<center>سئلوني ، ليش ما تزوجيت
عبالك اصغير ما كبريت
ما ينفعك باجر ندم
لين قالوا الناس شيبيت
ليش تقضي ايامك وحيد
تيني ونهدم ما بنيت
ماشاء الله عندك كل شيء
ما ناقصك اليوم الا بيت
قلت يببوا ، عرسي جريب
قالوا ياليته اليوم يا ليت
قلت اصبروا جم معاش
آزيد على اللي يمعيت
ناقصني بس جم نوط خضر
خمسين ثمانين ما احسبيت
قالوا لي ليش ما تستلف
موب عيب لين ما تسلفيت
عجل ترى الوقت موب معاك
قلت الصبر زين وابتديت
لازم آيمع هالمهر
آيمعه لو مت واهلكيت
صكيت علي باب حجرتي
قعديت ووقفت وراحيت وييت
اتمشه فيها وافتكر
ما ادري اشكثر لين ما اهتديت
قلت ليش ما اسوي اليوم رجيم
يعني با موت لين خففيت
اليوع في اول امره صعب
ويهون إذا ما تعوديت
لازم آيمع هالمهر
آيمعه لو مت واهلكيت
قالوا لي ناس بمبي جريب
فيها تلاقي ما بقيت
ساتول طويل ما له مثيل
تتنقه منه ما اطلبيت
جربها غيرك واستراح
ما يضر الين ما جربيت
رديت وقلت بس اسكتوا
ابي الأصيل ما تبغليت
ما تسوه الهند كلها
ظفر اللي حبيت واعشقيت
لازم آيمه هالمهر
أيمعه لو مت واهلكيت</center>
<center>البقية في الحلقة القادمه</center>
ماشالله بعدك حي؟؟؟؟؟؟؟؟؟؟ ؟
ها كم يمعت ؟؟؟؟؟
لا تخاف انا بعطيك من مصروفي بعد ولا تزعل واتيوع عمرك ما فينا بعدين ما انشوف مواضيعك الحلوه… ….صح مصروفي ما يكفي بس يالله كله في سبيل انك اتعرس …. .