يوم الأثنين كنت في الكاريييييير فير في معرض المطار (معرض الوظائف)…
عافانا الله،، حركات البنات لاحقتنا حتى في اليوم المخصص للطلاب،،،
مجموعة من البنات في كلية من الكليات اللي الله يستر عليها، طرشتها
الكلية للترويج عن بعض التخصصات،، وليس بعض التسريحات والأرواج
أو بعض الابتسامات.. في هذه الحالة يجب على الطالب السؤال عن التخصص
اللي يفكر فيه وتحديد هذا التخصص أو العمل.. المهم،، ولكن بدينا نشوف
البنت هي اللي تسأل،، انت من أي كلية؟ شو تخصصك؟ نحن مديرنا وايد
شديد بس أنا سامعه إن مديركم وايد زين،، موبايلك حلو، كيف استخدامه
أنا بغيت آخذلي واحد بس اخوي ما مدحه… شو هاي الأسئلة، أنا تحريتها
اختي ((يعني تعرفني من مليون سنة))،، والله حتى اختي
ما تسألني هالأسئلة… تكلمنا عن أسئلتها، والحين يينا حق عبايتها
بكل معنى الكلمة عباية ((ستريتش)) راصة لدرجة أن لو يلست عالكرسي
بتنطر العباه،، عافانا الله الجسم كيف مستوي،، لا هي عايبتنها السالفة،، تتحرى
عمرها حلوة (هاهاها).. يا زين الحلاة يوم محد يشوفج غير رَيلتش
محد بيكون شايفنج غيره هو،، يا حظك يا رَيل هاي المحترمه.. وِيَا ريلتش
لا تلبسين هاي العباة، تفصخي بعد،،،، تكلمنا عن هالعباه،، بس ما
تكلمنا عن البلاوي اللي تحت العباه،، أنا والله استحي أقول شو اللي شفته
في الكاريييير فييير،، شفت أشياء ما تنشاف،، لابسه شيله وعباة والجزء
اللي فوق ظاهر من جسمها ((يتهوووى)) برع… الله يعطيج عقل..
أشوف مرات العباه مغطيه، بس يوم الوحده تمشي ((يا سلام)) لابسه
جينز أخوها ولا مرات يمكن جينز الدريول،، أنا في رايي ما فيها شي
لو الوحده اتجنزت،، بس هذا حق راحتها وحركتها، لها ولربيعاتها ولخواتها
مب حق المدرسين والشباب الصيع نفس أم الجينز.. إلبسي الجينز بس
خششيييه عدل تحت عباتج (( المب شفافه ))…… مره كنت رايح
مركز ناسي اسمه في شارع زايد عنده فرايديز ومكدونالدز،، المهم وأنا كنت
اتمشى ويا واحد من الربع،،، شميت ريحة عطر إتينن،، قلت خلي أشوف يمكن
فتحوا محل عطورات يديد يمكن أجمل أو عبدالصمد القرشي،،، بس المشكلة إني
ماشفت هذا المحل،،،، شفت محل يتمشى ويتحرك!!! وحده حاطه محلات
على جسمها وثيابها وموبايلها ويمكن مدخنه شعره شعره ف جسمها بعد…
ماعلي شمينا هالريحه بس مر واحد ما اعرفه كان يقول:: "سعيد سعيد تذكر
هاي اللي شفناها ويا حمد الساعة 2 في الليل" أنا بقولكم إني متأكد إن الأخ
غلطان،، بس هو استغل هاي الريحة وطريقة الشيلة وحتى الجزء اللي ظاهر من
بطنها ((شوهوا سمعتها)) ويمكن هي بريئة…………… أنا الحين يالس
أكتب هاي الرمسة وأنا أشوف البلاوي اللي على بحر الممزر،، الساعة 10:20 مساءً،،، أنا بس بقولكم شو اللي يالس أشوفه،، بنتين يتمشن والعباه مرفوعه
فوق الوروج ((رافعتنها بيدها))، ولابسه شيله بيضه بعد (عشان تكون مميزة)
يمكن،، أوكي… إنتي تتريضين،، ليش حاطة روج وآي لاينر وشادو ومسكره
والله يعلم شو بعد،، أنا قلت في العدد السابق،، حطي نقطة ميك أب، ما قلت
اصبغي ويهج كامل،، بعد 5 دقايق يمكن تعرقين واتصننين وكل الصبغ هذا بيخترب، والفضايح بتظهر للخلق،، ((محد بيغازلج)) بعدين… فخفي شوي على ويهج… ((أنا لازم أفتح صفحة ميك أب في المزهر.كوم))… مرت
