والله ودي اطرح موضوع هو مش يديد ولاغريب صااارت ظاهره .. ولافايرس منتشر هالايام .. وكل يوم عن يوم ان شوف حاله من هالنوعيه …. 
وهي
[[ البويات ولا الجنس الرابع ]]
سؤالين موجهين وبكل صراااحه تجاوبون.؟
الشاب .. هل من الممكن انك تقبل تتزوج بشابه كانت من قبل بويه .؟
البنت.. هل من الممكن انج اتسايرين ولااتحبين بويه.؟
يعني ماتفرق في المسمى لاكنها هيه نقدر نسميها عله على المجتمع.. 
وانتوا برايكم شو هيه الأسباب اللي خلت هالنوعيه من البنات تلجأ ولاانها تاخذ صفه ولا حركات مش لها بالاساس
قال الله سبحانه وتعالي [[ وخلقناكم ذكر وانثى]] صدق الله العظيم
يعني هيه بحد ذاتها تسمى شذوذ .. ولاشو بالضبط .. ولاهو انه البنت تحااول تخترق لها قواانين بنفسها 
.. عسب تاخذ حريتها ..؟ من المعروووف في مجتمعنا قوانين وقواعد تمنع البنت من كثير من حقوقها ….. يعني هالكبت عليها اتخليها انها تتشبه بالريال من حيث اللبس والمشيه والتفكير……. الخ
انتوا في رايكم … شو تسمون هالحاله…وشو السبب الرئيسي ياترا..؟
هل
( قلة الدين _ الأسره _ المدرسه _ الأصدقاء ) ….؟
وانتوا شورايكم في هالنوعيه .. تايدونها .. ولاتوقفون ضدها…
وانا الصراحة ضد هذا التصرف لان البنت تطلع من طبيعتها الي الله خلقها عليها وتتصف بصفات الله حرمها عليها….
وسبب وجود هذا الشذوذ اقدر اسميه …..
1- الإعلام ……
2- تربية الأهل لها دور كبير في هذا الشيء…..
3- واهم سبب قلة الوازع الديني….
واسأل الله هداية البنات الي من هذا النوع…….. والصراحة حلاة الفتاة اذ اتصفت بالصفات الأنثوية التي جبلت عليها…
والسموحة منكم……
قال الله سبحانه وتعالي [[ وخلقناكم ذكر وانثى]] صدق الله العظيم
——————————
قال الله تعالى : (( يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم ))
—————————–
وحداوي للموت
[ من المعروووف في مجتمعنا قوانين وقواعد تمنع البنت من كثير من حقوقها ….. يعني هالكبت عليها اتخليها انها تتشبه بالريال من حيث اللبس والمشيه والتفكير……. الخ
———————–
يرجى التوضيح….
ومستحيل اتعرف على بويه او اسايرها في الرمسه
واللي في خاطري بقوله في ويههاا
بس بنت عمي قالتلي ما يخصج فيهم عن يسووبج شيء
بصراحه كلامها يخوف وانا خفت شوي هب وايد
وقلت مالي شغل فيهن
بس ماراح أناقشه ,,
بس ودي أوضح شي واحد ,,
الفرق بين البوية و الصبيك ,,
البوية ,, تقريبا ,, هو الجنس الرابع ,, والعياذ بالله ,,
الصبيك ,, البنت اللي فيها شوية حركات ولادية ,, ( دفشة ، تحب تلبس ملابس سبوورت ( مب رجالة سبوورت ) ) و إلخ ,,,
اسمحوا لي عالقصور ,,
والغصه ان اخواني وخواتي الكبار كانوا يرمسون يدام امايه
وعاد هيه من تسمع شيء عن الكليه ،، صدت تتطالعني واتقول : انسي الكليه الفلانيه
وسالفه ثانيه في الجامعه ،، واتصد واتقول : انسي الجامعه العلانيه
عقب انا قلت حق اخواني حووووو لا اتخربون علييه احين انا
كل واحد منكم اتخرج وخذ الشهاده يت علييه انا يعني
انتي بندخلج كليه الطب وما بيكون لج بارض لشيء اصلاً ما عندج وقت لهم
وجان اصخ عنهم وكملنا السوالف ورمسنا عن البنت المجتوله في الشارجه 🙁
الله يرحمها
والبويات في انتشار سريع
ومازالوا عبده الشياطين في تزايد مستمر في مصر الي ان وصلوا الي الكويت
وباتوا يمارسون طقوسهم الجهنميه في الارضي القاحله
مستخدمين البعير كوسيله للنقل هناك <<<< لانه سفينه الصحراء شرات ما علمونا في المدرسه
وسنعود إليكم بعد الفاصل
توو تووو تت تراا راا
توو تووو تت تراا راا
توو تووو تت تراا راا
شامبوا صانصيك يجعل شعرك حريراً
وتوجي جمالك بصانصيك 
و تارسات علينا الكليه
انا اول مرة اسمع ها التسمية "بويا" من مسلسل كويتي في رمضان!!
اظني ها الشي كان موجود على طول بس ما كان واضح مثل الحين… فمثل ما الجنس الثالث قاموا يطالبون بحقوقهم.. ويطلعون من غير مستحى ويا بعض كأنهم مب مسويين شي غلط… البويات بعد بدوا يعيشون حياتهم.. وياخذون حرية اكثر
ما اعرف.. بس يعني نحن كمجتمع اسلامي المفروض يكون عندنا قوانين تمنع ها الاشياء.. بس للأسف يوم بعد يوم قاعدين نشوف في دول تعترف بالجنس الثالث.. لانهم اصبحوا جزء من المجتمع وما يقدرون يتبرون منهم.. بس انا رأيي انه جزء ما يجيب الا العار والمشاكل الاخلاقية والجتماعية والطبية وكل انواع المشاكل.. والمفروض نتخلص منه
وعادي في يوم من الايام يوم يكثرن ها البويات اكثر عن تجي… يطالبن بعد بكامل الحقوق.. وحق الزواج من بعض !!!
بالنسبة لأسباب اختيار ها البنات انهن يكونن بويات.. اممم يعني هيه اكيد اسباب نفسية بالدرجه الاولى.. بما ان ها الشي مخالف للطبيعه اللي الله سبحانه خلقنا عليها
الله يهدي الجميع
تحياتي