اليوم سرنا الجمعيه
بعد ما خلصنا و ركبنا السيارة
يلست اجوف الفاتورة
جان اقول حق ابوي
انت شاري شي ب69
قال 69 لا
قالي اقري شو مكتوب عدالها ما فهمت شي من المكتوب جان اعطيها امي تقراه
قالت ها ممسحه حق الماي مكتوب ب13 في المكان اللي خذته منها
و آخر شي اكتشفنا ان الريال حسبها اكثر من مرة 
و قبل استوت هالحركة بعد
امي طرشتنا انا و موما اختي و علي اخوي
عطتنا 500 قالت سيروا اشترولي هالاغراض اخوي كان يبا سيارات
مكتوب في المكان اللي خذها منه 25 درهم
قلت له اذا عندك بيزات اشتر ما عندك ردها قال لا عندي
بعد ما حاسبنا بالفاتورة كان في 150 قلت حق اختي انتي شاريه شي
ب150 جان اتقول لا قالت هاي سيارات علي
يوم سالت الكاشير الفلبيني
قال سيرو عند ال**تمر سيرفس(خدمة ال**ائن)
طلع ان الريال حاسبنها 6 مرات
تحملوا
اللحين كل ما نسير جمعيه ايلس اقرا الفاتورة حق ابوي
حتى لو كان ربع درهم زايد
اليوم ربع
باجر درهم
اللي بعد 1000
يسوونها
انا حبيت انبهكم لهالشي 
و شكرا
مشكوره عشوقه على التنبيه…..
بس أنا مرات أسوي طاااف ليهم؟؟؟
اذا كان السعر معقول؟؟!!
ويوم أروح السوق.. ما أكاسر الهنود
شغله…يبالهم
مشكوره اختي على التنبيه
الس يا فتاه…مشكوورة عالمرور
عاد احنا ابويه الله يحفظه هو اللي يسير و يشتري الاغراض من الجمعية … يبالي اسير وياه عسب انبهه و هو ما يعرف انجليزي …
يزاج الله خير على التنبيه يلا الحينه لازم نخبر الاهل عسب ينتبهون زين …
بس اذا كنت سايرة كارفور وانا عند الكشير اقول اكيد الحساب بيكون فوق المتوقع ويكون فعلا اكثر!!>>>>حيالة
تسلمين اختي عاشقة الظبي على التنبيه وان شاء الله بناخذ حذرنا مستقبلا
استوت فيه في جمعيه البطين بس اسميني شرشحت الفلبيني بس أخر شي اكتشفوا اني انا الي غلطان .. حد كان ماخذ الشي الي ابغيه وحاطنه مكان غلط فيوم شفت السعر كان بـ 189 درهم بس يوم ييت ادفع قالي 380 درهم .
عقولتهم " تحصل في احسن العوائل "
مشكوره على الموضوووع
بس ما ينخاف علييه
من اسير اخذ شيء عيونيه على هااي الآله اللي اتظهر السعر
وعقليه مستوي آله حاسبه احسب كل شيء في عقليه
وتالي من اتأكد من السعر احاسب الريال
حتى اخويه يستغرب منيه حزه الحساب يشوفنيه مبققه عيونيه
حتى مرات يقول خلي عنج انا بحاسب عنج
عاد انا ما اصدق
يعطيج العافية
ماشاء الله عليج