هل تفضل الدراسه في الدوله ام في الخارج ؟ 2024.

لكن اكيد الدراسه في الخارج لها فوايد كثيرة و اضرار كثيره
و من الفوائد خاصه للشاب منها يكتسب خبرات الغرب و علمهم و يفيد بلاده و امته
و تكون الشهاده اكيد مطلوبه و الخوف من انه يرجع ساحب اوياه زوجته التي لا دين لها ولا اخلاق و انتو اتعرفون الباجي.

الصراحة عن نفسي أحب أدرس في جامعة عدال البيت ما في أحلى من البقاء مع الأهل لذلك أفضل الدراسة في الدولة والحمد لله جميع التخصصات الآن متوفرة في جامعاتنا .

ما روم ابتعد عن هلي .. احس اني من دونهم مالي وجود

من واقع التجربه:
اكيد رايح تقولون هناك بنستفيد اكثر (صح فيي هذي الى حد ما)
اللي شفته برع شئ من بنات البلاد شئ يفشل وما احب اكتب عنه (الله يستر عليهن)
اكيد بيكون ردكن: اللي محترمه نفسها ما يهمها شئ
واقول لج: كان غيرك اشطر وقال نفس الشئ يا شاطره

ما تعرفون ان الغربه كربه
والبنت مهما كانت تظل مخلوق ضعيف
ناهيك عن ان الدراسة مختلطه يعني غصبا عن الكل رايح تكلم هذا وهذاك
وشوي شوي تكون الامور عادي
ومثل ما يقولون كثر الدق يفج اللحام

شو لكن والدراسه برع
خلكم هني بين اهلكم وربعكم وجيرانكم

وسلامتكم

وصلاية سؤالك يثير شجوني .. بس قبل ما اشطح مع هالشجون أحيي الأخ السؤدد .. فكلامه 10/10

و أحيي خواتي اللي تكلموا عن الدراسة في الخارج .. وأعتقد أن دافعنا الوحيد هو الطموح لنيل الأفضل ..

وأبقى أنا حبيسة شجوني .. وحلمي بعيد المنال .. بأن تكون الدراسة في بلادنا العربية هي ذات المستوى الأفضل الذي نتطلع إليه .. فهل يتحقق ذلك الحلم ؟؟؟ ربما

وبالنسبة للأولاد يروح يدرس و يعرس من برع البلاد وياخذ الأجنبيات ويخلي بنات البلاد .