المهم جانا انا وزوجتي عرض من شركة منهم وعرضوا علينا نسافر البحرين ونقعد ليلة مجانا في فندق الخليج مع عشاء وتذاكر لمنتجع الدلافين المهم رحنا وسووا لنا اجتماع مع مدعوون اخرين يمكن كنا ست عوائل عيلة يمكن سورية وعيلتي والبقية من السعودية العرض كان بصراحة رهيب والفنادق اللي مشاركة معاهم هي تعتبر ارقى الفنادق والمنتجعات في العالم بس كانت الصدمة في الفلوس
المطلوب انك تشترك معاهم لمدة 15 سنة بمبلغ 80000 درهم اذا ارت الخيار الاول وهو امكانية استخدام المنتجع في اي وقت تريده اضافة لذلك عليك ان تدفع رسوم سنوية طيلة مدة الاشتراك للصيانة والحراسة وبعدين قاموا وسووا حركة وخلوا الاشتراك لمدة 30 سنة وبنفس المبلغ بس في عيلتين بس لا يفوزون بهذا العرض وراح يسوون مزاد اخوانا السوريين ريحوا نفسهم وطلعوا وبقيت انا والسعوديين وشرطو علينا ان اللي بيفوز بالعرض لازم يدفع المبلغ الحين بشيك او فيزا المهم الدفع فوري المهم السعودي اللي وراي قام واشترك على طول (زوجتي تحلفلي انها شافت شيلة زوجته مقطعة وهو دفع 80000 في دقيقة) الحين بقت عيلة وحدة المهم التموا علينا انا وزوجتي طبعا اتفقنا انا ما نشترك وطلعنا من عندهم
شو ريكم مب نصب في نصب يعني تدفع مقدم وحجتهم انك بتتخلص من التضخم وبعدين تدفع رسوم الصيانة والحراسة
وقبل فترة حصلنا ناس ايسوون دعاية للماريوت ويعطونك ليلتين مجانا اذا اشتركت معاهم بس المشكلة انك حتى تستفيد من العرض لازم تسافر مصر او لبنان والماريوت اللي عندنا مب في العرض
المهم استانسا في البحرين بس عشان الشويطر فاتتنا الطيارة بس هذي سالفة ثانية يمكن اقولها بعدين
وسلامتكم