ماعرف كيف أبتدي الموضوع بس صدق انا منصدمة >>I’ll get a heart attack
!!!!!
يمكن هالشي عادي عندكم لأن وايد تسمعون عن هالأشياء بس أنا لااااااااااا
السالفة ومافيها ان من زماااااااااااااااااان يمكن من سنتين كانوا مطرشيلي دعوة للاشتراك في موقع المهم انا المسكينة سجلت فيه وخلاص خلصت السالفة وبس كنت اول ما اشتركت اشوف ناس يطرشولي دعوة للاشتراك في قروباتهم بس كنت ارفض دايما وفي مرة من المرات جاسني فضول استكشف الموقع بس ماحصلت فيه شي يعني شفت يعني اشخاص مثلا كاتبين عن عمارهم مثل هواياتهم و***بيط وبس لكن اليوم
كنت فاضية قلت يلا خل اشوف الموقع ، المهم دخلت وتجولت في اركانه اكتشفت اني ممكن اطرش ايميلات حق هلاشخاص من خلال هالموقع لأن اصلا عندي account
المهم قلت معقولة الموقع بهالسخافة أكيد في شي يعني مب معقولة يكون الموقع بس جذه ويارييييييييتني ما اتعمقت في اركان الموقع ماعرف وين دخلت وكيف دخلت المهم اكتشفت ان في page فيها تقسيمات الجروبات يعني حسب الدول وحسب الاهتمامات في يلست ادور جروبات عن الامارات كنت ابي اعرف هل هو جات ولا شو ؟
دخلت جروب عن الامارات بس كله profiles لأجانب يعني مثلا صورة شخص و معلومات عنه يعني مب جات وشفت صور فضيعة على طول طلعت ويلست ادور عن جروب ثاني وحصلته وهني كانت الصدمة
شفت صور لبنات مواطنات حاطات صورهن وعن الشباب حدث ولا حرج اشكره ويوهم واضحه اللي مبتسم واللي ماعرف شو مسوي بعمره وأنا طول الوقت مبطلة حلجي
وكل ماشوف صورة يديدة تصدمني أكثر من اللي قبلها Oh my god, I can’t belive it
المهم بعدين شفت صور فضيعة جدا استغفر الله يارب اغفرلي فعلى طول طلعت شو هالمصخرة وين نحن ؟
يعني مجاهرة صريحة بالمعصية ،، الشباب ووقلنا يلا مايهمهم شي يعني عادي الناس يشوفون صورهم بس الله يهديهم صدق تفاهة
عاد هالشي يطلع من بنات لا مب مقبولة موليه لا واللي مصورة طرف ويها واللي متصورة وياربيعتها انزين وبعدين…؟ شو استوى يعني ،، وشو عاد هو اصلا
يعني معقولة الناس فاضية لهدرجة انا المنتدى ويالله يالله ايلس عليه من كثر الالتزامات اللي عليه من دراسه وغيرها كيف بهالاشياء واحس ان الوقت يركض بسرعة اقول بجيك الايميل في ربع ساعه لكن اخلص عقب ساعة الا ربع
ماعرف الصراحة شو اقول واترك التعليق لكم
لاتنسوني من صالح دعائكم
سبحانك اللهم وبحمدك أشهد أن لا إله إلا أنت استغفرك وأتوب إليك
نصيحة من اخو لا تدشي الجروبات وطقتها
صحيح شي جروبات مفيدة ووممتعة, بس الاغلب والاكثر هي الفاسدة
ولعلمج اللي شفتيه شي يسير , وربج العالم بالباجي ؛)
المهم
وللأسف هذي المواقع وااايد كثرت لدرجة كبيرة , وكل همها تعارف الجنسين
وعاد الشباب والبنات مب مقصرين , كل واحد يستعرض بعمره يدام الثاني
والله يهدييهم وليت الاتصالات تحظر مواقع التعارف وطقتها
وحياج اختي الصغيرونة " مصر 😀 " في المنتدى ومشكورة على موضوعج
وعساكم ع القوة
في هالزمن توقعي كل شي يصير
وما نقدر نقول غير الله يهدينا ويهديهم ويستر على جميع المسلمين
الصراحه تراني ميييح في الانجليزي ما عرفت اقرا اسمج ؟؟ خخخ
تسلمين الغلا على المعلومات صج والله أفديتيني ومشكوره على الطرح ^_^
إذا ما شي دين ولا تربية ولا حياء ،،
فما المتوقع !!!!
الله يهدي الجميع …
صراحه لاتعليق …
الله يبعدنا عن هالأماكن
شكرا لمرورج الغالية
الصريح جدا
شكرا اخويه لنصيحتك اصلن انا ماعندي وقت حق الجروبات و***بيطهم
وحياك الله في موضوعي ، سعيدة بمرورك الطيب
صدى الأحزان
صدقج والله في هالزمن كل شي جايز
اسمي ينقرى جذه " دي زايرس" يلا راويني شطارتج وطلعي معناها من الدكشنري
بعدين ما أصدق انج ميح في الانجليزي بس يمكن ضعيفة وهالشي يتصلح
ظل القمر
ثان** سيس لمرورج ، وزين يوم سويتيله دليت بس السايت اللي دخلته مافيه صفحه سودة المهم اكيد نفس فكرة السايت اللي دخلته
الحنين
تسلمين لمرورج الطيب وكما قيل : إذا لم تستحِ فافعل ما شئت
(إِنَّ اللَّهَ لَا يَنْظُرُ إِلَى صُوَرِكُمْ وَأَمْوَالِكُمْ ، وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ)
وهو نص صريح أن إصلاح القلوب وإصلاح الأعمال كلاهما مقصود ، يؤمر به الإنسان ،
فلا يجوز لمسلم أن يقصر في الأعمال أو يرتكب المحرمات ، ثم يقول :
إن الله ينظر إلى القلوب ، بل ينظر إلى القلوب والأعمال ، ويحاسب على ما في القلوب والأعمال .
والله أعلم .
بروحج قلتيها …ما عندي وقت وهم الع** فها اللي مخلنهم يدشون هالمواقع ويشتركون فيها لانهم فاضيين وما عندهم شي يشغلهم وغير جي محد ينبهم ويحضرهم ان هالموضوع غلط واكيد البيئة اللي هم فيها على نفس الموال !!!! 
نسأل الله لهم الهداية والغفران ويا عيني على الانجليش 
المرعب والاجر على الله
هلااا دي رايزس <<<ما شاء الله علي شاطره
كتبت اسمج بالوافي طلع لي الرغبااات ؟؟؟؟؟
اول مره..اسمع عن هالسوالف..جني مب عايشه في الدنيا..
بس احسن.عشان ما اخذ ذنوب..