الشيبه: قلبي شباب و لازم اعرس *** مابا العيوز اللي اتوسد على الباب *** الخير وايد وانا ماني مفلس *** عندي فلوس تدعم البنك في حساب
العيوز: ما باقي منك غير خشمك و هالضرس ***تبغي تعرس و انته غادي شرى الغراب *** قابل صلاتك الله يشفيك من المس *** والا ترى باطب ويهك بالتراب
الشيبه: انتي عيوز و اكلك الروب و الخس *** اما انا ماكل سوى تكه وكباب *** ما فيني سكر غير ضغطي نازل وبس *** دام الهوى فيني ترى كل شي طاب
العيوز: لا بارك الله فيك يالشيبه يالنحس *** ما تيبك الرمسه و لا اييبك عتاب *** قصر لي صوتك ما با اسمع ولا حس *** عطني طلاقي وانقلع و اقبض الباب
الشيبه: دومك نحيسه وذا لسانج يبا قص *** ربي ترى حلل لي اربع بالكتاب *** هذا خميس الاعمى يا كم عرس؟ *** مرتاح في الدنيابلا هم واعصاب
العيوز: بطران وراسك كالصخر يابس وعص *** ما لوم طبعك يوم ربعك هالكلاب *** غادي شرى الاريل…ودومك اتحيس ***استح على ويهك… اصلع ولعاب
الشيبه: فكيني من ويهج ترى مالي اي نفس *** زهقان من شوفج و ابغي لي احباب ***هذا طلاقج طالقه اربع وخمس *** شلي طلاقج من ضميري بلا حساب
العيوز: مشكور يالشيبه ومن دون اي دس! *** عندي حبيب ما ابتعد لحظه وغاب *** يشريك ويبيعك تراه بثمن بخس *** ما تسوى ظفره.. حلو اسمر وجذاب
الشيبه: يالله قبل لا اموت منج واغتص *** طلعتي لي قرن وراسي بعد شاب *** يا شينه البرقع ترى قدرج اختس *** عيوز ولك في الدنيا خلان واحباب
العيوز: مثلك تراني وهذا لي في العمر درس *** لاني اميز بين شيبه وشياب *** والا نسيت اني على الموضه البس *** ما علموك اني بلا شيله وحجاب
وسمحوليه اذا طولت عليكم
وان شاء الله تعيبكم
اختكم:
الوحداويه #G#
<FONT FACE="Monotype Corsiva" SIZE="5"><FONT COLOR="#00000">
هههههههههههههههههههههههههه
.. مشكوره …
</center>
😀 😀 😀 😀
على ما ظن اني قارتنها في شعر وفن الاصدار مال الشعر في جريدة الاتحاد كل اربعا لو انا هب غلطانه 😉
مب جنه هاي السنافيه العيوز ؟؟ 😀 😀
يسلمووووووووو اختي….
اقول حبيب البي…جنه جي…:D 😉
والقصيدة للشاعر :سيف الظاهري صدق اتحفنا بها وااااايد عيبتني والله .
وزين اختيه انج نقلتيها هنيه عشان يشوفونها اخوانا الى في المنتدى.
مشورة اختيه
والسموحة ..
صح انيه ناقله القصيده من شعر وفن
nice wallla
مشششكوره على هذي القصيده 😀