يا أهل المدينة بيان من الملك الرشيد ذي الرأي السديد 2024.

😮 بصراحة أنا لاحظت شيء في الفترة الأخيرة في المنتدى و ما عجبني و اللي خلاني أكتب عنه موضوع قريته من كم يوم –يعني القشة التي قصمت ظهر البعير- . و لو أنا غلطانة في أي كلمة أو فاهمة غلط أتمنى منكم أنكم تصححون لي.. و أحتاج رايكم بعد ..

أحياناً تنزل مواضيع في المنتدى يتفق الكل على إنها المفروض ما تنكتب أساساً.. يعني مافي خلاف على المبدأ.. لكن اللي ما يعجبني ردود بعض الأعضاء على أصحاب هذه المواضيع.. و عشان أكون محايدة و واضحة .. لو الواحد فكر في ردودهم على انها رد و بشكل منطقي و بدون أية حساسيات يقول كلامهم صح مئة بالمئة و ما عليه أي غبار.. لكن لو فكر فيها على أنها أسلوب لتصحيح الخطأ فهي ردود و طريقة خطأ تصحح الغلطة بغلطة أكبر منها..

يعني إذا الموضوع كان فيه خدش للذوق العام أو خارج عن حدود الأدب ما يحتاج انه الواحد يحط حط على كاتب الموضوع و ما يخلي شي إلا و يقوله عنه .. لأنه أولاً كلنا مسلمين و الحمدلله رب العالمين و نعرف الحلال و الحرام .. و اللي ما يعرف نعلمه ..

ثانياً.. الدين النصيحة و ليس الفضيحة.. يعني لو واحد غلط في موضوعه نصحح الغلط لكن بأسلوب إسلامي حضاري (و أنا أشوف أن ذكاء الإنسان و مدى فهمه و وعيه للأمور يتضح في مثل هذه المواقف).. مب نفضحه جدام الله و خلقه.. نحن بهذه الطريقة ندفعه نحو الاتجاه المعا**، لأن الإنسان بطبيعته يحب الكلمة الحلوة الظاهرة من قلب محب له، و ينفر من ع**ها..
و بعدين فيه واحد تكفيه تلميحة بسيطة غير مباشرة عشان يعرف إنه غلطان.. و فيه ثاني يحتاج تفوله صراحة لكن بطريقة دبلوماسية حلوة.. و فيه ثالث ما راح يعرف انه غلطان إلا إذا قلت له يا فلان أنت اللي سويته غلط و الصح كذا و كذا..

أنتو فكروا فيها معاي.. لو إنسان غلط و لمحت له و ما فاد .. و خبرته و ما فاد.. لكن يوم كلمته جدام الناس استحى و صحح الغلط.. في هذه الحالة أنت مب خسران شي.. بالع** ربحان و مستفيد.. لكن لو واحد ثاني من النوع اللي تكفيه إشارة .. سرت و كلمته جدام الناس .. شو تتوقع انه راح يسوي ؟؟ يسمع كلامك ؟؟ يصلح الخطأ؟؟ طبعا لا .. و فوق هذا راح يشل في خاطره عليك.. و في هذه الحالة أنت خسران مرتين.. مرة لأنك ما قدرت تغير الغلط و مرة لأنك كنت تقدر ت**ب شخص و خسرته بدفاشتك..

الرسول –عليه أفضل الصلاة و السلام- معلمنا الأكبر اللي كلامه كله إن هو إلا وحي يوحى كان يقول يوم حد يغلط :"ما بال أقوام يفعلون كذا و كذا"..

أنا أدري إني وايد تكلمت لكن حبيت أظهر كل اللي في خاطري.. لأني أحب المنتدى.. و أحب كل الأعضاء فرد فرد.. و أحب أشوف الجو بينهم صافي ما يعكره شي.. و ما أحب أي شي ممكن يؤدي إلى الع**..

ممكن كلامي هذا يضايق حد.. لكني أنا ما أقصد شخص بذاته .. أنا انتقادي على الأسلوب بس.. و السموووووووووووووووووووووووووووحة منكم كلكم :rolleyes: خليجية :rolleyes:

سلطانتكم المحبة
ط®ظ„ظٹط¬ظٹط© شهـــــرزاد

شهرزاد ..ما شاء الله عليج ..كلامج 10 على 10 ويا ليت كل الاعضاء يفكرون بهالطريقه علشان نكون في خير وبعيد عن المشاكل خليجية

بارك الله فيج...مشكوره خليجية

المرعب والاجر على الله 😮

و هذا توقيعى على ما جاء اعلاه
نبيل " راعى الخروف الفوشيا "
بارك الله فيك يا شهزاد على هذا الكلام النابع من النفس الطيبه
و ارجو من الجميع مراعاه ما اشرت اليه حتى يسود الاحترام
و الود و الانسجام …….دون التنافر و الخصام
ط®ظ„ظٹط¬ظٹط©

فديتني أول اثنين ردوا علي مشرفين :rolleyes: 😀
شهـــــريار يترياكم في القصر ..

