أخواني وأخواتي:68_asmili ,, عساكم بخير ومرتاحين ,,
الصراحة اقترحت علي مشرفتنا " الجويس " ان اتكلم عن سلبيات وإيجابيات
العمل في القطاع الخاص ,,, والصراحة هو موضوع يستحق الوقوف عليه ,,
أنا أعمل في القطاع الخاص الحين صار لي سنة وكمن شهر
مرتاح ومو مرتاح ,,,
انا بخبركم جدولي اليومي في الدوام
وبخبركم شو الأشيا اللي احسها زينه وشو الأشيا اللي لا ,,,
وابغي تعليقاتكم على الموضوع ,,,
๑۩۞۩๑ يوميات موظف في القطاع الخاص ๑۩۞۩๑
1- الدوام يبدأ الساعة 8 صباحاً ولازم تكون على مكتبك 7:35 دقيقة تماماً وإلا تنحسب تأخير ,,
2- طبعا في فترات يكون الشغل يمر بحالة ركود وفترات بيمر بحالة " لو تموت مابتخلص شغل :78_asmili "
3- انسى شي اسمه بريك علشان تتريق تبى تاكل كل في بيتكم ,, 
وانا خبركم ايوع بسرعه 
4- بريك الصلاة 5 دقايق بس يعني نقر شراة الدياي وارجع بسرعه ,,, :18_3_110:
5- ال**ون أو العميل اهم شي في الحياة ,,, بيسبك تحمل بيشتمك عادي ابلع ,, بيخليك بيزه ماتسوى وهو هندي رصيد حسابة ربيتين ماعليه اتحمل بس لا يكون تغلط عليه ,,, 
امسك اعصابك ,,,
6- دوامي من 8 الصبح لين 4 العصر ويمتد أحياناً لين 8 في الليل لاحظوا ان لا غدا ولا ريوق ارجع البيت ولبي اتسبح وأكل وادخل النت شوي واعقب ,,, 
خلاص ماشي مني امل لو تنفجر حذاي قمبلة مانشيت من التعب …
7- أنا جامعي وعندي دبلوم بعد وراتبي شراة راتب واحد توه متعين في وظيفة حكومية تحت التجربة ,,
شو رايكم ,,, عايش حياتي أنا والله 
๑۩۞۩๑ الإيجابيات ๑۩۞۩๑
1- التأمين الصحي ,, يوفر عليك شوي فلوس ,,
2- بدل تذاكر سفر كل سنه يعطونا بمعدل راتب أساسي واحد ,,
3- المكافأة السنوية بمعدل راتبين كل رأس سنه ,,,
4- زيادات الراتب تكون كل سنه ,,,
๑۩۞۩๑ السلبيات ๑۩۞۩๑
1- ساعات الدوام طويلة ,,
2- ماشي تقدير في الشغل لمجهودك ,,,
3- الإجازات مظلومين فيها ,,,
4- عدم الشعور بالأمان ,,,
5- الفئات اللي معاك تبخل عليك بالتعليم ,, يبون دوم هم احسن عنك ,,
6- اليوع المستمر طول فترة الدوام والدوخة والصداع ,, هايلين ترى ربعي كل يوم معاي ,,
7- الإجازة السنوية شهر واحد فقط ,, واذا ماخذته في نفس السنه راح عليك ,,,
8- سياسة تطفيش المواطن ,,, موجودة وبشده ,,
9- تفضيل الأجنبي عليك حتى لو كان مايفهم ,,,
10- النظر لك على انك كائن همك الأكل والنوم بس وتبى البيزات على الراحات ,,,
الصراحة هذا كل اللي يطري على بالي الحين ’’’
وفاتحين المجال لكم عشان التعليق ,,,
ونتقبل دعاويكم بالتوفيق في كل وقت و كل حين
والسموحة
بقولك شي وبكل صراحه كل اللي يشتغلون
سواء رواتبهم اوكيه ومرتاحين في شغلهم ولالالا يتشكون
ولا مره شفت انسان ما يشتكي من شغله
ليش يعني ؟؟؟؟
صح انا بطاليه ويمكن ما احس باللي تحسونه
بس ابصراحه اذا رحنا مكان نبي حد يخلصلنا ارواقنا
انحصل الاهمال والبلاده والبرود من قبل الموظفين
ولا واخر شي يتشكون عيل اشعنه يشتغلون
وهم في كل الحالات مايعيبهم العيب ولا صيام رجب
هذا الكلام مب اموجه لك بس هذا عام واللي تحسه
الكل يحس به بس ابصراااااااااااااااحه محد يشتغل
بذمه وضمير يعني مدام انتو ما تشتغلون بذمه وضمير
اتحملو بعد معناة ضريبة الشغل وحده بوحده
بس أهم شي إنك معتمد على نفسك..
