================
تودع زوجها وهو طالع للعمل وتقول له بتوحشني يا حبيبي
الساعه 11 صباحا
==============
تتصل عليه في العمل وتقول له حبيت اسمع صوتك بس يا
عمري
الساعه 3 العصر
=============
تستقبله وهو متشيكه وتبوسه وهو داخل للبيت وتقول له
الغدا جاهز يا حياتي ..تحب احطه لك الحين ؟
الساعه 5 العصر
=============
تصحيه من النوم ببوسه وتقول له اعمل لك شاي يا حبي ؟
الساعه 6 المغرب
===============
تسبل عيونها وتقول بكل خجل يا ريت يا حبيبي .. يعني
لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري و قبل ما ينطق بكلمه اذا ما
تقدر خلاص مو لازم وطبعا يضيع هو في نظره من عيونها
ويوديها لاهلها ولو انهم ساكنين في السويدي وهو ساكن في
العليا
الساعه 8 بالليل
=============
تتصل على الجوال وتقول اشتقت لك يا عمري .. يا ريت
تمرني ونروح للبيت وطبعا هو عارف وش بيجيه في البيت
فيطمر ويقول للشباب اسف والله يا شباب راسي مصدع
ولازم
امشي
الساعه 10 بالليل
==============
تجلس في حضنه وتقول الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني ..وانا يا
ما
كذبت على ابوي وقلت له اني طالعه مع امي وانا اصلا
متفقه
مع امي عشان اطلع معك وبعدها هات يا بوس لمده لا تقل
عن ثلث ساعه
الساعه 11 بالليل
==============
الوصول الى هذه الصفحه غير مسموح ……….الخ
بعد مرور عشر سنوات
*******************
الساعه 6:30 صباحا
===============
هي في سابع نومه
الساعه 11 صباحا
==============
هي برضه في سابع نومه
الساعه 3 العصر
=============
تستقبله وهي نافخه خشتها وتقول شف لي حل مع ولدك علي
هذا ..حتى الان ما حل الواجب .. وسوير الله ياخذ عمرها
انشاء الله شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه تو
انه يقول لي يوم ان الاختبار صار بكره … وترى موضي
تكنفست مع الدرج وهي كانت في المشايه … والظاهر انها
تعورت …كله من هالشغاله الله يا خذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها
وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ما تدري ان
اسرار بيتنا كلها عند الجيران من لسانها هاللي وش طوله
و …و …..و
الساعة 5 العصر
=============
هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ..الخ
الساعه 6 المغرب
===============
هو جالس يشرب الشاهي وهي تقول نبي نروح لامي بتجيهم
بنت خالة جد ولد عم ابوي ..وبعدين نبي نروح نشتري للبنت
مريول ..وبعدين بنت عمي والده ولازم اروح اشتري لها
هديه
من باتشي و ابي امر على المشغل ..وبعدين حطنا عند اختي
في الشفا من زمان ما شفناهم …………..
وفي هاللحظه فكر هو انه يشتغل ليموزين احسن له
الساعه 8 بالليل
==============
تتصل على الجوال وينك فيه ؟ وبعدين وين بتروح ؟ ومنهو
الي معك هذا ؟ ووش بتسوون ؟ ومتى بتجي ؟ لا ما فيه
الساعه
11
تعال الساعه 10
الساعه 10 بالليل
==============
جالسين هي وياه عند التلفزيون ..اخيرا هدوء ..والعيال
نايمين ..والجو جميل ..وفجأه تطالعه وهي ماده بوزها
وتقول الحين امك وش عندها اليوم ما ترد يوم اني سلمت
هاه ؟ والله ما ادري كان سالتيها واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما ما
نيب زايرتها اذا ولدت ……وبعدين بنات عمك وش عندهم
نافخين
عمرهم ؟؟ على ايش ابي افهم ….على جمالهم الزايد اللهم
لك
الحمد بس تسكت شوي بعدين تقول وبعدين اختك نوره يوم
انها تقول ان علي ولدي يشبهني ما يشبه ابوه وش قصدها
هاه ملاحظه علي هو اشين اخوانه انا فاهمه قصدها
وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد الي هو الزوج حلو مره و3 من حريم
الجيران قد خطبوه لبناتهم ….من زينك بس ما ادري وش
لاقين
فيك . يسكت وما يرد , تسكت هي ثم تقول وبعدين اخوك
شاري لحرمته ساعه قيمتها عشرين الف ريال يرد طيب وش
المشكله ؟ وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ..شينه
وطبايعها شينه وحتى طبخ ما تعرف تطبخ خلاص اشتري لك
ساعه تعصب وتقول ايه تسكتني بهالكلام ….والله لانت
شاري ولا شي وش تبيني اقول يا بنت الحلال ؟ تقوم
وهي تبكي خلاص ما ابي منك شي
الساعه 11 بالليل
===============
هي زعلانه ونايمه مع العيال
وهو **** اليوم الي تزوج فيه
وسلاااااااااااااااامتكم 😀
في البداية و الله خليتني أتخيل و أنا أقرا يوم تبوس و ما أدري شو في السنة الأولى .
