محكمه ابو ظبي الشرعيه … لا شرع ولا عدالة
تزوجت على بنت عمي وحده أجنبيه (مصريه ),,,, اتمسكنت علي اونها مطلقة وما عندها مكان تعيش فيه ولا لها ريال يوقف معاها قمت بكل شهامة واتزوجتها.. وياليتني ما أتزوجتها .. بعد الزواج اكتشفت اني الزوج رقم 4 !!!!!!! بس كان الاكتشاف متأخر… والله عطاني منها أربع عيال ،اول ما طّلعت لها الجواز الاماراتي سارت الأخت على طول ودورت على شغل, ومحد قبلها الا الشرطه (طبعا لا لغة ولا شهادة ورصيدها المهني هوالجواز) وانا ما رضيت..لأن الدوام في السلع!! وأنا وعيالها في ابوظبي … والله لا يراويكم شو سوت فيّية (قطعت ثيابي و قام صوتها يعلى بين الجيران وفضحتني والنهايه رفعَت السكين على رقبتي علشان اطلقها !! طبعا خلاص مهمتي انتهت بعد ما خذت الجواز!! ) طلقتها في الليل وعلى طول ثاني يوم الصبح كانت في المحكمه تبا تثبت الطلاق علشان تطلع حق عمرها خلاصة قيد وتشتغل وتشوف حياتها وهي مالها سنة من يوم ما صارت مواطنة اماراتية !!!! وسرت المحكمه عند كم من قاضي علشان افهمهم اللي صار (طبعا ولا واحد مواطن يفهم الظروف والبيئة اللي احنا فيها) وبدون سؤال عن الاسباب او ظروف الطلاق (اللي كان تحت تهديد سكين) ما سأل الشيخ الا هالسؤال: هل قلت طالق, قلت نعم … قام واثبت الطلاق !!؟؟؟ قلت يمكن هذا الشي احسن من المشاكل ووجع الراس وأتفاهمنا على أني اوفر لها البيت ومصروف شهري للأولاد ,وما مر اسبوع الا واشوف الأخت تخلي عيالي بروحهم في البيت مع الشغالة وهي تسهر وتبات في بيوت بنات خالاتها !!! ويوم كلمتها كأنها ما صدقت…رمت لي عيالي وقالت ما اباهم انت ربيهم انا بشوف حياتي !!!!؟؟ وراحت دورة عسكرية وارتحنا منها سنة كاملة….وبعد فترة طلع لي بيت من الحكومه وخذت سلفة من البنك علشان اجهزه لي ولعيالي … بعد السنة ردت الأخت وبدت تطالبني اساعدها علشان تاخذ بيت لأن دوامها ما يعطيها بدل سكن كافي وطبعا رفضت وعرضت عليها تسكن في جزء من البيت الجديد , ورفضت لأن البيت بعيد عن أبوظبي 50 كيلو… ويوم وديت العيال يزورونها خذتهم ومنعتني من شوفهم او حتى الكلام معاهم !!!؟؟؟ علشان تضغط علي واييبلها سكن على كيفها؟؟!!!!
وهني بدت مأساتي مع المحكمة الشرعية الي ما فيها قاضي يعرف الشرع ولا يخاف الله …..
راحت الأخت (المواطنة) أشتكت عليّ وحلفت يمين على المصحف أني انا ما دفعت لها النفقه طول السنه وان العيال كانوا عندها؟؟!! قلت للقاضي أنها ما كانت موجوده ويقدر يخاطب دوامها علشان يثبتون انها كانت في دورة عسكرية خارج ابوظبي ويطلبون اهلها للشهادة علشان اثبت ان العيال كانوعندي…( مع العلم اني كنت أعطيها مصرووف شهري شفقة من عندي وعلشان العشرة لان راتبها كان ضعيف ), وقال القاضي (سوداني) أنا قاضي تنفيذ ومالي شغل في هذا الكلام !!!؟؟؟عندك دليل أنك تعطيها فلوس؟ وطبعاُ ما شي دليل وطلبت ودفعت مبلغ وقدره…. نفقة سنة كاملة في ذمة المحكمة وذمتها لين يوم القيامة الشحاتة اللي يبتها من الشارع وخليتها حرمة مواطنة لها صوت؟!!!
