الموقف الاول : هذا مره كانو يكرمون الثلاث البنات الاوائل من كل صف وانا يوميتها كنت الرابعه ….يعنى ما يخصنى بالتكريم ….. وكانت البنت اللى طالعه الثالثه تغايظ فينى علشان بيكرمونها وانا لا ….. بس يا ترى شو استوى يوم التكريم …. اسمعوا شو استوى…. يوم وصلوا لصفنا قالو اسم الاولى … والثانيه …. والثالثه ….. بس الثالثه كانت منو يا ترى …. احم احم كنت انا حلموووووه …وانا يا حليلى ما اتذكرنى الثالثه يا ترى شو السالفه ……. السالفه يا حلوين ان الرائده كانت منزله اسمى عن قصد فى القائمه مال التكريم ….بس ما قلت لكم شو سوت البنت اللى فعلا هى الثالثه يا حليلها تعبت من الصياح (على الله ما تكون ويانا فى المنتدى) وفى النهايه رجع الحق لاصحابه يت الاخصائيه وسالت شو السالفه عااااد الثالثه ما كانت متفيقه تقول كانت تصيح مسكينه ….يالله امري لله شرحت انا السالفه …. و اخرتها عطوها شهاده ثانيه وخذو الجايزه مالى …بس خلو لى الشهاده لى هاهاهاها ( ادعو للرائده مالنا الله يوفقها بحياتها ) يا حليلها وايد كانت طيبه
الموقف الثانى : كانت معلمه الرياضه تبانى اشترك وياها فى كره السله ……اسميها كانت محطتنى على العين والراااااس ….. مع انى ما كنت احضر التدريب …… بس هى على بالها انى ادلع ويوم المباره رااااح اكون معاهم ……. تعرفون شو سويت يوم المباره ….بصراحه كان ودى اغيب بس عدنا فى البيت من سابع المستحيلات انج تغيبين من دون سبب …. المهم سرت المدرسه ……. بس ما حضرت الحصه الاولى كنت مندسه بغرفه المدرسات اونى ابى الابله تشرح لى شىء مو فاهمتنه …. ويوم شفت انه فريق السله طلعو من المدرسه ….. رجعت الصف وفعلا طلع ان ابله الرياضه يت وسألت عنى …. ومن يومها وهذا الابله محطيه على …. بس الحمدلله كانت اخر سنه لى فى هذى المدرسه
الموقف الثالث:هذا اتذكره ولا عمري راااح انساه يوميتها كنت فى الابتدائيه وكنا فى بدايه السنه… ف كانت معلمه العربى علينا و كانت تتعرف علينا ويوم وصل الدور انى اقول اسمى …… طلع اسمى نفس اسمها ( على فكره اسمى مب موجود وايد هنييه فى الامارات ) المهم قالت لنا ان اسمها نفس اسمى واتذكرها قالت لى اكيد انت شاطره دام اسمج على اسمى بس انا كنت صغيره واللى بقلبى على لسانى ما اتذكر شو قلت لها بالضبط بس بما معناه انى مب عايبنى ان اسمى مثل اسمها …. لين هنييه ما فيها شىء بس مره من المرات كنا فى الطابور ونحن عندنا من يقولو انصراااف كنت اشل عمري بربعه لين ما اوصل الصف علشان اكون اول وحده ادج الصف …عاااد كنت ياااهل شو اسوي …… المهم كانت هذى النسره علينا وكانت واقفه بنهايه الطابور ….. ويوم قالو انصرااااف كالعاده شليت عمري بربعه انا والبنات منو اللى يوصل الاول …. بس هى يوم شافتنا نركض صيحت علينا …. البنات ردو بس انا لا حياه لمن تنادى ما سويت سالفه و وصلت اول وحده …… بس يا ليتنى ما وصلت اول وحده ……. يوم دجت الابله الصف ما اشوف الا معاها عصا ( يا ويل حالى جنها يايبتنه علشانى ) بس لا معقوله تضربنى انا تخسى الا هى …. بس لا والله طلعت العصا لمن عصا ونزلت بالعصا على ايدى …. طاااخ …. طييييخ …… طووووووخ ……. اووووف شو السالفه ما ناويه تخلص هذى …. يا حليلى اتذكرنى ما فينى احساس …… بس غصب بصيح …. ضربتنى على ايدى لين ما قالت بس الله يهديها ….. وقعدت انا اصيح الا اخذ حقى منها…… وفعلا المعلمات يوم شافونى اصيح استغربن …. حلمووووه اللى دومها تضحك قاعده تصيح… اتذكر ان البنات خبروهم شو السالفه ….وهم خبرو عليها الناظره ….. ومن يومها ما كانت تسترجى تقولى شىء
بس عاااد انا لو يلست اقول شو المواقف اللى مرت على ما بخلص ….. علشان جييه شو رايكم كل واحد يتذكر موقف استو له فى المدرسه يقوله لنا
يالله بااااااااي
مشكور حلم الزمن على هذا الموضوع الي ذكرني بالدراسة
والسموحه
بس الظاهر انهم صبوووووووك بعين …… بس ليش ما كملت الدراااااااااااسه الحين …… الف شكر لك يا اخوى على الرد
حلم الزمن انا هنا لكي احلل افعالك لا اقص لك احداثي .
الحدث الاول :
انت مغرورة جدا تحبين المشاكل وتبحثين عنها اينما كانت لا ترضين بالاهانة حتى وان كانت غير مقصودة متسرررعة جدا انانية في كثير من الاحيان .
