مرة كنت مضايجه وحسيت ورايه وايد أشغال ماقدر أنجزها بيومين وعقبها ظهرت عسب أغير جو وموول مضايجه وعقبها رديت البيت أذن صلاة الظهر روحت أصلـــي وعقبها تميت أفك متى بخلص هالشغل قلت بروح روحت اقرا قرآن الصراحه عقب ماقريت القرآن حسيت براحة نفسية رغم الشغل اللي ويايه وكنت مرتاحــة فتحت الابتوب أخويه تم ويايه وأنا أشتغل وخلصت كل شغلي وكان الشغل مضبووط والحمدلله رب العالمين.
الصراحة قرآة القرآن علاج سبحان الله.. الا بذكر الله تطمئن القلوب..
ف الدوام كنت يالسه بالمكتب وياني شيبه كبر أبوي يسأل عن معاملته أنا قلتله الموضوع مب ويايه يروح عند الموظف الفلاني وتم واقف يطالعني أنايالسه أقول بقلبي ها شو يبغي عقب قبل لايظهر قال عطيني رقمج جان انصدم اقول الواحد يالله وحسن الخاتمه . يوم الشياب جي الله يعين . والله أني قمت أخاف أيلس بالمكتب بروحي مع أنه في موظفات ويايه بس شغلهم دووم برع المكتب .. صدق يوم قالوا ان الدنيا مافي أمان.
فـ ال سنتــر وأنا بطريجي حذال محل الألعاب أجوف أم من أحدى الجنسيات العربية تضرب ولدها ضرب يعني مب أي ضرب اليهودي مابيضرب جي ولده شلته شرات الكره وفرته بلأرض الناس كلهم تدخلوا يعني يوم هي ماتقدر تشتريله اللعبه ليش بلأساس تييبه وياها السوق .. والشكله عيالها شردوا عنها .. الله يعينهم والله
الصراحه أم مافيها رحمه
مواقف كثير تمر علينا في الحياه
بس ناد الأشخاص يتعلمووون منها ><
بالنسه للموقف الأول ::
هذا شي اكيد وحتى لو ما عندج قرآن فيه اذكار ^^
((الإ بذكر الله تطمئن القلوب ))
بالنسبه للموقف الثاني ::
والله صدقتي (أقول الواحد يالله وحسن الخاتمه )
لا تعليق
الموقف الثالث::
والله كثر من العايلات شي
يأنه يدلوهم أخر دلع أو أنه يحرمونهم من كل شي><
سلمت اناملج عزيزتي ع الطرح الراااااااااااقي
[/align]
بس الصراحه صح أني انقهرت من طريقة ضرب الولد لاني ضد ضرب الأطفال بطريقه دفشه
بس ضحكني أسلووووبج وشرحج للموقف
تسلمين
موفق بإذن الله … لك مني أجمل تحية .
شـكــ وبارك الله فيك ـــرا لك … لك مني أجمل تحية .
الوقف الأول: باركا لله فيج
الموقف الثاني: ههههههههههههههههه
الموقف الثالث : بعض اليهال يجيبون الضغط
الموقف الأول ::: سبحان الله القرآن فيه راحة نفسيه …سواء في المرض أو الضيج والهم
الموقف الثاني ::: عادي وايد من الشواب يبغون يتشببون 
الموقف الثالث :: صح اليهال يسوون لج حركات ترفع الضغط … من غير في منهم طماعين يبون كل شي لو عندهم … بس بعد ما توصل اني اضربه ضرب مبرح جدام الناس .. بعد ما يهونون العيال …