلح .. جانبين خربان … او او …
او لو سيارتك يقولون لك جانبين خربان … سير صلحه … (( ما سألتوا عمركم كيف اختترب … من الشارع المرصف اللي ما تحس فيه وانت تمشي ))
والمشكلة … ترمس المرور تقول لهم خل يعدلون الشوراع موب منظمة يقولون سير البلدية … ترمس البلدية يقولون لك الاشغال … ترمس الاشغال يقولون (( ماشي ميزانية )) عيل وين تروح البيزات اللي ياخذونها البلدية من المحلات .. و وين البيزات اللي تطلع للاشغال ؟؟؟
والله مشكلة البلديه عند بعض امارات الدوله مشكله ترا ..
والله انا معاك في كل الي قلته .. يمكن الي ساكنين في دبي و بوظبي مايعرفون باجي الامارات كيف يعانون ..
انزين وين المسؤولين عنهم ؟؟ يعني معقوله محد يدري عن شوارع الاماره ؟؟
انا محد قاهرني غير هذا السوداني .. ترا هذا من زمان موجود و لين احين حاطينه مادري ليش .. والله يتنا امراض من كل مكان و السبه الغبار .. (( ضيق تنفس .. الربوو .. الزجام )) سيايرنا ت**رت و هذا لين احين ماخلص الشوارع
اذا رمسنا من اليوم لين باجر م***خلص وياهم .. لازم نشوف حلللل
والي يبا يضيف شي حياه الله …
الواحد يوم بيشمي في شوارع يتم يتناقز طول الطريق
البلدية لازم تحط حد لهذه المأساة صراااااحة
بس انتوا يا أهل الشارجة ليش ما تسيرون البلدية وتخبرونهم عن هاي المشكلة ،سيروا وتفاهموا معاهم ودورا على حل يا خي لي متى بتمون ساكتين؟؟؟
والفجيرة بعد حدث ولا حرج شوارعهااا كلهاا مطبات على شوو ما أدري وكل مطبة اكبر عن الثانية ترى الشي إذا زاد عن حده ينقلب ضده
تحياااتي لكم والسموحة
يعني شو تبينه نسوي ؟؟ انا عن نفسي لو اقدر جان بسير بس المشكله صغر سني 🙁 🙁 .. نبا حركه .. نبا نشتغل .. نبا حد يطور البلاد ..
الناس وصلوا القمررررر و نحن بعدنا شوارع ماسوينا .. :rolleyes: :rolleyes:
مشكوره اختي على اضافتج .. و ان شاء الله جريب بنتصرف ..
الي عنده اي مشاركه او حاب يضيف اي شي يتفضل .. !
اخوكم : عاشق الأبيض
المفروض يسوون للشاحنات طريق خاص 🙁
وبعدين فعلا مثل ما قال الاخ ستار شوارع راس الخيمه مشكله:o
احنا الحمد الله فى عمان شوارع زينه و عمان تصرف واجد على الشوارع انا دوم ازور امارات و خاصه الشارقه
بدون زعل امارات اغنى من عمان بكثير لكن الشوارع زينه بس فى دبى و ابوظبى , لكن الباقى الله يعين
انا انصح مسؤولين فى الشارقة اعادة النظر لأنه الشارقة اصبحت مكان مهم و شاحنات فى كل مكان اشوفهن و لازم تغير الجسور فى الشارقه الشارع الي يربط بين الشارقة و دبى, لكن مثال شارع امارات زين والله بس الحين الشارقه لأحظت الفترة الاخيره لما تبنى شارع تبنيه على اعلى المستويات
اما الصراحه ما ينقص الشارقه الأ الشوارع بس
والله كلامك اعتبره من سابع المستحيلات عندنا فالشارجه ..
الله يخليك اول شي خله يسون شوارع توصلنا بيوتنا بعديييين يسوون شوارع خاصه حق الشاحنات :rolleyes: :rolleyes:
مشكور اخوي على اضافتك ..
اخوك : عاشق الأبيض
حمدالله انه شوارعكم زينه و البلديه مهتمه .. الى الامام دائما
اخوي انته قلت انه الشارجه يسون شوارع من اعلى المستويات .. بس اباك اتي و تشوف هالشوارع يوم ينزل مطر .. :rolleyes: :rolleyes:
مافي داعي اقولك الماساة يعني .. شوارع الشارجه تكون ممزوره ماي يوم المطر و عاد تتشوف سياير شفط الماي كل مكان و يالسين يشفطون في الماي .. انزين ليش ماتسون مجاري لمياه الامطار ؟؟
يالله يا كريييم .. ان شاء الله نشوف شي يفرح في السنوات القادمه
مشكور اخوي على اضافتك ..
اخوك : عاشق الأبيض
مطر حد قال مطر
وين
متى
يعني نسير البر
يلا خلوني اسير اجهز حق الرحله
و حليلكم شوارعكم خربانه
مال الشارجه تعودوا خلاص
ملوا من الشكوى
بس زين المناطق اليديده فيها شوارع يديده و فيها مواصفات حلوه
مع إني مب من الشارجه.. بس أحب أقول رأي في الموضوع..كلنا امارات وحده ..والموضوع يهم الجميع..
صدق والله..انا شفت بعيني انه فيه بعض المناطق في الشارجه وخاصه السكنيه مافيها شوارع..ما تشوف غير دروب الرمل..وكله غبار وامراض مستعصيه
الشارجه ما ينقال عنها شي..بس المشكله في الشوارع..انزين بدال ما يسوون الشوارع اليديده هاي المصدّعينا فيها..الأولى يبدون في المناطق السكنيه..أهم شي مصلحة المواطنين والمقيمين..
( نداء للزوداني اللي ما يدانيه عشووق)
انت اييييييه يالزوداني..انت دااااااير شنووووووو..بعدك عااايش..قم ياخي.. خل غيرك يشووف شغله…صدق ما وراكم فايده غير نهب خيرات البلاد…ppp ppp
عشوووق اشرااايك…ايوووز مسؤولة في البلديه;) :p ..يالله انتخبوني بس..والله لأخيسكم من الشوارع ..خخخخ…:D 😀
مع تحياتي ليكو
غزّيل دبي
طال عمري:D
اتمصخررر ..
سير ابويه اشتكي عند الشيوخ … 😀