"الكمبيوتر لا ينفع الإنسان، لأنه يحسب بدلاً عنه!!!"
أعتقد انه مب قليلين منّا بيوقفون جدام هذا الكلام محتارين ومب قادرين يفهمون منه شي وكأنهم واقفين يبققون عيونهم جدام لوحات هذا الرسام اللي صعب أنك تفهم منها أي شي
بس المتمعن في كلام هذا الفنان ممكن يوصل لمعنى رائع حبيت أني أشارككم فيه
بيكاسو قصده يقول أن طالما الكمبيوتر يحسب عنا ونحنا ناخذ النتائج منه بارد مبرد وبالضغط وبشكل ميكانيكي على شوية أزرار فنحنا مب قادرين نستفيد منه استفاده حقيقية!!!!
الاستفادة الحقيقية هيه الاستفادة المعنوية، يعني انك تستفيد فكريا وشعوريا من الشي، يعني أن تحصل على النتيجة بكد وجهد ذهني ومعاناة نفسية، لأن هذا الكد وتلك المعاناة هيه اللي تبني فينا شي، وسبحان من خلا الهدم (اللي هوه التعب والكد والمعاناة) يبني الخبرة المعتبرة واللي يمكن التعويل عليها، وطبعا الاستفادة اللي مب حقيقية هي اللي ما يكون فيها كد وتعب واللي وبصريح العبارة ما تبني خبرة ولا تساعد على تنمية مهارة
هاذي كانت خواطري في الموضوع وما حبيت أطول عليكم، وياريت لو تضيفون إليها من اللي عندكم عشان نستفيد منها
من قريت العنوان قلت اكيد الرمسه عن البوكيمون وصاحبنا بيكاسو
الا السالفه طلعت رسم ولوحات وكمبيوترات وقصه واستوري :/
مشكورين على المداخلة الطيبة، ما الومك على على استغلال فرصة البحث عن المعلومات بيني وبينك انا بعد استغلها ككككككككك، الانترنت الله الشاهد مب مقصر ويانا في هالشي، بس تراه كله ياي على حساب هضمنا واستيع***ا للمعلومات اللي يالس يوفرها لنا بدون ما نتعب.
بطرس
هلا وغلا، بس اسمحلي يا الطيب ترى ردك ما كان في صلب الموضوع، يعني انا يبت سالفة صعوبة فهم لوحات بيكاسو على الهامش، بس شكلك ما ترضى أي كلام على بيكاسو، واللوحة اللي حطيتها طبعا مفهومة ومعبرة، بس انا عاد يايبلك شوية لوحات مرسومة بنفس الفنان وابغي منك تشرحها لنا عشان صدق مب فاهمين منها أي شي، هاي هيه اللوحات:
وممكن هاي بعد، لأني صدق مب قادر افهم منها شي:
سوري على الازعاج، وباذن الله بغير فكرتي يوم بتشرحلي هاللوحات شرح اقدر افهمه
اشك انها لوحات فنيه
هااي خرابيط يهال :/
اشك انها لوحات فنيه
هااي ***بيط يهال :/
أول شي يا اخي انا اللي اعرفه ان هاللوحات لوحات بيكاسو، وبما انك انت اللي تعارض هالشي فارجو انك تعطينا مرجع يثبت كلامك أنها حق ما ادري منوه
ثاني شي اسمحلي عاد، التلقائية والفن المندثر عمرهم ما كانوا يعالجون كوكبة النفس المستفزة بمشاعر البغي النوعي، وهذا اللي قاله دالتون، الحين اذا انته عاد كنت من انصار مودي الرسام الايطالي اليهودي المشهور وبتاخذ بكلامه فهذا شأنك، بس تبقى الحقيقة ان الوعي واللاوعي والنوع في الأصل والأصل في النوع والفكرة من غير مفهوم تبعي مشتق منها تبقى هي الركيزة المسيطرة على الفن السوريالي والتكعيبي المتأخر (يعني من بعد الثلاثينات)
وتقول إن رسم السوريالية هي نصف استعادة للذاكرة ونصف حلم مع حرية تامة في الصورة التلقائية، طيب ايش رايك في اللي يقول بع** ذلك تماما وبان النصف عمره ما كان يعطي صورة كاملة للحقيقة التلقائية اذا كانت بتقصد لذات غيرها من دون تشويش مبتكر أو تسلط بالضوء على عنفوان الحركة المشهدية اللي ابدع فيها ايما ابداع اسطفان تاوني ؟؟؟
انتظر اجابتك
المسكينة ريما
سوري على الصدعة بس تراه كلام فني راقي جدا وارجو انك تستفيدين منه مثل ما نحنا مستفيدين
المشاركة الأصلية كتبت بواسطة ناصررر انا هب مسكينه :/
سوري على الصدعة
لا عادي وتعال كل يوم
بس تراه كلام فني راقي جدا
لا راقي ولا غيره ،،
مالنا حايه فيه
وارجو انك تستفيدين منه مثل ما نحنا مستفيدين
مادري شو الفايده اللي بحصلها من
(( كوكبة النفس المستفزة بمشاعر البغي النوعي)) 🙁
خلينا الفن لأصحابه