السلام عليكم ورحمة الله وبركاته
تقريباً اغلب مستخدمي الانترنت يقومون بتبادل الرسائل الاكترونيه سواء كانت قصص اواخبار صحيحه او هي مجرد اشاعات وخرافات
و البعض يقوم بنقل المواضيع من منتدى الى اخر وعدم التاكد من صحتها حتى ان البعض لما تخبره هل قرأت الرساله التي قمت بارسالها او الموضوع الذي قمت بطرحه في المنتدى يقول لك لا قص ولصق على طول
نماذج من هذه الرسائل :
وصــلتني هذه الرساله من احد الاخوه هداه الله
(1)
لم اصدق هذا الشي فقمت بالبحث في الانترنت وتبين لي
بان الشيخ الزبيدي المذكور …احدعلماء الشيعة وعرف ببغضه لأهل السنة والحقيقة هي فتحة كانت في القبة سابقاً كان يستعين بها عمال المسجد في أعمال النظافة وتم إغلاقها
(2)
صوره لقبر الرسول صلى الله عليه وسلم
والحقيقه هي لقبر أحد المتصوفين المشهورين و يقع بتركيا
وغيرها الكثير من القصص سواء المدعمه بصور او لا
الرجاء الانتباه وعدم نشر مثل هذه الرسائل و المواضيع الا بعد التاكد من صحتها لانك بهذه الطريقه تكون قد ساعدت في نشر الاشاعات والاكاذيب والخرافات
يزاك الله خير ….بالفعل وايدين ينقلون اي سالفة توصلهم للمنتدى او لغيرهم وهم ما يعرفون شو السالفة !!!! 
اتمنى ان الكل ينتبه لمثل هذه الامور وخاصة الامور الدينية …الواحد لازم يتأكد من اي شي يوصله 
المرعب والاجر على الله
ولا يقهروني يوم يطرشون ايميلات
ارسلها الى 10 و ستسمع خبر يسرك
واذا لم تقم بارسالها بسوف تسمع خبر سيئ
غباااء الحمد لله و الشكر
مشكور اخوي عالموضوع
قبل يمكن كنت اصدق اي شي ع النت لكن الحين بعد ما عرفت شوي من خفاياه ما صرت اصدق مثل قبل
الفوتوشوب ما يقصر ويا حد والمؤلفين ما شاء الله عليهم ما يقصرون
والمنتديات مفتوحة للكل وكله قص ولصق من مكان للثاني
نسخة لبريد الدوام (( ذبحونا والله من هالخرابيط))!!!
ويحفظنا مع المسلمين من الكذب وال***فات !!!
المرعب جزاك الله خير ما يقهرني الا الناس اللي تصدق هذي السوالف
الموضوع ما يدخل العقل كيف دخل عقولهم !!!! الظاهر عقولهم منفتحه على الاخر
عاشقة الظبي لا هذيلا الناس سالفتهم غير ، امانه في رقبك لين يوم القيامه اطرشها لعشره
عندي واحد من الربع دوم يطرش لي مثل هاذي المسجات اقوم وارد عليه بانه امانه في رقبك انت انا شوه يخصني اطرشلي المسج 
طبعاً نصحته بس ناشي فايده
وامانه يا جماعة الخير اول ما ظهرت هذي المسجات كنت ادخل على تفاصيل الرساله احصل مصدرها الرقم 101
شموخ النخيل صدقج والله الناس صار عندهم احتارف في هذي الامور ولو تقول له ادي شغلك على اكمل وجه ما بيقول صعب ولهذي السوالف منحرف قصدي محترف
العـامري عندك اياهم اللي في الدوام ترى اكثر الناس اللي يتراسلن هذي السوالف هذي الفئه تقول ما عندهم شغله ( بعض الناس من الصبح لين اخر الدوام وهو شغال على هذا الاميل ويوم يتعطل الاميل يحشر قسم الكمبيوتر حشره يقول الهم الشغل متعطل ) ومناك الخلق طابور على مكتبه يتريونه يخلص معاملاتهم وهو يقول الهم لحظه بطرش اميل للمسوؤل خرطي
(حدث ولا حرج ) عندنا وعندكم خير
الحنين للاسف هذا الشي منتشر
Nothing2say يزاك الله خير يا خوي
ولو بتلاحظون يا اخواني ان 95% من هذي المواضيع تتكلم عن الدين مما يدل على ان هناك ناس تصطاد في الماي العكره لاصطياد النفوس الصعيفه لنقل مثل هذه الاشاعات والاكاذيب
والمصيبه الكبرى تحصل في بعض المنتديات المشرف العام هو اللي منزل مثل هذي المواضيع لا والكل يشكره على هذا الموضوع وعلى طرحه القيم
امحق مشرف عام وامحق موضوع قيم 
أنا ألحين ما سرت أدخل أي شي في المنتدى