انقاذ عائلة إماراتية من الموت المحتوم 2024.

=
=
=
=
=
=
=

الله يسلمكم هاي عائلة من دون الام .. كانوا الاب وعنده 3 من عياله اعمارهم 16 و 11 والاخير 3 سنوات تقريبا وايظا اشخاص غيرهم في الطراد يعني هم بحدود التسعة اشخاص 3 رياييل والباقي صغار .. ساروا منطقة لسياحة وبعد اسبوع وهم رادين الفجر انجلب فيهم الطراد بسبب موج البحر العنيف يوم الخميس 192005 ولا حد درى عنهم الإ العصر الساعة 4 قبل غروب الشمس بقليل .. اول ما انجلب الطراد ما نفعهم غير الاغراض اللي فيها واحد يود خشبة وركب عليها ياهل وهو وتم يسبح فيه .. والثاني نفس الحالة بعد شل له ياهل وتم يسبح فيه والاب ما نفعه الا دبة بترول فضاها وخل عياله وولد اخوه يتحاوطون عليها واللي عمره 3 سنوات شارب من ماي البحر لين ما قال بس وشكله خلاص اللي يشوفه يقول ميت شفايفه زرق وما يتحرك (عاد ياهل لا اكل ولا شراب حليله والله) ………….. عاد الريال الاول اللي وياه الخشبة تم يسبح لين ما وصل منطقة جريبة شوي من هناك .. والريال الثاني يسبح وعلى ظهره الياهل لين ما شافوه سياحين من دبي ونقلوه منطقة جريبة من هناك بعد ومن هناك جان العصر دق تلفون وخبرهم السالفة وقال لهم خلاص الاب وعياله غرقوا عاد انطلقوا الاهالي يدورونهم وما لقوا لهم اي أثر وبعد ما فقدوا الامل كلمواااا الدوريات مال البحر وجي .. بس دوريات الامارات ما تحركت هناك لنه على حدود عمان وكلمت شرطة عمان وخذوا الاحتياطات والدورية والهلوكوبتر لان لو ما لقوهم خلال نص ساعة خلاص ما بلقوهم لان الدنيا ظلمت هناك والناس تصيح واللي تدعي ما عندهم حاسية بها الوقت صج موقف ما يحسد الواحد عليه … جان الاب بهااللحظة خلاص بهد عياله لان الدبة ما اسحملت اول شي اقترح عليهم يعقون الياهل اللي عمره 3 سنوات .. لان قال خلاص ما يتحرك وهو محطينه فوق الدبة وما حد استحمل عاد ياي يضحي بأصغرهم لانه خلاص ما باقي فيه الاب قوة لان السكري ارتفع وصل حده وتيبست اعضامه …. فقالوا اعياله لا ما نضحي بأخونا الصغير نموت كلنا سوا يا نحيا كلنا سوا .. قالهم ما عاد اقدر استحمل خلاص انا عيل بهدكم على هاي الدبة لان خلاص ما عادت تستحملنا كلنا .. (والله **ر خاطري) وبهذاك الوقت شافوا الطيارة وفرحوا تموا يأشرون لين ما شافوهم وهم ميتين ذايب لحمهم من التعب والملح من الصبح في البحر (الاب وولده الصغير 3 سنوات ) ودوهم المستشفى لان حالتهم ما تسر واماالباقي الحمدالله على سلامتهم