بعدها اضطريت اسيرالمحكمه أشتكي علشان اشوف عيالي !! وعلشان موضوع البيت (هي قاعدة في يبت ايجار وانا ملزم اني ادفع نفقة وايجار60,000 من راتبي لأن الحكومة صرفتلي بيت يعني ما عندي بدل سكن) ووصلت عند قاضي المصالحات (أردني) وحولني على قاضي الاحوال (موريتاني ) مايعرف يتكلم عربي عدل لا انا افهم شو يقول ولا هو يفهم شو انا اقول!!! ووبعد اربع جلسات ما سمع فيها مني ولا كلمة (لأن اخوكم طيب زيادة عن اللزوم كنت اتوقع ان القاضي ما بيحكم الا بعد ما يتأكد من الوقائع ويخاطب دوامها و يسمع الشهود !! طلعت السالفة خبر خير هي طبعا يابت محامي –بفلوسي- وانا رحت بنفسي مع الحق!! اوني مالت علي؟!!),كان حكمه (بأني أشوف عيالي ساعتين يوم الخميس والجمعه وأنها ما تطلع من السكن المؤجر) مع العلم بأن يبقى من راتبي 2500 بعد خصم السلفه والنفقه , وأجار البيت 5000 في الشهر وكل هذا مثبت عنده بأوراق رسمية من الدوام والبنك؟!!!, رحت وحطيت محامي ودفعت مبلغ محترم وأستئنفت الحكم ودفعت 2000 للمحكمه , حضرت 3 جلسات و كانو ثلاثه قضاه والمفروض يكون فيهم اقل شي قاضي واحد مواطن (شفته في جلسه وحده ) واللي صار في المحكمة الأولى صار بشكل اسخف في المحكمة الثانية .. الأخت تكذب وتحلف وانا اطالب بشهود وبمخاطبة دوامها وعندي اوراق رسمية واثبتات بس محد مسويلي سالفة ؟؟!!! وحكم القاضي (المغربي)
( أشوف عيالي 4 ساعات يوم الخميس و6 ساعات يوم الجمعه و أنها ما تطلع من البيت المؤجر ) !!؟؟؟؟
شو رايكم بالمصخره الي صايره في محاكم ابوظبي الموقرة ؟؟؟ وكيف يحكمون بدون شهود ووقائع واثباتات ؟؟ ولا الحرمة اذا سوت عمرها منقبة ( في المحكمة بس طبعا) وحلفت كم يمين وبكت كم دمعة قدام القاضي تصير هي الضحية والريال هو المجرم اللي ما ينسمع له ؟؟!! ومعقول ان اي وحدة تقدر تتمسكن وتحصل الجواز وبعدها على طول تطلب الطلاق (ولو بالسكين) وما في قانون يلزمها اقل شي تعيش مع ريلها 5 سنين بعد الحصول على الجنسية علشان ما تصير مآسي مثل اللي صار لي ؟؟ انا عيالي صاروا يتكلمون مصري !!! وما اقدر حتى اشوفهم (بعد حكم المحكمة!!!) لأن الأخت تعاقبني علشان اتجرأت ورفعت عليها دعوى!!!!
حاولت مع الدوام علشان يجددون أجار البيت لاكنهم رفضو لأني أملك بيت شعبي… واكلم عيالي بالدس والسرقة لما الشغالات يرحموني ويتصلون فيني من وراها!!!!
ممكن حد يقولي شو أسوي
اول خطأسويته ليش تركت بنت البلاد وبالذات بنت عمك اللي من لحمك ودمك وخذت عليها وحدة لاهي من ثوبك ؟؟
تبا الصدق ولا تزعل يمكن تكون هذه حوبات بنت عمك ؟؟
الله يسهل عليك ويكفيك شر مطلقتك ..