كنت اتمنى ان اكمل ولكن اخاف ان يكون كلامي هذا يسبب ازعاجا لك فانا اكتفي واذا اردتي البقية فمن دواعي سروري .
ppp
اشكرك على تواصلك وردك الرائع …….. واللبق
واحب ان اسمع رأي الاخرين بتصرفاتى ….. فأرجو اخى ان تتابع تحليلك لنرى مدى صحه ما تقول
اختك حلم الزمن
فديت حلم الزمن انا ……. 😉
الاستاذ .. كنت قاسي ومتسرع في حكمك .. لانه حلم الزمن غير بوايد عن اللي تصورته في خيالك …. بالع** انسانه محبوبه من الكل …. ودووووووم في وقت الحايه تلقاها .. وما اقول جذيه علشان انها ربيعتي ولكن من عشره من بينا ها الشيء …..
انت حكمت من كلامها وتصرفاتها … وهيه في الظاهر غير وفي قلبها شيء ثاني .. وعمرك ما بتلقى وحده في مثل طيبتها … ولو انه لسانها طويل لكن قلبها طيب وااايد … وحساااسه لابعد الحدود
اما عن لباقتي في الرد فقد سبقتني بها وروعتها لا تضاهي روعة ردودك علي .وانت راعية الاولة .
اما عن الاكمال فانا اسحبه الان لا لاني لا استطيع ولكن لاجل …..
عرف عنه الدهاء فهو يبدي لك خلاف ما يبطن هل تعرفين من هو ؟
العقل فهو يبدي لك الجمود ولكنه هو من يتصرف بالانسان كيفما شاء
اخوك … الاستاذ
عورتي قلبي اسمعوا سالفتي انا. هذا يقولج كنا في الصف الثاني الابتدائي وكنت انا ياية من مدرسة ثانية واندمجت مع البنات بسرعة المهم يوم بعد يوم…اتفقت انا وزميلة لي في الصف ان لما كل البنات يروحون البيت نتم انا وهي في الصف (لأن انا اروح بسيارة وهي تروح بعد بسيارة ) فكنا على هالحال كل يوم نتأخر نتم في الصف لين ما نمل بعدين نروح ونلاقي اهلنا ينتظرونا 😀 المهم 3 اسابيع او اكثر ربما مب متذكرة ونحن على هالحال نرتب الدفاتر مالت المكتبة او نلعب شوي نعدل الادراج طفولة بريئة انا نفسي ما ادري ليش كنا نسوي جذيه … لين ما جا يوم اكتشفوا الادارة ان بنتين موجودين في الصف يالله دوروني انا يوم شفت ذاك الوجه الي داخل علينا ابلة من الادارة وكنت اسميني اخاف منها اموووت لما اشوفها بل كل البنات ما كانوا يحبونها دخلت علينا وهي تطالعنا الى ان كادت عيناها ان تخرج …زختني انا والبنت المسكينة الي سمعت كلامي زختنا من الكندورة وهات ياضرب شو ووووتهل علينا الاسئلة انتو شو تسوون تبون تسوولنا مشكلة اهاليتكم يدورو عليكم ويالله على السب الي حصلنا وانا اصيييييييييييييح والبنت نفس الشي ميودين بعض وخايفين الى ان وصلت السالفة الى الناظرة ووووو بس عاد جني فظحت نفسي اخر شي اكتشفنا ان وحدة من البنات فتنة علينا الغيورة هذي الله يذكرهم بالخير … بس والله ما انسى هالموقف مع اني كنت محبوبة في هالمدرسة لأن امي مدرسة بس مب في المدرسة الي انا فيها لأن الي بمدرستي رباعة امي …. وهذي سالفتي وتعقبها سوالف ثانية …….في اشياء استحي اذكرها لكم
على فكرة حتى انا اسمي غريب ومب موجود عندنا بالامارات ppp ppp ppp
خواطر 😀 😀 😀 هذا علشان اللى استوالج ………. يا حليلج ppp
بقووولج عن اخويه الله يحفظه .. هذا الله يسلمج راعي بوش .. وماله شغل في الدراسه السنه بثلاث .. ودوووم يقول حق ابويه يطلعه من المدرسه بس ابويه هب طايع … لين افتك الحمدلله منهم
تعرفين هوه من النوع العنيف وماشاء الله عليه … عليه جسم … لوووول خله يخوف الاوادم .. على العموم ضاري ينسى كراساااته في البيت … ومره ساله الاستاذ :
وين كراااسك ؟؟؟؟ :rolleyes:
رد عليه اخويه بحسن نيه : في البيت 😀
رد الاستاذ معصب .. وماشاء الله شوه يالس يسوي في البيت .. قاله .. يلعب كوره ppp
ومن يومها ما رد المدرسه … لانه بلاااوي استوت بعدين .. على قوووولتج طاااخ طييييخ طووووخ 😡
بس اخويه طلع سليم والاستاذ الله يذكره بالخير ……. عليه العوض ومنه العوض … ولين الحينه اخواني الصغار.. اذا حد بيقووولهم شيء .. قااالوهم ترى بن**ر فلان 😀
اوكي بقووولج كنا في كلاس العربي .. انزين .. ودووم ها المدرسه الله يرحمها 🙁 تستقص مني ومن ربعي عاد انتى تعرفيني انا وحشرتي ……انزين كنا ثانويه عامة وعلى اخر السنه يراجعون لنا … ودوووم يفصلوني عن ربعي فكنت انا في اول الكلاس والباقين ربعي في اخر الكلاس …. وهاااي تصرخ على هاااي اقوووولج متى بتعرسين .. والثانيه تتمصخر عليها هييه السنه اليايه .. وعاد الكل دخل في دائرة النقاش عن العرس عاد تعرفون بنات وبلاويهم …#G#
وتمت الابله ساكته .. واخر شيء الشله التعيسه نزلووونا عند الاخصائيه .. بس شفعت لنا الوكيله وطلعونا من السالفه … اونه احلام المراهقة 😀
على الله استانستي … لوووووووووووووووول