الاخت ام البنطلون الأسود……… صديت بعدين صوب اليسار،، كان
في ملعب يالسين فيه شباب يدقون ويغننون،،، وكان في جروبgroup بنات ياي صوب الأولاد،،، قلت يمكن هالبنات متجهات عالبحر،،، بس بعد لحظات أشوف هذا الجروب وقف عند الأولاد،،،، بين البنات والأولاد يمكن فقط
3 أمتار،،، وبعد لحظات أشوف الجروب متجه عالبحر إلى أن اختفى عن الأنظار،،، تميت أراقب،، واتجهت شوي صوب البحر……… قولوا شو
شفت؟؟؟!!! كالعاده،،، شفت شي ما ينشاف،،،، شقت جروب البنات
اللي يتكون من أربع بنات مع جروب أولاد اللي يتكون من أربع أولاد،،،
شكيت في الموضوع بس قلت يمكن أربع خوات مع أربع إخوان،،، لكن
بعد لحظات شفت الجماعة كل واحد يقرب من اللي وياه،،، واشتوى
شي اممممممممممممممماح (ما أقدر أقوله)… قلت لازم أكتب هذا
الشي لأنه لو ما ستروا على أنفسهم،،، ما بيستر عليهم الله وعباده…
المهم،،، بعد يمكن 10 دقايق،،، تقرقت المجموعتين،، مجموعة الأولاد كملوا الدق… ومجموعة البنات اتجهت إلى سيارتهم الشيفروليه السوده اللي كانت بداية رقمه ((؟؟؟؟6))… شو هالحركات اللي نشوفها…
يا جماعه لي متى بنبقى في هذا التخلف…… ما سمعتوا سالفة وحده
كانت في التشات،،، كانت إتشيت ويا واحد،،، وبدت محاورتهم بكلمات
بذيئه،،، وكل حد منهم يكتب أشياء ما تخطر عالبال،،، إلى أن اتفقت هي
مع هذا الولد أن يمر عليها في الليل ويطلعون مع بعض،،، اتريت الاخت
ليما رقدوا كل اللي في البيت… واتصلت بالأخ (يخسي يكون أخ) اللي
عطته رقمها وهو سوى نفس الشي،،، وبعد ما مر عليها في الليل ولد
اليران كان واقف برع وشاف كل شي،،، قال شو أسوي، أخبر أخوها
وللا أصبر… المهم خذا رقم سيارة الأخ ((الننيسان بو باب))،،، ورقد…
شو استوى بعدين،،، الأخ ودا الاخت منطقه برية الله يستر عليها،، وما
شافت شي إلا إن واحد من ربع الأخ يفتح عليها الباب،، وصار اللي صار،،،
يمكن كان آخر شي تعرفه في حياتها أنها خسرت شي،، كانت محافظه عليه
من 19 سنه ((عذريتها)) لأنهم بعد ما اغتصبوها،، فررررررروها عند باب
بيتهم،،،،، شو ذنب أبوج،، أبو الـ7 عيال،،، اللي مات بعد سكته قلبيه،،
والأم اللي ما رمست طول حياتها،، وإختها اللي فيها عقد نفسية،،، هذا
كله واقع مستوي في دول من دول الخليج… الله يستر علينا…وبعد ما خلصنا
سالفتنا هاي،،، خلونا نتجه حق كلية من الكليات اللي كان عندها حفله
هالأسبوع،،، في هاي الحفله، الكل يلبس الوي الوطني لبلاده،، لكن الأساتذه
الله يهديهم،، لابسين زينا الوطني ((عادي ما فيها شي))، حتى الأبلوات،،،
لكن منو يظبط غترة الأساتذه!!!؟؟؟ تعرفون منو؟؟؟ الطالبات!!!!!!
ياربي،،، أنا شو بيستويبي لو شفت هالشي!!! عجباً،،، يوم بتعدلين الغتره،،
إيدج بتظهر،، شيلتج بتخترب،، شعرج بيظهر،، بيصورونج وانتي ما تدرين،،،
وعلى سالفة الصور،،، في مجموعة كبيره من الشباب عندهم صور بنات من هاي الكلية ((الله يعلم من وين يايبينها))… وأيضاًً وانتي تعدلين الغترة بتتقربين من الأستاذ لدرجة أن الأخوان ما يتقربون لخواتهم بنفس الدرجه!!!!!!
