شحالكم ان شاء الله كلكم بصحه وعافيه
المهم بدخل في الموضوع
أنتوا شوفو شو استوابي واحكموا 😮
الله يسلمكم كنت من يومين تقريبا مريضه كان في حمى وكحه وشويه زجام المهم سرت المستشفى طبعا مستشفى حكوميه وقبل لأسير كانت حالتي أحسن يعني ما كنت وايد تعبانه وقبل لأسير المستفى الوالده قالتلي سيري عياده خاصه أحسلج بس أنا قلت لا عادي كل واحد ما تفرق…. :rolleyes:
المهم سرت المستشفى ودخلت عند الدكتوره وتمت تتفلسف علي ويوم يايه تكتب لي الوصفه "الدواء" قالتلي شو رايج في هالدواي يناسبج ولا لا تخيلوا تسألني انا عن الدواء وهي شو خانتها أنا تميت مستغربه وما عرفت شو أرد عليها بس قلت بيني وبين نفسي ما أحيدني دارسه طب ولا الصيدله عسب تسألني المهم سرت عند الصيدلي وعطيته الورقه عسب يعطيني الدواء فقالي الصيدلي اسمحيلي أختي شي دواء من الادويه ما عندنا سيري أنتي واشتريه من الصيدليه قلت له اوكي…
المهم رديت البيت وخذت الدواء وياليتني ما خذته تخيلوا زاد علي المرض وما قدرت أرقد …سرت يوم الثاني عياده خاصه والله اني من خذت الدواء من عندهم والله ما كملت ساعه حسيت عمري بخير
طبعا الشفاء من الله سبحانه وتعالى اول شي وثاني شي من العياده الخاصه الصراحه لأنها وفرت لي الدواء والخدمه المريحه
يعني الصراحه أنا أريد أعرف ليش المستشفيات الحكوميه ما توفر للمواطنين الادويه والخدمات الكامله شو يعني مب مهمين عندهم ولا شو السالفه..!!
وعلى فكره مب أول مره تستوي معاي هالسوالف ومب معاي أنا بس أعرف واااايدين يمرون في هالمواقف بس شو بنقول؟؟؟
والسموحه
هلا والحمد لله علي السلامة فالك العافية ان شاء الله
سراحة هذا حتي عندنا ياللاسف انك تروح المستشفي الحكومي
واذاكشف عليك الدكتوراحمد ربك يمكن احيان يسالك وحتي
و هو يسألك يسألك بعصبة ويكتب الدواء
مايبغي يتعب نفسه وتيكشف عليك
ويمكن احيان تدخل علي الطبيب تجلس عنه ساعة وهو يكلم بالتلفون
وهذا كله عدم مراقب الله والخلاص في العمل
وعدم الاحساس بالمسؤوليه تجاه الاخرين
اما بالنسبة للسؤال
يعني الصراحه أنا أريد أعرف ليش المستشفيات الحكوميه ما توفر للمواطنين الادويه والخدمات
الكامله شو يعني مب مهمين عندهم ولا شو السالفه..!!
حتي انا نفسي اعرف الاجابة وهذا السؤال يدورفي باللي دائماً
ومشكورة الشبابية علي الموضوع وفعلا وموضوع مهم
ويحتاج الي نقاش وياليت يثبتون الموضوع حتي يناقش من جميع النواحي
وتسلمين علي الموضوع
مثل ماقلتي اختي هذه المستشفيات الحكوميه وهذه بلاويها
يعني اي شيء بالمجان مايكون شغله عدل لازم تدفع عسب توصل للي تبغيه
على العموم سلامات اختي ملكه الجوارح والسموحه على القصور
الله يسلمك اخوي
صدقك اخوي هذا ناتج من عدم المراقبه وعدم الاحساس بالمسؤليه يمكن
المفروض الواحد يخلص في عمله لو شو كان
تسلم اخوي على تفاعلك
كلاسيكي
الله يسلمك اخوي والشر ماييك
ومثل ما قلت شغل المجان ما منه فايده لازم تدفع بس هذا واجبهم ويتحاسبون عليه
تسلم اخوي ع التواصل
حبيبتي هالايام اخذي شعار ..ادفع اكثر بتحصل على راحه افضل:D
والمستشفيات الحكوميه ..ما يشوفون البيزات الا اخر الشهر ..بس الخاصه كل شخص ايي يعالج عندهم ..اتكون البيزات في ايده ..صح ولا لا..
