اما بعد……
بقولكم شي استوالي اليوم والبارحة وما عرفت شو اسوي؟
البارحة في واحد اتصلبي وصوته نفس صوت ولد خالتي مع اني ما اتكلم مع اولاد خالتي
فقال السلام عليكم ورديت السلام قال شحالج؟ فقلت الحمد لله بعدين اسخف قال شخبارج؟ فما رديت عليه
قلت منو ويايه؟
فتم يتكلم وانا ما ارد عليه فقال مب انتي اللي كنتي البارحة في النت؟
قلت هذا اكييد واحد من الشباب التافهين اللي ما عندهم شغلة ولا مشغلة سكرت الموبايل على وييهه
اليوم الساعة تسع ونفس وقت البارحة اتصل قال السلام عليج!! قلت منو قال السلام عليجّّ قلت عليكم السلام قال جيف حالج سكرت في وييهه……..
حرام قولولي شو اسوي انا الحمد لله مب بنت من هالسوالف والحمد لله خايفه ربي من هذا السخيف اخاف باجر بعد يتصل بس ما عليه ما برد بس قولولي شو اسوي؟؟؟؟؟
وهذا دايما يصير يتصلون ويقولون تلفون فلان نقول لا وإذا سمع صوت البنت رد أتصل ( بعضهم وفي بعض البنات والع**)
عطي أخوج يرد عليهم
والله الموفق
وزين يوم سويتي وهذا يدل على صلاحك إن شاء الله
أنا رأي مثل نجمه وهو تعطي أحد أخوانك وهو بيخاف ولكن هنيه مشكلة يمكن تريدي تكحليها فتعميها وهو أن أخوانك يمكن يروح تفكيرهم بعيد وربما هذا الشاب يقول انت اتصلت فيه أو شيء من هذا وينقلب الوضع عليه..
لهذا لا تستعجلي..إذا شفتي نفس الرقم لا تردي وكوني قوية..وديري بالك تردي تراه مجازفه..وإذا اتصل من مكان ثاني..حاولي تقولي له انت ما تخاف الله..اتق الله..هذا ما يجوز لك..ولكن يمكن يخلي نفسه انه بيتغير عشان يسولف معك..لهذا كوني حذرة اختي..
تراه الذئاب لها طرق ولهم خبره وكوني اكثر حكمة..
يعني العلاج الأول انك ما تردي عليه
والله يحفظك
بعض التيلفونات تقدرين اتسوين حظر للارقام اللي ما تبينها وهذا حل اذا عندج هالخدمة او انج اتحولين تيلفونج على حد من اهلج تثقين فيه وصدقيني من بيرد عليه ما راح يتصل مرة ثانية
وخذيها درس لا تردين ابدا على رقم غريب وخاصة اذا كان موبايل
ديري بالج على نفسج
يصيرلي نفس الموقف دايما
بس ما أرد وأخلي السماعة على الهولد
لأني إذا سكرت في ويهه بيرد مر ثانية
جربي هذي الحركة تراها تخليهم ما يردون يتصلون
كما قال الاخوة والاخوات
.إذا شفتي نفس الرقم لا تردي وكوني قوية
كان التلفون بدون كاشف
لكن الموبايل مقدور عليه
او قولي لأخوج عسب يخاف
فأمان الله
أول شي مبروووووك عليكم الشهر
ثاني شي انرد لموضوعنا …… أنا ما عندي أخو كبير أكبر ولد صف ثاني إبتدائي …… وأصلا أنا ه**ته وألحين هو ما يتصل…….. يزاكم الله خييييييييييييييير ……………انحلت المشكلة ألحين الحمد لله ما يتصل بفضل الله وفظلكم أخواني……………..
إذا اتصل مرة ثانية بسوي تجاربكم العجييييييييبة
كيووووووووووووت
المرة الياية خلي الوالد يرد عليه …
طريقة مضمونة … و محد بيخاف عليج أكثر عن أبوج …
خليه يعطي التافه محاضرة و بعدها بيصطلب و بيستوي ريال و ما بيتصل مرة ثانية …
كيوووووووو