اشحالكم انشالله بخير:D
عندي موضوع لازم اناقش فيه خواتي :p اللي في المنتدى مع اني حطيته لهم في امارة المراه المسلمه بس الظاهر ان قليل من الاخوات يزورن هذه الاماره ..وقلت خلني بحطيه هني بشوف شو بكون رد الاخوات اللي هني;)
بصراحه بدأت ظاهرة البنات اللي يلبس الغشوه تتزايد …يعني يلبسن الغشوه وما يغطن وجوهن يرفعن الغشوه فوق اللي يشوفن يتحراهن الراهبات مال الكنيسه مادر ليش هذه الحركات مع ان هذه الحراكات اللي تجذب الشباب الوحده يوم بتلبس الغشوه اما تكون محتشمه ومغطيه عمرها وساتره نفسها او ما تلبس غشوه وتكون محتشمه بعد
بس ما تروح تتغشى والعباه مفتوحه من النص والبنطلون باين وبعد مميز على لون الشنطه:p
والله ما عرفنا لكم احيانا نمدحكم واحيانا نطيح فيكم 😮 طبعا هب كل البنات جي في بنات ماشالله عليهم حتى بياض العين ماتشوفه يعني الحمدلله ساترات عمارهن :rolleyes:
واتمنى انكم تعطوني رايكم بصراحه يعني …هل هذه الموضه عندكم …صراحه الموضه هذه الايام ما تظهر الا عللى الزي الاسلامي حرام عليكم ما خليتو شيء …حتى اللحين اللي بتسير المحلات ادور شيء يسترها ما تحص …تحصل هذا اللي معدلين عليه اونه يسمونه موضه …ppp
والله انكم غافلين يا بنات …كل ما شفتو شيء قلتو نباه وانتو ما عارفينه شو سلبياته وشوايجابياته 😡 بس فالحين تقولون هذه الموضه .
اسال الله العظيم ان يحفظكم من الموضه وبلاويها 🙁
لا تضنون فيني انا ما اقصد كل البنات …..بعض البنات …والسموحه
اخوكم بالله دراكولا
انا شو علي .. لا موضه ولا ***بيط .. البس الكندوره و العصامه فوق راسك او كاب و رووح .. 😀 😀
للاسف هاي الظاهره منتشره , و انا ما اداني البنات اللي جي يلبسون الشيله .
الله يسلمك هاي موضه العام , اونه يعني , و يايه من السعوديه 😀
يعني مصدر 😀
المهم ان طريقه الشيله جي تقهههههههههههرني و بس .
😀 😀 😀
بنت العرب 😀 اخاف تطلعين منهم;)
بسم الله علي … انا اكون من الناس اللي اعلق عليهم
الله يهداك .. اتقول حاطين شراع فوق راسهم 😀
انت شو عليك .. لا موضه ولا ***بيط .. تلبس الكندوره و العصامه فوق راسك او كاب و تروح ….. 😀 😀 😀
جيه ونحن شو نلبس …….. عباه وشيله 😀 😀 😀 😀
عاد اللي يسمعك يقول نشل خيمة فوق روسنا 😀 😀 😀 😀
اخوي داكولا … بصراحة انا ما عندي تعليق على هالموضوع .. 
اول شي يحطون مكياج خفيف و بعضهم مكياج (( طحين )) 😀 😀
بعدين طلعوا ثيابهم و يا كثر الثياب .. همم .. هيه بلبس هاي التنوره على هاذ القميص .. لا لا مب حلو ماعندي شنطه نفس هاللون ..
و اطلع بنطلون و قميص .. في شنطه على هاللون بس مافي جوتي على نفس اللون 😀
والله انكم حالات .. و اخر شي يوم تلبس كلل شي تقول اوه ماعندي لبان نفس هاللون و تسير تغير مره ثانيه 😀 😀 😀
و بعدين الشيله و العباااا
كل هذا و تقولين انتوا نفسنا :rolleyes: 😉 😀 😀 😎 😀
بعدين مب كل البنات نفس الشيء ….
والله العظيم اني لا احط خفيف ولا طحين بعد 😀 😀 😀
ppp
ppp
وبعدين حطوا في بالكم هالجملة ………
ان ……. البنات …….. مب …….. نفس ……. الشيء
والسموحة 😀 😀 😀
احلى شي يوم تقهر البنات .. والله استانس 😀 😀
دام السالفة فيها قهر بنات ……. قول اللي في خاطرك عادي 😀 😀 😀 😀 😀 😀
انا دقيقه وحده ما اخذ طلعت البنطلون او التنوره و تي شرت و دلاغ ساعت يخصه و ساعات لا , و البس يا جوتي رياضه او بوت , و اشل اي شيله مب مهم اذا مناسبه و يلا ……
بسسسسسسرعه اشغل السياره و اخيس لين ما يركبون 😀
بس اختي اووووووووووووووف الله يعين اللي بتطلع وياه ساعه لين ما تلبس .
هاااا اكبر دليل ان البنات مب كلهم نفس الشيء :p