ببدأ بقول أحب البشر على قلبي
قال صلى الله عليه وسلم : ( اتقوا النار ولو بشق تمرة )
وقال : ( ما نقصة صدقة من مال وما زاد الله عبدا بعفو إلا
عزا وما تواضع أحد إلا رفعه الله عزوجل ) …. قولوا لي بس وين احنا من هذا الكلام .. كم مرة سمعنا لكن ما نطبق
إلا إذا تذكرنا .. وما نتذكر إلا نادرا …
البعض ما يتصدق إلا إذا شاف واحد يتصدق بس بنية غير
خالصة لله .. – الرياء – من الصفات القبيحة لإنها من صفات المنافقين .. والبعض ما يتصدق ولا حتى يفكر في انه يتصدق
وفي ناس يتصدقون بكل الي يقدرون عليه هم موجودين بس
بقلة .. من صفاتهم دائما أن الابتسامة ما تفارق وجوهم
وبعد ما يتصدقون يحسون بالسعادة لانهم يعرفون انها
بتوصل لاخوانهم المسلمين وحق المحتاجين .. هم عمرهم
ما نسوا
شي اسمه صدقه عمرهم ما نسوا ان في ناس ما يلاقون شي
ياكلونه وان في ناس في بلاد محتلة يحتاجون دعم مادي ..
ما يضيعون فلوسهم عالفاضي .. إن شاء الله يكونون من الي يظلهم رب السماوات والأرض بظل عرشه يوم لا ظل إلا ظله
وفي ناس الله يهديهم ، سمعت انهم أول ما يشوفون ناس يغيرون رايهم ويدخلون صدقتهم ويطلعون من المكان !!! ليش .. السبب ؛
الشيطان ضحك عليهم بكل سهوله! .. الشيطان وسوس وقال لهم بان ؛ في ناس حواليك واذا تصدقت يكون رياء!!!
خلنا نطلع وبعدين نتصدق المره الجايه .. واذا ما نفع يقول
لهم انهم ما عندهم فلوس كثيرة فشيلة اذا طلعوها قدام
الناس … هذا الريال يكون حسنات كثيرة يوم القيامة لإن ربي بيضاعفها … وانت بتكون بأمس الحاجة للحسنات…. ليش ما نفكر إلا بآخر جوال نزل أو بكثرت
السيارات ……. ياأخي لاتنسى … الدنيا فانية … أهم شي يوم تتصدق خل نيتك خالصة لله …
في موضوع ثاني تذكرته .. بعض الناس يقولون خلاص
ما عاد في أمل …. الأمه الاسلامية في زوال .. هاذولا لازم
نحاربهم لانهم يزرعون اليأس وبالتالي ييأس الناس وتلهيهم
دنياهم …
مو معنى إذا كثرت المصايب في بلاد المسلمين ان الأمه
على وشك الانهيار ..
بالع** هالمآسي الي تصير يمكن تساعد في ايقاض
المسلمين من غفلتهم .. الحين الأمه بدأت تفهم ان الوضع
ما عاد مثل قبل … الغرب يقومون باعداد هجمات شرسة
على الاسلام والمسلمين سواء كانوا من الاقليات في الغرب
أو في بلاد الاسلام ..
في ناس مستعجلين يبون الامه تنتصر في يومين أو ثلاث ..
هذا شي مو معقول … الله قادر على كل شي وهو الحكيم
بس في ناس للحين ما قاموا من رقادهم وللحين المسلمين
في ضعف يتأثرون بكل شي يجيهم من الغرب ويتابعونهم
ويقلدونهم حتى في لبسهم ..قال الرسول صلى الله عليه وسلم : ( إن الله لا يغير ما بقوم حتى يغيروا ما بأنفسهم ) ..
الامه الاسلامية توها ما استعادت قوتها ، لازم تقوى .. لازم
نساعد في تطويرها لان احنا ولا شي بالنسبة للغرب .. لازم
ننشر الوعي الديني .. بعدين نطور أمتنا علمياً واقتصاديا وعسكريا واحنا نقدر .. أصلا تقدم الغرب ما صار الا من
ناس استوردوهم من بلدان العرب والمسلمين ..
المفروض ما نخلي اليأس يسيطر علينا .. لازم ننشر الوعي
هذا هو دورنا ..لازم نساعد على تحرير الأراضي الاسلامية
ماديا ونرفع من معنوياتهم ، وما ننسى ان فيها ناس
يعانون واحنا للحين لاهين بدنيانا …أدري اني طولت بس
أتمنى اني قدرت أوصل لكم المقصد من هالكلام .. وترقبوا
المزيد من المواضيع في يوميّ الجمعة والسبت – الاجازات الرسميه- وهذا الفلاش أهديه لكم وهو بعنوان " متفائل في زمن اليأس"
http://www.biznaseducation.com/koko2003/MOTAFAEL.swf
http://www.uae4ever.com/vb/showthread.php?t=100245
والسلام عليكم 
بقلم نور القمر : xxشهدxx
بارك الله فيك ورفع قدرك وسدد الباري خطاك آمييييييييين
اشكرك
يزاج الله خير و بارك الله فيج على هذا الطرح القيم
الله يجعله في ميزان حسناتج
….