واقووولك توقع ايك اكثر من هذا؟؟
وأكبر غلط أنك تاخذ وحده أجنبيه صح منهم الزين ومنهم الشين بس الصراحه الله يعينك ..
طيب شي جهات ثانية يمكن تفيدج او ترد لك شي من حقوقك بالذات مع عيالك
لا تيئس..وماضاع حق وراه مطالب
وديوان الرئاسة يتفاعل وي قضايا الناس وبتلقى حل باذن الله
استخير وتوكل على الله
وربي يسهل لك امورك
ومب انت المتضرر فقط روح المحكمه وبتشوف قضايا عجب والمظلوم الله يعينه
بس لا تسكت مهما كان ودوم استأنف لين ما تأخذ حقك
انزين مايستوي ترفع عليها قضية في إمارة ثانية ..؟ أو تسير تكلم القاضي المسؤول عن القضاة اللي حكموا في قضيتك …؟
أنا حسيت ان حرمتك مادية فيمكن بتردلك عيالك اذا اغريتها بمبلغ محترم من البيزات !!
حاول تسأل محامي شاطر عن وضعك القانوني وهل في مجال ان القضية تكون لصالحك
لاتنسى الثلث الأخير من الليل الدعاء في هالوقت مستجاب ،، اشكي حالك لربك ترى ربك ارحم عليك من امك و ربي يفرجها عليك والزم الاستغفار ترى فيه تفريج للكروب
والسموحة
الله يعينك يا أخوي بس شوف ما أقول إلا حسبي الله عليها والله يمهل ولا يهمل ومصيرها تعض على أصابعها ندم وأنت اللي راح يوفقك ربك بالنهاية وإن شاء الله ربي يجمعك بعيالك وبترد لها الصاع صاعين ودعاء المظلوم مستجاب ورب العالمين ما يرد دعاء المظلوم تحسب عليها في كل وقتك وفي صلاتك لانها ما تستاهل انه أحد يدعي لها بالهداية لأن هالأشكال ما منها إلا كل شر. وسبحان الله في هالدنيا محد يجدر يسوي خير إلا الناس تجازيه بسيئة وخصوصا اللي ساعدته إلا من رحم ربي. الله يفرج عليك كربتك يا رب.
الله يعينك اخوي
وقبل لا ادخل بالموضوع
ما عيبني ردود الأعضاء يوم قالوا ليش تركت بنت البلاد
يا ناس نحن كلنا عيال أدم وادم من تراب
صح انكم تقولون ليش ترك بنت البلاد بس مثل ما قريتوا فموضوعه كان نيته صافيه والحرمه الله يهديها قصت عليه……..
واجرك عند الله
_________
أخوي
ادعي لربك يفرجها عليك وتنفضح جدام الناس وتعرف شو سوت وغلطت عليك
والله يعين عيالك يا خوي خل إيمانك بربك كبيــر وإذا مب فالدنيا فالأخره
حقك بتاخذه بتاخذه والله يعينك دنيا واخره………..
هي حلفت زور بس وين بتروح من عقاب الله
الله بيبليها في أي شي
دوووم الأطفال مساكين ضحاااااايه
الله يكون في كونك
إنه وحده ويانا في الكلية
ماتجوف أمها إلا بلكليه يعني تخيلوا أبوها ماخذ وحده هب إماراتيه وعيالها ويا أبوهم وتخيلوا أمها إتيي الكليه بس عسب تجوف بنتها وحليلها أتم وياها جذه ساعتين
وأنا دووم أقول ليش ها البنيه أمها إتيي الكليه وطلعت جذه السالفه وفي اليوم الوطني كانت البنيه يايبه أختها الصغيره وعقب أجوف أمها
يايه الكليه بس عسب تجوف بنتها .
حرام وين الرحمه راحت ؟:(