الصراحه عجبني المنتدى اول شئ بس الحين اشوف
السالفه حيص بيص للاسف
فيه اعضاء تثبت مواضيعهم دائما ( وتقدرون تعرفون منهم بسهولة )
واعضاء مساكين يكتبون مواضيع زينة بس بدون حد يثبت مواضيعهم
وهاذيلاك الاعضاء اللي تثبت مواضيعهم دائما
شو عندهم واسطه ولا شو
اذا حل الظلم في دار يرحل منها ملك الاشباح
ياله بنودعكم بندور منتدى ثاني ………..:mad: 😡
لأ يا أخوي يمكن انت تحس بهالشعور
بس خل فبالك ان الاعضاء مبينهم هالسوالف
خلاف التثبيت فأيد المشرف مب الأعضاء
وتقدر تناقش هالسوالف ويا المشرف
بعدين كانك ناوي تودر وداعة الله شيخي ويا ألف سلامه
وربي يحفظك
وان كنت ناوي اتمي
يامرحبابك شيخي
وان ماشلك المنتدى بتشلك طيبتنا 😉
وبعدين نحنا في منتدانا ماشي شي اسمه تفرقه … ولا واسطه ولا هم يحزنون …
الله يحفظك يا اخوي بس فكر قبل ..:rolleyes:
ما اعتقد اخوي ان هناك واسطه او شيء من هالكلام هذا
وما اعتقد ان المشرفين يفرقون بين عضو واخر صدقني
اتمنى اخوي انك تغير رايك وتستمر ويانا صدقني ما بتندم
السالفه واضحه وانتوا رواحكم تلاحظون هل الشئ
الاعضاء اللي تثبت مواضيعهم معروفين ودايما مواضيعهم فوق
وانا صارلي شهر في المنتدى وبعض الاعضاء الصراحه مظلومين
من شغلة الواسطه في التثبيت
وخصوصا……………. دنيا الوله تكتب مواضيع حلوه
بس ما حد يثبت موضوعها
وعضو كل يومين له موضوع مثبت
😡
يمكن اول مره ارد على موضوع لك
مع انى من المتابعين لما تكتب
سالفه التثبيت فعلا تسبب لنا بعض الاحراج
انا لا استطيع ان اقرا كل المواضيع
احيانا اقرا موضوع معين احس انه فيه اهميه و فائده عامه
فاقوم بتثبيته
و قد يكون هناك موضوع اخر احسن منه و لكن لضيق الوقت لم اقراه
لانى لا اتمكن من قراءه جميع المواضيع
المهم
احيانا يراسلنى بعض الاخوه بشان تثبيت موضوع معين
فان وجدت فيه فائده عامه ………اثبته
و لا تنسى ان الموضوع الجيد يفرض نفسه
دون حاجه للتثبيت او غيره
الامر لا فيه واسطه و لا شى
و احاول ان اكون عادلا فى موضوع التثبيت
فان قصرت فسامحونى
انا مثلكم و ميزانى قد يخطأ احيانا
و شكرا لك لاتساع صدرك
الغالي لا واسطة ولا شي … حاول واعصر مخك وطلع موضوع 100% من مجهودك وشوف …
بيتثبت والا لأ ….
[/c]