المرعب .. قصدك كلامي 100 على 100 :rolleyes: 😀

باش مهندس دكتور شرطي محامي ضابط قاضي نبيل .. ترى وقت الجد أعجب :rolleyes: خليجية

و مشكورين على الرد اللي صراحة أخجل تواضعي :rolleyes:

كل كلامج صحيح يا شهرزاد
والشخص اللي نلمس فيه الخير م***تردد في نصحه -وهذا مايعني أننا معصومين عن الخطأ والزلل .. لكنا نحتاج النصح والارشاد بعد مثلنا مثل باقي البشر-
لكن في اللي يتواجدون علشان الغلط ..وبس ..ويكابرون فيه
وهذيلا بطبيعة الحال مايحترمون تواجدهم بينا ولا يحترمونا ولا يحترمون أنفسهم
وفوق هذا وذاك تعديهم على الدين وتجاوزهم حدود الأخلاق والأدب ولو هم مسلمين مثلهم مثلنا
يمكن نتجاوز عن التعديات الشخصية
لكن أبدا م***سكت اذا تجاوزوها للدين، يحللون ويحرمون على كيف شياطينهم..وينشرون أفكار لاأخلاقية ممكن تلاقي ترحيب لدى ضعاف النفوس والمراهقين..
هذيلا والسموحة من المشرفين مالازم نمهلهم لأن أساسا الغلط في وجودهم بينا
كل عضو منا -بما أننا بشر- رقيب على نفسه واللي يكتب شي لازم يستحضر رقابة الله سبحانه والخوف منه فيما يكتب وينشر لأننا مسؤولين عن عملنا هذا ولو كنا نشوفه بسيط..والواحد مشرف نفسه واللي ملوش أهل الحكومة أهله -طولنا لا؟! :D-

السموحة والعذر منكم خليجية

شهرزاد

كلام لا غبار عليه وانا اتفق معاج واتمنى من الجميع التقيد
والحقيقه تسلمين على الموضوع وبارك الله فيج
وجزاج الله خير

بس انا اول واحد يرد عليج ما يكون مشرف
هاهاهاهاهاهاهاهاها

لا غلطان يا الجريح
أنا سبقتك 😀

أسامي .. الجريح 66 … لا تظاربون هني عندي .. سيروا مكان ثاني .. و لا أقول لي عندكم حل .. أسامي الأولى و الجريح أول مكرر 😀 😉

أسامي ..
أشكرج على المداخلة .. و أنا معاج انه اللي يتعدى حدود الدين المفروض نردعه و ما نسكت له.. لأنه الواحد واجب عليه يغار على حرمات رب العالمين و حدوده .. لكن أنا أتكلم عن الأشياء اللي ما اتعدت هذي الحدود ..

الجريح 66 ..
طبعا كلامي لا غبار عليه .. توني منزلتنه المنتدى .. بعده فرش 😀 :rolleyes:

الاخت : شهرزاد
مشكوره توه فرش يا سلام
والله علبالى توه طالع من المخزن ولا تخافين انا واسامى بندورمكان ثانى علشان ما نتهاوش لا علشان نشد على ايدج ونقول موضوع ممتميز
ههههههههههههههههههههه
اتغشمر معاج

اسامى

انا يوم كتبت الموضوع كان ما فيه احد بس تستاهلين
انا ثانى واحد يرد مو مشرف

اوكيه الحين

وتقبلوا تحياتى

احوكم : الجريح

الجريح ..
و نحن نتريا مواضيعكم المتميزة :rolleyes: خليجية

شهرزاد …. مب هينه انتي بعد 😀 فديتج خليجية

قلتي الي بغيت اقوله بس انا فديتني ما عندي اسلوب

واضيف على كلامج التعليقات الي تنحط في المواضيع .. يعني اذا

واحد شاف موضوع وجديم حط تعليقات تقهر مثل جديم ومغبر

( فرعوني .. او هاااااااااااع ) 😀 وتعليقات وايد

اذا عضو شاف الموضوع ومار عليه ويشوفه جديم ومغبر مافي داعي

يعلق يسكت احسن ويخلي غيره يشوف الموضوع واذا الموضوع

المفروض ينحذف المشرفين ما بيقصرون جاهزين للحذف وودهم

بعد خاصه من استوا مشرفين 😀 ..يالمشرفين لا تحبونها كلمه علي

نسولف عااااد 😀

والسموحه خليجية

يا أهل المدينة بيان من الملك الرشيد ذي الرأي السديد 2024.

اترك تعليقاً إلغاء الرد