السلام عليكم
سؤال بريء اوجهه لشرطة المرور في الدولة
<< ليش تحطون رادارات ؟؟؟؟؟ >>
اكيد الجواب : عسب نخلي الكل يلتزم بالسرعة المحددة في كل شارع
حلوووووووو … يعني المقصد من الرادارات اللي منتشره في كل مكان انها تخلي الكل يلتزم بالسرعه المحددة لان السرعة خطر وهم <<< اي الشرطة يخافون على الناس
بس اللي ابا اعرفه … ليش يحطون رادارات متحركة ويدسوونها ورى اللوحات او ورى الشجر او داخل سيارة واقفة !!!!!!!!
يعني اذا هم صج يبون الناس تلتزم بالسرعة المحددة حطوا رادارات ثابتة والكل بيعرف ان هنيء في رادارات وما راح يسرعون يعني نفس اللي نشوفهم في طريج بوظبي – دبي حتى لو بين كل رادار ورادار كيلو
لكن يدسون الرادارات بهالطريقه وتخلي الناس فجأة توقف او اللي يختبص وممكن يستوي عليه حادث هنيء المشكلة وهالشي او طريقتهم بدس هالرادارات تدل انهم يبون فلوس ومب مهم عندهم الالتزام بالسرعة
والمشكلة عندهم طرق في دس <<< اللي ما عرف دس للحين اي خبّأ << هالرادارات عجيبه وغريبه والله هاااااااااااااااع
وفي النهاية ما اقول الا مثل ما قال الشاعر الياباني : وانغ تشو تسي :
لا تلعب بالنار … تحرق أصابيعك
[align=center]
شكلك من اللي يعانون من الرادار اليديد اللي يدسونة ورا اللوحات عند التحويلة إياها
نظرية شرطة المرور في تصوري هي "حجّ وحاجة" .. تخفيف السرعة وجني الأموال .. بغض النظر عن الهدف .. الخطأ من وجهة نظري هو استخدام الرادار المتحرك بدلا من الثابت في تلك المنطقة.
ترى .. من الذي سيمثل شرطة المرور هنا وينوب عنهم في الرد على سؤالك ؟!
[/align]
والله يكون في العون وكل دوله ولها قوانينها أكتفي بهذا ولكم جزيل الشكر والأحتراااام
بالنسبه للموضوع
أعتقد يحطون الرادارات المتحركه ويدسونها لانه الرادارات الثابته صارت اماكنها معروفه ومحفوظه عند الشباب وصار الشباب يسرعون وقبل لايوصلون مكان الرادار يخفون السرعه
فعشان جي يخشون الرادار ويحطونه في اماكن محد يتوقعها
عشان الواحد يحسب حسابه
ويلتزم بالسرعه المحدده على طول الطريج
ولكن مايختلف اثنين بأن السبب والهدف ايضا جني المال
خاصه انه حصيلتهم السنويه تقدر بالملايين
قال : قال الهم انا الحين واقف انتوا شوه عرفكم مسرع والا لا
قالوا له : الردار زخك
قال : انا ما خطفت على رادار
قالوا له :الردار ميود في الزراعه
احسبها انت بروحك لو صور الردار 10 اشخاص ف اليوم كم بيكون المبلغ ف الشهر
القانون ما حد يقدر ينتقده ويقول عنه شي لانه ف الاساس موجود لخدمة الناس لكن لو ما كان محاطي ورا الشير ولوحات الاعلانات #lauth
ومثل ما قالوا المتحرك لان الناس حفظوا الاماكن …
لا تسرع واااايد مافيها فايدة السرعة .. الله يحفظ الجميع ان شاء الله
اشحالكم
ليش نسالهم شو السبب
نسال انفسنا ليش ما ننلتزم بالسرعه
هم حاطينه يتاكدون الناس ملتزمه بالقانون والا لا مب عشان يخففون السرعه
اللي ملتزم اموره طيبه واللي مب ملتزم يتحمل نتيجة غلطة
(انا اتكلم من وجهة نظر الشرطه وهي صائبه حتى لو اني اول المتضررين )
الخيال
ماشاء الله استانست يوم شفت ردودكم حمدلله على السلامة اخواني وين هالغيبه بارك ا لله فيكم اشتقنالكم !!
يله عودا حميدا واتمنى مشاركاتكم الدايمة
بالنسبة لموضوع الرادار
ياخوي المرعب انا وايد متأذي منها 🙁
حتى وهو جدامي يوم اكون مستعيل ما اخف 🙁
بس ان شا ءالله اسطلب
وكل الردارات في دبي يعني ماشي قاضي ينزلك المخالفات 🙁
على العموم الله يحفظنا من شر الحوادث وانا اتوقع بأن الردارات سبب رئيسي لتخفيف الحوادث حتى ولوكانت متخفية لأنه الناس بتتخوف بتقول الرادات في كل مكان ومافي مجال للسرعة فبتحصله هالشخص يخف سرعته طول الشارع مب يوم ايي عند الرادار يخف وبعدها يسرع
عرفت قصدي
؟؟
المهم الله يسلم الجميع
الرادارات سالفة لا تنتهى
امس انا خاطف من بو ظبى فى الليل و قبل شيشة البترول اللى فى بانياس
و الا يشب على ظو
ما ادرى بنغالى بيلحم فى الرصيف
و الا ياهل قايم يصور ربيعه و اهو على السيكل
و الا رادار زخنى
خبرنى شى رادارات فى بو ظبى تسوى فلاش ؟؟؟؟
ولو المخالفه بدون حجز جان اخوي دفعاها بدون ما يشوف الصوره