وشو يكون من ظمن هالاحتفالات!!! الله لا يرراويكم،،،، رقص البنات
جدام الأساتذه،، رقص الأساتذه مع البنات… ((لو وحده فيها خير خلي
تسوي هاي الحركات جدام أي واحد عربي مهما يكون صايع،، بيعرف
كيف يأدبها))،،،، وفي ظل هاي الاحتفالات هناك حفله نوعاً ما،، أصغر من عروض أزياء الأساتذه وتقـ…… البنات،،، هي حفلة ((امعلايه))
وتكون من قبل البنات الخايسات،، حيث يجذبن البنات المب خايسات
للغناء معهن…… وأي وحده تبقى لآخر الجلسه،، أنا يمكن أعطيكم
ظمان أن هاي وحده ما اعرف شو اقولكم عنها…… ما ابى ارمس
وايد عن هاي الحفله عشان قلبي يتقطع منها…… وحده روسيه الله يستر
عليها مرت قبل لحظات من عندي،،، لابسه بنطلون رياضه أسود
وتيشرت رمادي،،،، ترمس في موبايلها وتقول: ها فطوم أي موضوع
اخترتيه حق بروجكت الجامعة!!!!!!!!!!!!!!!!!!!!!!!!!!!!!!!!!!!!!!
أنا ابا اقولج شي واحد فقط لا غير،،، لو كانت البنت محترمه،، لو شواستوى محد بيسويلها حركات،، أو بيفكر يلاحقها أو يرمس عنها
بأي شي،،، بالع** بيقول ((( هاي وحده غاليه ))……
خلونا نظهر من هاي السوالف واقولكم سالفه ذبابة تلال الإمارات…
روحت في الاسبوع اللي فات لمشروع من مشاريع شركة إعمار، ألا
وهو مشروع تلال الإمارات،،،، والله هذه المشاريع من أكبر الأشياء
التي تدل على تحظر بلادنا ورقيها من بين أكبر المجتمعات والأمم…
أشكر كل من عمل وفكر في هذا المشروع الجبار الطموح… المهم،،
دشيت وشفت بعض الفلل،،، وكانت راقية جداً وأنصح الجميع بأن
يلقي نظره على هاي المشاريع،،، تعرفون أنا شو كنت أدور؟؟؟!!!!!
كنت أدور ذبابه!! أقول في وسط كل هذا الشي العجيب هل بلقى
ذبابه،،،، وبعد لحظات شفت ذبابه محترمة لابسه بدله وكرفته،، حتى ما كانت تتنزل تتقرب صوبي… صِدق أنه مكان ما عليه كلام… وشكراً
والله إن قلوبنا تتقطع وتحترق على حال بناتنا وشب***ا .. اللي مدمرين عمارهم ومضيعين مستقبلهم وسمعة أهلهم .. وهم يتحسبون إن هذا تحضر وتطور !! وإذا حاولت تفهم حد منهم أو تنصحه .. يقول لك إنت متخلف ومتعقد !!!! واحنا ما نسوي شي غلط … احنا نتسلى بس !!!!!!!!!!!!!!!!!
سبحان الله .. لو كان في قلوبهم إيمان وخوف من الله تعالى .. ما كانوا بيوصلون لهذي الحالة ..
الله يهديهم ويهدي الجميع إن شاء الله ..
ياالله … الله يصلحهم ….
ومشكور/ مشكورة على الرد … 
هذه السلسلة من المواضيع بدأت بالانتشار ( شفويا قبل أن نقرأها )
لكن بعد أن انتشرت ( نظريا مطبقا على أرض الواقع ) !!
وللأسف.. البعض يعتقد بأن المبالغة في اختيار الكلمات والجُمل هو ما يحيط بالموضوع
والبعض يستنكر قراءة هذه المواضيع.. ( بحكم أنها تشوه سمعة – البنات- والبلاد )
ونسوا أن أبطال تلك الروايات بدؤوا أولى المشاهد ( على الهواء مباشرة، وعلى عدة قنوات )
.. عسى ربي يهدي الجميع ..
شكرا لك اخ ________قلب الامارات___
الموضوع الي تكلمت عنه فعلا يقطع القلب
و الله يستر على الجميع