بس عقب كرهت عيشتيه ياخي والله عيال و ***بيط بس شو نسوي هكذا الدنيا تدور .
هههههههه و الله تضحك … الله يعينكم يا المتزوجين على حريمكم … الريال كل شي يتحمل إلا لسان الحرمة أفففففف من لسانها يباله قص هب قص يباله حرق هههههههه 😀
مشكور أخي m3oxes 😉 موضوعك جميل و واقعي حبووووب:p
تحياتي……..:D
القبيسي
الحب الحقيقي هو الذي يزيد مع الايام بين الزوجين ومهما وصل الامر فانه لا يصل الى الكره
نعم قد تنشغل الام وكذلك الاب ب***ائهما لكن هذا لايعني ابدا اهمال عش الزوجية
وتامل قول الله تعالى ( وجعل بينكم مودة ورحمة ) قال اهل العلم
المودة في اول الزواج ثم بعد ذلك حين ياتي الاولاد تاتي الرحمة فلا بد من تقديرها وكذا لابد هي ان لا تفرط في حقه
ماذكرته ياخي فعلا صورة مبسطة لما يحدث في مجتتمعاتنا وللاسف
وقد لفت نظري مسالة مهمة وهي الدعاء على ال***اء فهذه الغالب وللاسف من الامهات والاباء يقعون فيها وهي خطيرة جدا فقد تصادف بابا مفتوحا فيجيب الله الدعوة فتكون حسرة على الداعي والمدعو واعرف حالة امراة دعت على ***تها فاجيبت دعوتها وكذا ام دعت على ولدها لانها كانت تناديه وهو يغني ولا يلتفت لها يمزح فقالت لك وجع في فمك والله ياجماعة جاه وجع طوالي وانطرح على الارض والتوح وجهه وغير اسنان باحد عشر الف ريال
ثم ندمت الام وندم الولد وتذكرت دعوتها
ما اروع اتن تكون الدعوات كلها هداية وصلاح
كل يوم وانا اعرف بلوى يديدة عن الزواج….
وكل سنة وانتو طبين وانا عزابي
عاشت العزوبية
أشكرك على هذا الطرح الجريء والفكاهي #G#
أبي أعرف ليش كله على المرأة . . . وين الرجل . . .وإلا ما تبون تتكلمون عن نفسكم . . .
لعلمك أن الرجل من أول سنه زواج نسى التاريخ
يا جماعة المرأة احساس . . يعني الكلمة الحلوة تنسيها هم اليوم كله وهم العيال والطبخ والكنس . . . .
ما فيها شي لو تذكر تاريخ ميلادها وشرالها هدية بسيطة
لو تذكر يوم زواجهم وخذها على مطعم حلو وعشاها
لو تذكر يو حلو من أيام حياتهم . . .
وإلا كله الحرمة اللي لازم تتذكر . . .
والله احترنا !!!!
نهتم في الريل وإلا في العيال وإلا في البيت وإلا في أهل الريل وإلا في شووووووو إلا شوووووووووو
يا جماعة يا حلويين يا ريايييييييل ترى الحياه شراكة بين الإثنين . ..
يعني ما في داعي ترمون الهم كله على المرأة كونوا حقانين شوية
:rolleyes: :confused: :confused: