حبيت اخبركم عن قصة صارت معاي
أنا أعشق تربيةالطيور مثل العصافير والحمام وغيرها
المهم رحت السوق واشتريت طيور السمان ورجعت البيت وسويت لهن
قفص كبير كبير من الاسلاك بصراحة تعبت تعبت بشكل كبير في بناءه ..وبديت اهتم بهن وطبعا اتعودن علي وصارن مايهربن مني ..وبعد فترة ظليت افتح باب القفص واطلعهن يتمشن في مكان واسع وطبعا طيوري تعودن على هذا الشي وتركتهن في حريتهن ..بس كانن يرجعن وقت المغرب لقفصهن وطبعا هذا الشي فرحني..وفي مرة وانا اتمشى حصلت عصافير صغيرة في الارض واخذتهن وربيتهن ونفس السالفة خليتهن يتعودن علي وضميتهن لطيوري الاولانية..في واحد
من اخواني الصغار شاف حبي للطيور وراح واشترالي نوع من الطيور
البا**تانية وكان فيهن جمال بشكل غريب وبالتأكيد هذا الشي فرحني وايد وضفتهن لمجموعة الطيور اللي عندي..كنت استانس وايد يوم افتح عنهن القفص واشوفهن يمشن وراي واستانس اكثر يوم احطي الاكل في ايدي وياكلن منه.وطيوري يوم يشوفني يصدرن اصوات حلوة مثل الترحيب فيني…بعد هذا كله تخيلوا شو صار..صار شي كان بمثابة مأساااااه كبيرة لي.
كنت صاحية الساعة 5 الفجر علشان اصلي ..وطبعا كان ايام مدرسة وكنت في صف ثاني ثانوي.المهم ياني اخوي وقال لي تعالي اريدج تشوفين شي…قلت له مب الحين بعدين..واصر علي ورحت معاه تخيلوا
الشي اللي شفته …طيوري كلها مأكولة..ومنو كلها ..قطط ****ة
كرهتها من اعماق قلبي مع اني احب القطط..وشو كانت ردة فعلي يوم شفت طيوري..بكيت وبكيت بشكل غريب ومرضت واصابتني حمى قوية ..حتى هلي استغربوا من ردة فعلي..بس انا ماتغاضيت عن هذا الشي..بالع** بدت رحلة الانتقام عندي وصرت شريرة كبيرة…أخذت البندقية من عند ابويه ودورت على القطط اللي اكلن طيوري وقتلتهن انا واخوي وعمي وانتقمت لطيوري الحبيبات….يمكن كنت شريرة في هذا الشي بس ماارتحت الا يوم انتقمت منهن…
عاد لاتكرهوني علشان سويت هذا الشي…بس طيوري كانن عزيزات وايد علي.
مع محبتي:
وجه الطفولة
فإنه لايرجع من نحب..
بل يخلف الكثير من الرغبة بالانتقام المتجدد..
قولي حسبي الله ونعم الوكيل..
وإدعي الله يعوضك بما هو خير..
قصتك …. لاتفرق عن كثير من القصص …
بإختلاف الأشخاص وما فقدوا…وطريقة الانتقام…
أعانك الله ..
أختك أم عبدالرحمن.