وهالشي يجبرهم يعاملون المريض معامله حلوه وتريحه ..
وسلامتكم
انتي بروحج قلتي مستشفى حكومي يعني ما في لا راح ولا صحه مثل الناس
عيل أنتي لو يتي المستشفى اللي عندنا اشكبرها وما في غير دكتور واحد وحق كل الحالات ولا والوصفه يا ادول يا بندول
الصراحه لين أمراض تذبحيني ما اروح المستشفى بدل لا يعالجوني يزيدون المرض
بالنسبه لموضوع المستشفيات الحكوميه فهو اكيد مثل ماقلتي
بس تدرين انه صارلي موقف خوّفني زياده من المستشفيات
يمكن مب مثل اللي صار لج بس اهو بعد سالفه……..
مره صرت مريضه وكنت رايحه المستشفى الحكومي طبعا
ودخلت على الدكتوره والله يسلمج اول مادخلت راحت صرخت عليّ
ليش مادري المهم الحين يوم يت بتكشف قامت اتصارخ وحالتها حاله اللي يقول هي المريضه مب انا ….
واخر شي كتبتلي بندول والله لو هي قالتلي اخذي بندول كنت باخذه من البيت مابتعّب روحي وبروح المستشفى…..
والله حاله:o 😮
الله يسلمج عزيزتي
تصدقين حلو الشعار من وين طلعتيه
يا سلام يعني هم بيسون الشي عسب البيزات وبعدين هاي شغلتهم ويتحاسبون عليه
صدى الأحزان
الله يسلمج عزيزتي الشر ما ييج
صدقج والله ما عندهم غير الادول….بس ما قلتيلنا أي مستشفى 😉
تسلمين عزيزتي ع التواصل
الله يسلمج عزيزتي والشر ما ييج
صدقج والله 😉
تسلمين عزيزتي ع التواصل
قلب دبي
الله يسلمج عزيزتي
وحليلج عيل أنا أهون عنج بواااايد :rolleyes:
وسالفة البندول هاي وايد تستوي عندنا لو ندري جي سالفه اساسا ما سرنا المستفى في البيت عندنا كراتين بندول :rolleyes: 😀
تسلمين عزيزتي ع التواصل
بس الصحه انتي تراجعين فيها هههههه 😉
بنسبه للمستشفيات هذا من زمان جذي هم وعلى فكره انا
اشتغل في مستشفاء نسوي نفس جذي
والدكتور بعد يكتب الوصفه قبل لا يجيه المريض عاد كلهم نفس المرض يعالجون يعني مافيه شي جديد تدرين ليش علشان نخلص المرضي الى عندنا علشان نطلع من الدوام بدري عرفتي الحين 0
وهذا شي طبيعي يعني اما المستشفيات الخاصه غير
كل شي بفلوس اوكي يعاملونج احسن معامله من المستشفيات الجكوميه
وانتي المرض ماجاج إلى من …………………؟ يعني موغريبه او يمكن طقتج عين جايتج من اناس لان انتي حلوووووه>>>> الحين تصدق نفسها البنت عاد
المهم اختي إن شاءالله ماتشوفين شر
اخوووووووج لعيونها
مع الف سلامه
باي
😉
ممكن اعلق ؟
سياسة دولنا رشيدة ودوم سديدة وفي محلها
تخيلي دول مثل دولنا خليجية وافدينها اكثر من مواطنيها يعني جميع مانحتاجة وتوفرة الحكومة نصيب الاسد للوافدين ولما ماتهتم حكوماتنا مالومها وبهالتفكير اشكر الحكومات وتفكيرها السديد والمواطن سهل علية يدفع ويعالج
مجرد راي شخصي !