مب شرات أولاد هالزمن أكل ونوم وسهر
والمصروف من جيب الوالدة..
وإذا قلنا ليش ماتشتغلون قالو ماشي وظايف..
دام السالفة جي "المأساة المذكورة في الأعلى" مستحيل يداومون..
الله يعينكم…ويسهل عليكم
,,, أولاً … شكرا على المرور والمشاركة ,,,
ثانيا ً : يمكن الفئة اللي ترمسين عنها تشتغل في القطاع الحكومي لأنه صدقيني القطاع الخاص وظايفنا ورواتبنا اتي من العملاء يعني احنا براينا تعبانين هلكانين مالنا خلق لازم نبتسم ونخلص شغلهم بأسرع وقت ,, وصدقيني انا ابصم لج بالعشرة على الشباب والبنات اللي يشتغلون معاي ,,, ذمة وضمير ومحاتاة يبون يحللون معاشاتهم وبالذات المواطنين منهم … بتستغربين لو قلت لج ان الإهمال اي ساعات من الفئات الثانيه ,,,
لان الكل رسخت في باله فكرة ان الوافد عربي او أجنبي ,,, دايما حريص على شغله وان المواطن يبى كل شي بدون تعب ,, وهذا مب الواقع بتاتاً ,,,
الكامل الله سبحانه وما دونه كله قاصر فطبيعي مابيعيبنا شي ,,, :66_asmili والا شو رايج ,,بس انا معاج
في فئات تخرب على الكل ,,, بس الله المستعان ,,,
تسلمين على المرور والمشاركة :h_thumb:
,,, أولاً … شكرا على المرور والمشاركة ,,,
ثانيا ً : هاي فئة المصروف من جيب الوالدة ,,, مع احترامي للكل بس مايستحون ,, :71_asmili
لين متى يتم الواحد معتمد على اهله ,,, خلاص الواحد اييه وقت لازم يعتمد فيه على روحه ,,, لو تعرفين شو هو الشعور اللي يحسه الواحد لما يشتري ايدام البيت ويشوف نظرة الرضا من أهله ,,, أو لما يعرف ان الوالد مرتاح و مستانس لأنه عارف انه عنده ظهر يسنده ,,,
أحاسيس ما يحصلها الإ اللي يتعب عليها ,,,
وتسلمين اختي على المرور والمشاركة :h_thumb:
,,, أولاً … شكرا على المرور والمشاركة ,,,
ثانيا ً : من ضغط الشغل والله ساعات مايروم الواحد ياكل شي وحتى كوب الكوفي اللي جدامه يشربه بارد من الضغط ,,, لكم مثلا هالأيام شوي خف علينا الشغل ,,
ماتشوفين مطيح في المنتدى :46_asmili خخخخ
تبين الصدق الوظايف الحكومية أحس ما تشبع طموح الواحد وأحلامه ,, أبدا شغل ممل ومتكرر
لا والترقيات كل وين ووين ,,, يود مينونك عن ييك اللي اين منه
انا وحده عنى ما اعرف اشتغل اذا يوعانه
اشتغلي في مكان حذاله كافتيريا ,,, خخخخخ:g_ouf:
وتسلمين اختي على المرور والمشاركة :h_thumb:
الله يعينك اخويه …. تراك تعي سالفة صارت لي قبل …
كنت اشتغل في قطاع خاص …
و نفس الحالة … يعني الحمد لله كان شي تقدير بس مب هاك الزود … لو تموت محد بيحسك فيك الا من رحم ربي …
حتى انهم مرة صاروا يساوموني على الصلاة و بريك الغدا … و طحت فيهم … فهالسالفة ما عندي وحدة و لا هنتين … و قلتها بالحرف الواحد … بسير اتغدى و بسير أصلي و انتوا و شغلكم تتريون … و ما تصدق ييلسوا يتريوني ساعة و ربع
و لسان حالي يقول : أف لكم و لما تعبدون من دون الله …
ما راحوا يصلون و لا راحوا يرتاحون بسبه الشغل :47_asmili
المهم عقب الغدا والصلاة قدرت أخلص شغلي … خلصت بطاريتي و هم مب حاسين … حتى ساعات لما كنت اسوق السيارة و انا رادة البيت ما أشوف الشارع جدامي من الدوخة … كنت اعفد على المطبات و ما احس بعمري :83_asmili
المهم … صح كنت في قطاع خاص بس لو دقت فراسي اغسلهم غسال و خلهم يرمسون لو فيهم خير … :83_asmili
الحمد لله اللي ريحني منهم و من سوالفهم …
