المهم
بالصدفه وفي لحظه صمت كنت أتأمل قربة المغذي واحاول اقرأ الكتابه عليها
لاحظت ان تاريخ انتهائها هو تاريخ 04/8/2004 وكان التاريخ يومها هو 17/08/2004 بسرعه ناديت الممرضه وخبرتها واستقبلت الامر وكانه ما حصل شي وقالت أن التاريخ المكتوب متقدم قليلا ليعطي وقت احتياطي قبل انتهاء الصلاحيه
وراحت ولا كأنه حصل شي
مامرت 5 دقايق وردت ممرضه غيرها وفتحت المغذي من يد المريض وهي تقول انه ما يحتاج للمغذي 
حسيت وكأن ورا راسها شي تحاول تخبيه
كلمت الدكتور بعد ما ابلغت اهل المريض وخبرته عن اللي صار وحاول يقنعني انه هذا شي ما يضر وانه التاريخ المكتوب على المغذي فقط تاريخ تقريبي وما يضر ولا ينفع
يعني شركة الادويه غلطانه على الدكتور والممرضه وتاريخ الانتهاء على الأدوويه هو تاريخ خطأ ولازم ننتظر لين يمر شهر على أنتهاء الصلاحيه
الصراحه مهزله ما ينسكت عنها وهذا مثل بسيط من اللي يصير في المستشفيات وماخفي كان اعظم
بخبرك اخوي حمدان عن سالفتين طرو على بالي يوم قريت موضوعك
واحد من اهلنا يراجع المستشفى والطبيب يوصف له الدوا وهو ماشي عليه قام الطبيب زاد في الجرعة من
غير ما يتأكد من الأعراض الجانبية وحالة المريض تدري شو استوى للريال ……صابه شلل نصفي بسبب زيادة الجرعة
وحدة ثانية توها في بداية الثلاثين تعبت سارت المستشفى وسووا لها فحوصات وتحاليل الدنيا اللي ما تخطر على بال حد ويوم انعقد مؤتمر الاطباء تناقشت حالتها في المؤتمر عسب ان التشخيص عندها هشاشة عظام وانه من الحالات النادرة اللي تصيب الحرمة في هالعمر وطبعا كل الادوية والأشعة اللي تسويها على هالأساس وطافت سنة ورا سنة وما شي فايدة وفي الأخر قالوا مالها علاج وسفروها المانيا وهناك من صورة اشعة وحدة قال الطبيب ان الفقرات هي اللي فيها الخلل مب هشاشة ولا شي وتخيل كمية الأدوية ونوعيتها اللي خذتها في هالفترة
المشكلة ان اكبر الأطباء اللي عندنا عالجوها ومثل ما قلت ناقشوا حالتها في المؤتمر الطبي مالهم
الله يسلمك هاذي سلسلة مالها اول ولا أخر …….الله يعطينا الصحة والعافية ويبعدنا عن المستشفيات واللي فيها
في اشياء تحتمل الخطأ وفي اشياء لا
الخطأ في اشياء ثانيه يتعدل
بس الخطا الطبي يمكن يؤدي لوفاه
الله يصبرنا ويبعد عنا كل شر
الله الي يعافي كل عبده ان شاء الله
دمتم بلباس الصحة والعافية…
الواحد من المفروض انه يروح كذا مستشفى عشان يتاكد ويشوف اذا كلهم بيقولون له نفس الكلام ونفس المرض فيه وبعدين يباشر العلاج في احسن المستشفيات واذا المرض يحتاج يسافر برع يروح اهم شي صحته
انا اشوف ان الانسان يصرف فلوسه على صحته احسن من انه يصرفه على اي شي ثاني لانه الصحة نعمة كبيرة بدونها ما نقدر انسوي اي شي
شو بنقول عن الدكاترة والممرضين اللي ما يسوون شغلهم بضمير وايد في منهم وفي منهم عشان الفلوس يصرون يسوون حق الوحدة عملية قيصرية لانه بيعطونهم عليها اكثر من الولادة الطبيعية ….ليش ما تشتكون عند مدير المستشفى او احدى الجهات المعنية اذا واجهتوا مثل هالمشاكل
الله يحفظكم ويبعدكم عن المستشفيات
وباقي الامارات الفقيرة المستشفيات مصخره لا دكاتره ولا واهتمام ولا أدويه متوفرة ؟
بس مافينا نقول اسمه … مشهور لنه اللي ايون سلمك الله من بلاد اجنبيه يدربون علينا … عادي
يموت تحت كل طبيب 2 اشويه بس هم اذا مات واحد بتقيم القيامه …
الحمد لله والشكر… مابسير المستشفى توبه بس يوم بموت عادي بيحطوني في ثلاجتهم
كم ساعه وعقب بظهر…