الله يعينك اخويه … و الله يفرج كربتك …
يزاك الله خير على الطرح و بارك الله فيك …
وانا حبيت احط مقارنه مابين القطاع الخاص والعام من خلال بعض النقاط اللي ذكرتها
4- بريك الصلاة 5 دقايق بس يعني نقر شراة الدياي وارجع بسرعه ,,,
الحمدلله في بريك وزود عن الربع ساعة وحتى للريوق,والمفروض تقدمون احتجاج بهالخصوص
أنا جامعي وعندي دبلوم بعد وراتبي شراة راتب واحد توه متعين في وظيفة حكومية تحت التجربة ,,
بالنسبة للحكومة فراواتبهم على حسب مؤهلاتهم
بس انا سمعت ان موظفي الخاص لهم علاوت وحوافز
6- دوامي من 8 الصبح لين 4 العصر ويمتد أحياناً لين 8 في الليل لاحظوا ان لا غدا ولا ريوق ارجع البيت ولبي اتسبح وأكل وادخل النت شوي واعقب ,,, خلاص ماشي مني امل لو تنفجر حذاي قمبلة مانشيت من التعب …
الله يعينكم:67_asmili
وشو معناة قمبلة :60_asmili
والله يعينكم بالنسبة للاجازات
9- تفضيل الأجنبي عليك حتى لو كان مايفهم ,,,
هالشي موجود حتى في بعض الوزارات ومن خلال معايشتي لاحظت هالشي ودايما ينقصون من شان المواطن ويعتمدون على الوافد في بعض الامور الحساسة:54_asmili
– الفئات اللي معاك تبخل عليك بالتعليم ,, يبون دوم هم احسن عنك ,,
يمكن لان اللي ماسكين القطاع الخاص اغلبهم اجانب:54_asmili
5- الزبون أو العميل اهم شي في الحياة ,,, بيسبك تحمل بيشتمك عادي ابلع ,, بيخليك بيزه ماتسوى وهو هندي رصيد حسابة ربيتين ماعليه اتحمل بس لا يكون تغلط عليه ,,, امسك اعصابك ,,,
نفس الحالة,هالقانون موجود وأصلا مافي مجال انك تدافع عن نفسك اذا غلط عليك الزبون وحتى لوبغيت تتفاهم ويابعضهم وعصب عليك مابتروم تعصب عليه لان منظرك بيكون سلبي جدام الموظفين والمراجعين وثانيا دايما الغلط بيكون عليك لو حاولت ترد عليه لان هو مجرد زبون بيي اليوم وباجر مابيي بعكس الموظف موجود ومحاسب على كل كلمة بتفوه بها جدام الزبون
فاعتقد ان هالنقطة مشتركة في القطاعين
اللي لاحظناه من خلال موضوعك ان الشغل وايد بس الحافز قليل سواء بالنسبة للراتب
او الاجازة او البريك!!!
ومانقول الا الله يعينكم وييسر أموركم
شغله مستحيل تحصل حد ما يتذمر ويقول لك ما عندنا ضغط ف الشغل…سواء كان حكومي ولا
خاص
فيه وظايف تخلص شغلك فيها وانت ف الدوام وما يلحقك الشغل لين البيت وفيه وظايف مهما
سويت لازم تودي الشغل وياك اليت مثل شغل المدرسات والاداريات يلحقهم لين البيت
فيه وظايف مكتبية وما فيها استقبال للجمهور وحرق اعصاب انت والكمبيوتر والاوراق وبس وفيه
وظايف تجابل الجمهور والكمبيوتر والاوراق ومهما سويت بعد يتهمونك بالقصير
الكمال لله والواحد يقول الحمدلله
الله يكون ف عونك
,,, أولاً … شكرا على المرور والمشاركة ,,,
ثانيا ً : افتكيتي من الأذية ,, الوقت الوحيد اللي ماقالوا لنا شي كان في رمضان الله رحمنا وتيسرت امورنا,, :71_asmili
بس انتي ما شاء الله عليج كنتي مسكتنهم ,,,
تسلمين اختي على المرور والمشاركة :h_thumb:
,,, أولاً … شكرا على المرور والمشاركة ,,,
ثانيا ً : الوظيفة الحكومية لها مميزات وايد ومريحة للمواطن ,,, لأن الواحد مايحس بعدم الأمان فيها ,,, أما عن سالفة الأجازات فتعودنا ,,, الناس رجود واحنا مداومين ,,, الله يعين ,,,
قمبلة ,,, تضخيم لقنبلة :49_asmili
أما عن الأجانب والعملاء فحدث ولا حرج ,,,
تسلمين اختي على المرور والمشاركة :h_thumb: