شحالكم .. عساكم بخير ؟؟
مشكلة البطالية لا شغل ولا work
المهم ندخل في محور حديثنا ، يت في بالي ألعب شوي وأغلس في جم عضو أسوي فيهم مقلب
بس جيه نغير جو المنتدى ، وقلت ببدأ بالأمير بس هذيج الأيام كان مختفي ومنو الضحية الي بعده
طبعا ملك التزويد ، كان خاطري اسوي مع اكثر من 10 أعضاء بس للاسف الاشخاص الي ادورهم مب موجودين في منهم وفي منهم وقت دخولهم للنت مخالف مع وقت دخولي ، وانا بعد تعبت لاني شفت حد يطنش وحد مب عاجبنه الموضوع من الاساس لوول .
وبالنسبة للي سويت معاهم في منهم بارد هم رفعوا ضغطي ومنهم من عصب عالموضوع ومنهم راح تلاحظون خلصت وياهم بسرعه لاني خفت يطنشون مثل ما سوا غيرهم .
ما يخصني تفاهموا مع ( ملك التزويد ( قالي أسوي مع الأمير ) / الأمير ( عطاني التصريح وقالي عندج أياهم ) / بنت الزعيم ( نفس الأفكار كانت أهي مسويتها) / أبلة شموخ النخيل ( ماخلت اسم ماطلبت اني اسوي معاه بس للاسف ماكان عندي وقت وبعضهم ماشفتهم وبعض منهم ما اعرفهم عدل )
&&& أنت تختار &&& 
مابطول أكثر من جيه وراح أبدأ معاكم والبداية مع الشباب بعدين البنات .
والكلام منقول حرفيا
&&&
؛¤ّ,¸¸,ّ¤؛°`°؛¤ ملك التزويد ( كان هادي وبعد شوي بدا يعصب ¤؛°`°؛¤ّ,¸¸,ّ¤؛
السلام عليكم
شحالك أخويه عساك بخير
اخوي ممكن سؤال
وآسفه عالازعاج
وعليكم السلام
انا الحمد لله بخير وسهاله
امري اختي
اخوي لا تزعل من كلامي
بس حبيت اعرف واتاكد منك
انا سمعت كلام ان هالمنتدى مب منتداكم
صج هالخبر ؟؟
وانكم شارينه من واحد ومادفعتوا البيزات ؟؟
انا واحد من الاعضاء قالي وماصدقت بعدين قريته بالمجله
ادري ان ماعندي سالفه بس حبيت استفسر
السلام عليكم ..
اختي عيناويه لو حد غيرج قايل ها الكلام كنت بقول ماعليه بس انتي الي من فتح المنتدى وانتي مشاركه فيه مع عيناويه للابد وعين الامارات ..
المهم اختي
صح المنتدى هذا مب منتداي انا وما يخصه فيه بس هذا منتدى الامير هوه الي بناه من الصفر يعني لا كان عند حد ولا هو شاريه من حد .. وها الشي انا متأكد منه اكثر من الي متأكد من نفسي |:
وبعدين هو له كذا دومين
www.uae4ever.com
** شبكة الإمارات للأبد – U A E 4 E V E R . C O M **
uae4all.com
** شبكة الإمارات للأبد – U A E 4 E V E R . C O M **
www.myuae.net
ما ادري شو غرض الي قايل لج ها الكلام بس أتمنى انج توصلين له ردي هذا وبعدين ابغي اعرف شو الكلام الي انكتب في المجله !!
سلام
أخويه ملك التزويد أرجوك لا تفهمني غلط
وانا ما اعرف منتداكم من يوم والا شهر والا سنه
فترة طويلة وانت بروحك تذكرها وتعرفها وتعرف الايام الحلوه الي عشناها بهالمنتدى
وانا لو ما احبكم او اعزكم جان ما اهتميت لان كلام الناس والجرايد وايد ,,, عشان جذي هالعضو قالي اسالي وتاكدي
وانا وصلت هالكلام لهالعضو وقالي انك جذاب ؟
عالعموم يا اخويه سلطان انا راح اسوي سكنر لـصفحة المجلة
عشان اتشوف كل الكلام .
وكانوا يتكلمون على منتدى الامارات للابد ـ انا اول ماشفت الكلام انصدمت قلت يمكن منتدى ثاني ترابط الاسماء بس بعدين حطوا الرابط وصورة من منتدى.
هلا اختي عيناويه
اتريا منج تسوين سكان للصفحه الي قلتي عنها
وانا مستغرب منج انج مب مصدقتني !!
ماطاع يستوي سكان
والشخص اعتقد تعرفونه
وبعدين يا ملك انا لو بجذبك ما بقعد استفسر واتخبر
ولان هالشيء يهمني
وحبيتك تعرفون ان في ناس يرمسون من وراكم
انا مالي خص … لازم اشوف هالمجلة
وبعدين شو اسم هالشخص
ومنو يكون وكيف يعرفنا.؟
ما اقدر اقول لك
وانا مابي اسوي مشاكل بينكم
وهو قالي قبل لا تفتحون المنتدى كنتوا ربع وهالمنتدى له
وعقب باعه عليكم …..
لا حول ولا قوة الا بالله
ليش مب راضيه تقولين هو منو
ابي اصحح هالمعلومه
خلاص بقول اسمه ولا حول ولا قوة
اسمه هزاع وما اقدر اعطيك رقمه مافيني عالمشاكل
انتي ليش خايفه
والله مابسوي فيه شيء
بس ابا اعرف من وين ياب هالرمسه
وصدقيني هو يجذب عليج
والله يسامحج يا عيناويه
ماهقيت منج هالشيء
وبليز عطيني الرقم
اسفه يا ملك
ما اقدر … وخلاص انا مصدقتك
وياليتني ماقلت لك
انا اسف اذا اصريت عليج
ومشكوره انج خبرتيني
وسموحه منج
ملك التزويد انا اسفه
شو تضايجت
خلاص بقول لك السالفه وبعطيك الرقم هالانسان وسير تفاهم وياه
بس قبل انزل تحت
اخوي ملك
لا تعصب خلاص بقول
صااااااااااااااااااااااادوه
هع هع هع انا اسفه لا حد رمس عنكم ولا مجله ولا خرابيط
السالفه بما فيها حبيت اسوي معاك مقلب خفيف
وسموحه منك اخوي ملك لاني قاعده اسوي مقالب بالاعضاء
و انت كنت الضحيه الاولى
بليز لا تزعل
واذا حد بخاطرك تباني اسوي في مقلب قولي
وسموحه
الله يسامحج لعبتي باعصابي
واقول بخاطري معقوله عيناويه تصدق هالرمسه
وخليتيني اضحك على عمري
وحلوه منج ونتريا هالموضوع
واباج تسوين ويا الامير
&&&&&&&&&&&&&&&&&&&&&&&
&&&&&&&&&&&&&&&&&&&&&&&&&&&&&
؛¤ّ,¸¸,ّ¤؛°`°؛¤ نبيل ( من أولها معصب ) ¤؛°`°؛¤ّ,¸¸,ّ¤؛
السلام عليكم
شخبارك عمو نبيل
آسفه عالازعاج
واكيد مستغرب من رسالتي
بس حبيت أقول لك الله يسامحك
اتوقع أي حد يتكلم من وراي الا انت
وسموحه
عليكم السلام و رحمة الله و بركاته
هلا بالعيناوية
اى كلام الله هداج
انا تكلمت عنج
متى و كيف و اين ؟؟؟؟؟ و من وراكى
استغفرك ربى و اتوب اليك
ارجو ان توضحى لى الامر بسررررررررررررعة
هلا عمو نبيل
والله ما أدري بروحي انصدمت
ومشكله الي وصل لي هالرمسه
عضو من الاعضاء الجدام والي متواصلين معاك
لو حد ثاني مابصدق والله
قالي ان انت رمسة عني رمسه مب زينه
حبيت استفسر منك
يا اختى الفاضلة
انا لا ارتبط باى علاقة مع اى احد من المنتدى
لا جدام و لا يداد
الا مع الامير و اخوانه
و بعض من كان فى الملتقى
المهم
انا ما اتكلمت عليج ابدا
و لا تصدقين اى احد ………… هذا مو بطبعى ابد
انت اخت كريمة يعتز المنتدى بامثالج
و من النوع المخلص النادر فى هذا الزمن
تقبلى تحياتى
و بارك الرحمن مسعاكم و وفقكم لكل خير
أخويه
أول شيء ليش معصب علي أنا ؟
ثاني شيء الي قالي هالرمسه واحد من الي كانوا بالملتقى
واتمنى هالشيء يكون بينا عسب افهم شو بالضبط
رد علي هالرساله بس عقبها بقول لك شيء وراح تفهم كل شيء
انا مو بمعصب يا اختى الفاضلة
الاحساس بالظلم هو الذى جعلنى اعصب
انا مو بطبعى ابد
اتكلم على احد
و ردودى فى المنتدى تشهد بذلك
و علاقتى مع الجميع افتخر بها
و اول مرة من ست سنوات يمر بى هذا الموقف
ارجوك ان توضحى لى الامور
السلام عليكم
عمو نبيل
الحقيقه هي الي انت ماتعرفها هو ان
أجذب عليك 
السالفه يا عمو نبيل كلها تأليف من عندي
حبيت أسوي فيك مقلب
ولاتزعل مني
وبليز لاتخبر حد
&&&&&&&&&&&&&&&&&
&&&&&&&&&&&&&&&&&&&&&&
&&&&&&&&&&&&&&&&&&&&&&&&&&&&&&
؛¤ّ,¸¸,ّ¤؛°`°؛¤ الجارم ( كان هادي وبعدين ماله نفس يكلمني ) ¤؛°`°؛¤ّ,¸¸,ّ¤؛
السلام عليكم
شحالك أخوي الجارم ؟
عندي سؤال ؟
أنت ليش تكره العين وحاقد عليه وايد ؟
أهلا ً اختي عيناوية بجنون
أولا ً اشكر رسالتج …
اما ماورد في الرسالة من اني اكره العين واسبهم … ما عرف شو الي استندي له في هذا الموضوع…. فمن خلال مشاركتي في الإماراة ماظن ورد رد اني سبيت نادي العين مباشرة او ورد لفظ اني اكره الزعيم ( واذ كان هناك شي فيمكن ترسلينه لتوضيح الأمر)….
صحيح ان ما شجع العين محليا ً …. لكن هذا ما يخليني وانا اعرف ان معظم الأعضاء يشجعون الزعيم اغلط عليه بحدود خارجه عن الأدب…. ولا تراكم ما بتقصرون. فارجو ان الامور ما تأخذ بحساسية
أخيرا ً …..
انا اعتذر اذ كان هناك ما سبب اذى لمشاعركم الكريمة …..
وبالتوفيق للزعيم
أخويه الجارم
شهادتي فيك مجروحه بخصوص هالمنتدى
لان بهالمنتدى ماشفت منك الا كل خير
لكن الي أقصده ان مشاركاتك في منتدى ثاني كلها سب في نادي العين … أنت ماييت في بالي لان فرق بالاسلوب بس ناس معاك بنفس هذاك المنتدى قالولي تعرفين منو هالشخص قلت لا طبعا ما اعرف عقب قالولي هذا الجارم الي وياكم بمنتدى الامارات
عسب جيه انصدمت … وانا لو ما اعرفك كأخ عزيز وغني عن هالسوالف جان ماتعنيت اطرش بس هالي انا مستغربه منه
شكرا ً على ردج الطيب
وتعقيبا ً على الموضوع….
أولا ً : يمكن انا عضو في عدد معين من المنتديات لكن ابدا ً ما شاركت فيهن …. انما مشاركاتي مقتصرة على منتدى الإمارات فقط ومنتدى الهلال السعودي(alzaeem)( اشارك فيه احيانا ً واغلب مشاركاتي تصب في الدفاع عن منتخباتنا الوطنية وانديتنا المحلية واخص العين ممثلنا الآسيوي ويمكن التأكد من ذلك ) اما غير هذا فلا… فوقتي لا يسمح …
اما اني اكتب في منتديات اخرى اسب العين واغلط عليه فهذا ابدا ً (ماعرف يمكن مجرد تشابه في اسم العضو)مب من طبعي علاوة على ذلك مثل ما ذكرت أولا ً اني ماعندي اي مشاركات أخرى في منتديات أخرى ….(مب راعي منتديات)
أكرر شكري لج اختي العيناوية … والأمر اذ كان صحيح بقول انا غلطت على نادي العين وسبيته في منتدى آخر ما ظن في داعي اني اجذب ….. لكن تاكدي تماما ً انه أمر عار تماما ً من الصحة
ملا حظة : بس ممكن تخبريني عن المنتدى الي فيه ( كما قيل) مشاركات لي فيها سب للعين ( من باب الفضول ) اذ سمحتي وكيف عرف الشخص الي خبرج بهذا الموضوع اني نفس الشخص ( شي غريب فعلا ً )
ارجوا ان يكون ردي كافي …. والسموحة
سؤال
أخويه الجارم ليش معصب علي أنا
أنا مالي ذنب
بس سمعت شيء ووصلته لك وحبيت أعرف
وتأكدت من هالشيء
بتقولي كيف عن طريق الاي بي
مع تقديريي البالغ للكلام الي تقولينه….
لكني وضحت الأمر في الرسالة السابقة …..
إقتباس:
طريق الاي بي
لو تعطيني تفاصيل دقيقة يكون أفضل ….
تحياتي لج أختي عيناوية بجنون….
هلا أخوي الجارم
ليش تقول آخر رسالة ؟
خلاص أنسى السالفة
بس الشخص الي قالي يعرفك عز المعرفة
اسمحيلي اختي العيناوية …. لان الموضوع خذ اكثر من حقه.. انا بينت موقفي وانتي مصره على اني اكتب في منتدى آخر واسب العين وقلت اكثر عن مرة اذ هذا حصل بقول مافي داعي للخوف…..
إلي خلاني اكتب هذه الرسالة
إقتباس:
الشخص الي قالي يعرفك عز المعرفة؟؟
بس احب ابين شغلة لكي لا اكون جذاب كل منا له ميوله الخاصة ( ناديه الخاص الي يشجعه) وانا اشجع …… وربعي اغلبهم عيناوية فشي طبيعي يحصل بينا كلام انا اطيح بالعين هم يطيحون بالوحدة هذا يحصل للكل… انا اشجع اليوفي واكره الانتر وميلان ….. ( وهذا الأمر ما ظن يهمج)
لكن اكتب في منتدى آخر ( رغم اني غير مشارك إلا في هذا المنتدى مثل ما ذكرت سابقا ً) واسب العين ما حصل …. وما اعرف شو المطلوب….
ودام ان هذا الشخص يعرفني خاطري اعرف من هو ( اذا سمحتي)
في الأخير تقبلي خالص اعتذاري….. اذ بدر اي امر مزعج مني بالنسبة لكم
وبالتوفيق للزعيم غدا ً أمام شقيقه الوصل …. ( بس انا وصلاوي باجر 
)
واذ فاز العين بكون من أوائل المهنئين
( ان شاء الله تكون آخر رسالة بخصوص هذا الموضوع)
هلا أخوي الجارم
رسالتي الأخيرة تقول لك وخلاصة كلامي
أن كل الي صار جذب في جذب
وسويت فيك مقلب وأنا آسفة
وآسفة مرة ثانية ولاتزعل أخوي الجارم
ولا تخبر حد
وعن المباراة عقب المباراة بنتفاهم
يتبع
السلام عليكم
شحالك أخويه خلية نحل
أخوي ممكن سؤال وياليت يكون بينا هو خاص بالمنتدى ؟
وعليكم السلام
الحمد الله بخير .. وانتي شو أخبارج وأخبار رمضان معاج ؟؟
تفظلي وليش الإستئذان في السؤال ؟؟
خذي راحتج ..
تحيتي لكم
حمدلله ورمضان أوكي دام اني باجازه lool
زين أخوي … أنا آسفه عالتطفل
بس لفت انتباهي شيء
ولا تزعل مني وعلى صراحتي
واتمنى يكون موضوع بينا
اذكر قبل كنت وايد تشارك بالرياضه
والحين لا والسبب واضح ان الامارة الرياضيه ماتشجع حد يشارك
وما ادري اذا شفت موضوعي عن الاجتماع الي مسويته
انا سويته لان وايد اشخاص يسالوني عن الامارة وعن الاعضاء من بينهم انت قلت لهم خلية موجود بس مايشارك الا بالقسم الفوتجرافي … وعقب هالعضو قال اصلا خلية نحل ما ودر الرياضه عسب الخمول هو ودرها لانه شاف محد بالقسم التصوير ويبي يثبت نفسه بس عشان الاشراف
وانا بصراحه انصدمت لكن عقب تاكدت من كلامه والي اكد لي الكلام واحد من المشرفين ….
انت شو رايك
واتمنى ماتخبر حد واتمنى اكثر ماتزعل مني : (
في البداية إجازة طيبة إن شاء الله ..
اختي الكريمة زين أنج خبرتيني عسب تاخذين كلام الطرفين وليس طرف واحد .. أنا من زمان قلت كتاباتي في مجال الرياضة وصحيح أني اكتب في الجريدة لكن صدقيني في عالم المنتديات ما أكتب مثل أول .. وقولي حق إلي قالوا هذا الكلام ان علي بعد مشرف في منتدى شرجاوي وهو رياضي بحت وبنفس الأسم لكن مايكتب بالمره ولا حتى في أي قسم .. وعن الإشراف الشباب عرضوا علي وقلت لهم لي الشرف وتفاجأة بخبر تعيني مشرف .. و في الفترة الماضية كنت اشارك في التصوير و التصميم و عاصمة الإمارات و ألحين في الخيمة الرمضانية وبعد شاركة في الطبخ وإذا حد عنده إعتراض ما عندي ادنيات مشكلة أعتذر عن الإشراف .. وكنت حاط في بالي أيلس أنزل مواضيع في الإمارة الرياضية وحتى يمكن شفتي موضوع عن الدوري الإنكليزي ورديت على بعض المواضيع ..
المهم أنا مستانس انج قلتي .. ومافيها زعل وإذا حد في نفسه شي خله يقولي و أنا بكون له من الشاكرين .. وإذا حد عنه إعتراض علي فأنا بقدم إعتذاري عن الإشراف وبشارك كعضو عادي .. و ليش بفكر بالإشراف هل يعني عسب أكون خقاق ..
الله يوفقج في الإمارة الرياضية وقريت الموضوع وقلت برد بس قلت بعد قترة ..
تسلمين على الرسالة وسوري على الإطالة ونحن في الخدمة ..
تحيتي لج
هلا اخوي خلية
الي وصلي هالكلام
مشرف بعد
وتعرف شو قالي قال هذا خلية ماصدق من قلنا له بتصير مشرف
شرجاوي ماينلام امبونهم الشرجاويه مب شايفين خير وتم ما اعرف شو يخربط
أنزين أتمنى تقولين له أنه يكلمني ويقولي ..
إذا هو صدق يبغي يطور من هذا المنتدى ويخاف عليه ويحبه لازم مايخش مثل هذي الرمسه ويطلعها للكل مب يحتفظ فيها لنفسه ..
ولو تسمحين لي أنا برمس المشرفين أن كان في أي إعتراض ..
و بالع** أن تم تعفيتي من الإشراف راح يكون العبئ علي أقل ..
تعرف ليش قال جيه
اونه لانه هو من زمان بالمنتدى
قلت له حتى خلية النحل من زمان وانا اذكره على ايام الامارة الرياضيه وماشفت منه الا كل خير
عقب قال صح بس هالانسان يقردن الامير من الصبح بس عسب الاشراف
قلت له انا ماعندي رد عليك واذا عندك رمسه سير قولها حق الريال مب ترمس من وراه او اذا في اي اعتراض رمس الامير والا حط موضوع ليش اتم ترمس من ورا خلق الله
أولا أنا أسف على إزعاجج بهذي الرسايل إلي أكتبها لج ..
الحمد الله وجودي في المنتدى كمل تقريبا 6 سنوات ..
وانا عرفت الأمير من فترة قصيرة وحتى ماصارلي الشرف أني ألتقي به بس بالتيلفون ..
وإذا كنت أبغي أقردن الأمير فمن زمان كنت بسوي لاني اعرف الخليفة من فترة طويلة وهو جريب من الأمير بشكل كبير ..
بس ممكن تقولين لي من هذا العضو ولا تخافين مابطرش له شي أبد .. يمكن ايام ما كنت الإمارة الرياضية قوية وماخذة كل الأنظار أستوت إختلاف في وجهات النظر وهو خذ في خاطره ..
ولا تخافين الإمارة الرياضية بترجع قوية بس يبغيلها بعض الترتيب ..
ومره ثانية سوري على الإزعاج .. وشكلج تقلولين ليش بلشت عمري
تحيتي لج
بالع** اخوي خليه
انا لو بلشت عمري مابتفتح الموضوع من بداية من الاساس
وعلى فكره في ناس بعد غيرانه منك
لاني انا مره افترحت عليهم اشراف حق وحده وشاده حيلها بقسم من الاقسام وماطاعوا
المهم ماعلينا اخاف اذا قلت لك منو هالشخص تنصدم منه لان وايد قريب منك احسكم واخاف اسوي مشاكل بينكم
ياحظي على شو يغارون !!
لا عادي قولي أسمه وشرط علي أني ماطرش له شي ..
ههههه
ضحكت على جملة يا حظي على شو يغارون
صدقك والله
أخوي خلية اتضايجت من هالرمسه صح ؟
صدقيني ماتضيجت .. بس ليش هذا الشخص شكالج وما قالي على طول .. هل هو خايف اني أزعل أو أفهمه غلط .. المهم تسلمين على متابعتج للموضوع .. بس ياريت تخبريني من هذا الشخص وماراح اتعرض له " يالسين في الفريج " ..
صوم مقبول ولاتنسينى من دعائج الصالح ..
تحيتي لج
انت وعدتني ماتقول له ولا تقول لاي شخص
مابي اسوي مشاكل
وحلفتك بهالشهر ماتخبر حد
وانا مابيك تنصدم من هالشخص
الي قال هالرمسه هو ملك التزويد
ويا خلية نحل ارجوك لا اتيب طاري لاحد
مثل ماقلت لج كأني ماعرفت منوا قايل الكلام ..
بس ليش قال هذا الكلام يمكن أول كنت احط على الوحداوية وهو شايل على خاطره ..
المهم و الله أني مسامحه وشو يقول عني أعذره فيه "الدنيا ماتسوى " وهو نائب المشرف العام يعني كان يقدر يرفض ويمكن تعرفين هذي المعلومة انه اخو الأمير ..
لا تشيلين على الريال او تفكرين انه شخص ثاني ..
لا ملك التزويد خوش ريال صح أني ماعرفه ولاسمعت صوته .. بس و النعم فيه
تسلمين لأنج خبرتيني ..
تبغين الصراحه شوي انصدمت وياريتني ما كنت مشرف ..
تحيتي لج
أول شيء بضحك
هههههههههههههههههههههههههههههههههههههه
أخوي خلية نحل انزل تحت شوي
أخوي خلية نحل محد رمس عنك ولا قال عنك شيء
حبيت اسوي معاك مقلب خفيف عشان اقيس الضغط شوي
يقولون مرتفع شوي هالايام
اسمح لي يالسه اسوي مقالب في الاعضاء وانت منهم
ويحليله ملك التزويد ماقال شيء ومايعرف اني قلت لك هالشيء
انا سويت معاه مقلب وكان اول شخص و لأنه مب موجود
عالعموم اخوي خليه لا تضايج ولاتزعل ترا الا مقلب
و**رت خاطري اسوي معاك مقلب تكلمني عن الامارة الرياضيه
وسموحه منك واهم شيء ماتكون زعلان
و الله إحساسي كان يقولي هذا الشي 
.. لأنها ثاني مره تستوي .. الله يسامحج .. خليتيني أضحك على نفسي .. أنزين براويج يالويه
ما دري شو أقول " صايم " مابغي أخرب يومي
ثان**
؛¤ّ,¸¸,ّ¤؛°`°؛¤ سيد الخواتم ( بسرعه زعل وتحسس من الموضوع ¤؛°`°؛¤ّ,¸¸,ّ¤؛
&&&&&&&&&&&&&&
&&&&&&&&&&&&&&&&&&&&
&&&&&&&&&&&&&&&&&&&&&&&&
السلام عليكم
شحالك اخوي سيد الخواتم
عساك الا بخير
بعيتك في موضوع
خاص وسري بينا
وهو بخصوص موضوعك عن ريال مدريد
يعني انت غايب فتره
وفجاه ترجع بموضوع استفزازي ليش ؟
شكله تحب المشاكل
واتمنى هالرساله بينا
وسموحه عالازعاج
الحمد لله انا بخير اختي العزيزه عيناوية بجنون … الله يسامحش انا احب المشاكل انا بقولش ايش سبب الموضوع … مثل ماانتِ عارفه لى فتره طويله من المنتدى صح بس تصدقين ادخل عليه دائماً وبإستمرار بس المشكلة اني مااقدر اكتب مثل اول يعني احس اصابعي ماتبي تكتب شئ بالرغم ان لدي مواضيع كثيره سواء فى العاصمه او الجرافي** او التصوير وبكل الاقسام بس ماادري عين صابتني هم يضحك وهم يبكي بس اللي اقصده ان المنتدى واهل المنتدى هم اهلى وربعي وعمري ماافكر ازعل حد او اثير المشاكل وانتِ تعرفيني وايد.. وبخصوص الموضوع حق الريال الصراحه لقيت ماحد تكلم عن الفوز هذا وخصوصاً ان إماره الرياضة دائماً تهتم بكل البطولات وتغطيها بشكل جميل قلت اجس النبض واشوف ايش سبب عدم انزال اي موضوع عن فوز الريال هذا اللي حصل فقط … وعندما قلت وينهم اهل برشلونه مانشوفهم كان من باب المزح والدعابه …
شكراً جزيلاً على الرساله التي تركت فى نفسي اثر طيب بأن هناك من يسأل…
والسمووووووووووووحه
أخيرا رديت
هالرساله من ألف قرن
لا خلي عنك انت تبي تثير المشاكل
انت تقول حبيت تكتب موضوع لانه محد كتب موضوع
اصلا الامارة راقده وييت انت واثرت المشاكل
وانا ما اسمح بهالشيء
خلاص ولا تزعلين اختي المشرفه العزيزه
ماراح اكتب مره ثانية فى الإمارة الرياضية ومايكون الا خاطرش طيب بس صج الموضوع مافيه شئ حتى الردود اللي فيه تتمتع بالروح الرياضية ولم نصل الى اي مشاكل كما ذكرتين وصدقيني مافي شئ يستأهل فى هذه الدنيا ولن تبقى
الا الكلمة الطيبه والتعامل الجيد بين الناس
والسمووووحه مره ثانية وبالتوفيق ان شاء الله.
أخوي سيد الخواتم ليش زعلت
عالعموم أنا آسفه
حبيت أسوي معاك مقلب بس
تعيش وتاكل غيرها
واتمنى ماتخبر حد
وموضوعك عادي ومافيه شيء
وخذ راحتك
عيبتني كلمة المة الطيبه والتعامل الجيد ادري تقصدني
وسموحه منك
الصراحة انا شكيت فى البداية تكون مقلب بس قلت ماادري الظاهر الموضوع بجد وخصوصاً من طريقة الكتابة اللي ماتدل على انه مزح بس الحمد لله ان مافي شئ لاني بالفعل تأثرت وقلت مافي بينا الا كل خير ايش اللي حصل !!!!
&&&&&&&&&&&&&&
&&&&&&&&&&&&&&&&&&&&
&&&&&&&&&&&&&&&&&&&&&&&&
؛¤ّ,¸¸,ّ¤؛°`°؛¤ صقر السعودية ( أكثر انسان عصب وازيدكم من الشعر بيت كنت كاتبه موضوع ومارد علي ومن عرف انه مقلب هو اكثر واحد شارك بالموضوع رضى الاخ بس ماتوقعته عصبي ) ¤؛°`°؛¤ّ,¸¸,ّ¤؛
السلام عليكم
شحالك اخوي صقر عساك بخير
اخوي صقر بصراحه تعبت من تصرفاتك
مره تحط مواضيع ومره تختفي فجاه
وانا كرهت اشارك بالقسم والسبب انت مب قادر تتفاهم معاي
عشان جذي صارلي فتره ما اشارك
بعدين في موضوع البارحه عن المنتخب السعودي في عضو حاطه ليش حذفته ؟؟؟ هو ماغلط عليكم
اتمنى توضيح سبب الحذف
وياليت الموضوع بينا
بسم الله الرحمن الرحيم .. ؟؟؟ وش السالفة..؟
اولا شي والله مامعاك حق في اسلوب رسالتك ..
اولا انتي تعتبيني على انك مافهمتيني..؟؟ والله شي غريب
انا اقوم بانزال مواضيع ومالقى تجاوب لا منك ومن الغالبية ..
وبعد ذلك تجي فترة مافيها مبارايات ماراح انزل مواضيع وبعدين لو نزلت هل راح تتفاعلين معي اصلا يوم انك تعاتبين ..؟
والله ماتوقعت رسالة بهذا الاسلوب .. !!
انا الحمدلله لايوجد اي تقصير مني ولله الحمد .. اسالي الجميع
وبالنسبة للموضوع الي تقولين حق العضو ماشفته علشان احذفة..؟؟ وما ادري وينة ..؟
انا ماغلط على احد .. ولا احذف اي موضوع الا بعد بيان السبب للعضو وليس (( لكـــ )) …
وبعدين يرجى الارتقاء بمستوى خطابك مع الاخرين ..
انا ما ادري وش ورى رسالتك ..؟؟
عموما اللي عندي قلتة ..
واذا انا مسبب كابة لك اقدم اعتذار عن الاشراف للامير..
والله شي مايدخل المخ تتعب وتنزل وتنقل اخبار وتجيك رسالة بهذا الاسلوب ..؟
اشكركـــ جزيلـــ الشكر ..
بسم الله
أشفيك
انا ماقلت شيء سالتك عن الموضوع بس
واشفيك بعد كل كلمتين اسلوب واسلوب
عدال اخوي ما اعتقد اني سبيك او غلطت عليك
قلت لك اشفيك مسحت موضوع الاخ وكان عن المنتخب السعودي
العضو مطرش لي رساله معصب علي
ومافي مشرفين بالقسم الا انا وانت وصلاح …وصلاح مو موجود
وبما ان الموضوع عن المنتخب السعودي قلت يمكن انت ماسحه
بعدين اي مواضيع الي تتكلم عنها وتقول تتعب فيها واني ما ارد عليك ؟
انت الي كلتني بقشوري مب انا
ماتوقعتك جيه اببد والله
وانتي الي همسك ماينسمع
وش تتوقعين واحد راح يكون ردة اذا انتي ..
تقولين انا (( مليتــــ من تصرفاتكــــ ..؟؟ ))
وانت (( كرهتني الاماراة ..؟؟))
اقول اسف يعني .؟؟!!
وبالنسبة للمواضيع انا اقلـــ شي انقلـــ مواضيع واخبار .. ما اجلس اتفرج ,,,
وبالنسبة لحذف الموضوع انا ماحذفتـــ موضوع .. ولا يوجد احد ارسل لي وقال حذفتوا الموضوع و معصب .. !!
أخوي صقر
انت عصبت مني ؟
وشوو قصدك ما اجلس اتفرج …؟ يعني انا ما اسوي شيء صح
اختنا الفاضلة ..
انا الحمدلله وماني مقصر بشهادة الكلـــ وماراح اقصر ..
بس انتي رفعتي ضغطي ..
عموما الي صار صار ..
الاهتمام بحالـــ الامارة افضلـــ من القـــــــاء اللومــــ ..
الله يكون في العون
أخوي صقر السعودية
انزل تحت شوي
صادوه
لا تزعل ولا تضايج
حبيت أسوي معاك مقلب خفيف
وارفع ضغطك
وسموحه منك ولا تزعل
والله اني مدري وش اقولـــــــــ …؟؟
انا اول ماشفت الرسالة .. قلت عيناوية تقصدني .. ولا انها مرسلة وهي نايمة..
انا قلتـــــ وش صار لها ..؟
هههههههههههه
بروح انوم <— اوف والله اني ارتحت .. قلت وش صار لها ..
عموما لكلنا المقلبــــ 100% ..
والله يعين الباقي ..
وكلـــ عامـــ وانتي بصحة وسلامة ..
ههههههههه
لا تشلين في خاطركـــ شي استاذتنا الفاضلة ..
السلام عليكم
شحالج أختي شموخ عساج الا بخير
السموحه عالازعاج بس ابي اسالج سؤال
وياليت يكون بيني وبينج
أنتي معلمة صح ؟
لان مره كتبتي موضوع وقلتي هالشيء
ولاحظت انج وايد عصبية ؟@
وعليكم السلام ورحمة الله وبركاته
إقتباس:
شحالج أختي شموخ عساج الا بخير
بخير وعافية الله يسلمج بصراحة فرحت يوم شفت رسالتج لاني ما تقعتها بالمرة
إقتباس:
السموحه عالازعاج بس ابي اسالج سؤال
وياليت يكون بيني وبينج
حاضرين انا مب مشخلة
إقتباس:
أنتي معلمة صح ؟
لان مره كتبتي موضوع وقلتي هالشيء
هيه صح انا معلمة
إقتباس:
ولاحظت انج وايد عصبية ؟@
منو قال مب زين الاشاعات
اكيد شفتي ردي اليوم على موضوع الفجر الصادق مال ((أسف))
شو اللي خلاج تحكمين علي اني عصبية يبين علي
اتريا ردج
هلا وغلا أختي
سوري عالتأخير
أمممممم لا أنا ماشفت الموضوع
بس قبل قريت جم من موضوع
ولا أزيدج من الشعر بيت في جم من عضوه يالسات يحشن في بنات المنتدى ويابو طاريج ومن الكلام الي قالنه عنج انج عصبيه ودفشه وقالن وايد كلام
اتريا تعليقج على الكلام
عاااااااااااااااااااااااااااااااااااااااااادي فديتج
اللي ما يطول العنب حامضن عنه يقول
دفشة دفشة مب مشكلة
خليت الرقة والنعومة والانوثة كلها لهن
هههههههههههههههههههههههه وبعد ههههههههههههههههه وفوقها ههههههههههههههههههههههههههه يعني 3 ضحكات من الخاطر
سلمي عليهن وقولي لهن واثق الخطوة يمشي ملكا
تسلمين الغالية على اهتمامج
زين ليش عصبتي
انا ماقلت شيء هن الي قالن
أحسج زعلتي وتضايجتي
حشا والله العظيم اني ما زعلت منج ولا تضايقت بالع** ما تتصورين شكثر ضحكت ومن الخاطر بعد
والله الشاهد علي وها يمين بتحاسب عليه يوم القيامة
من جد اقول لج اني مب متضايجة منج ولا زعلانة والله انه رسالتج وكلامج رسم الابتسامة على ويهي وخلاني اضحك
لاني من جد ما هتم ما فيهم
اتمنى انج ما تكونين متضايجة ولا شالة ف خاطرج شي
نبقى كلنا خوات ف المنتدى
شموخ يا الدبه
محد رمس عنج ولا قال شيء
بس أنا يالسه ألف عليج
وكل الكلام الي قلته جذب في جذب
لأني
امممممممممممممممممم
أبي أسوي فيج مقلب
لاني والله أعزج
ولا تزعلين مني
هههههههههههههه وبعد ههههههههههههه وفوقهم 3 هههههههههههههههه دعاية مجانبة من عندي
المهم يالحلوة طلعت براءة قلنا لج من قبل واثق الخطوة يمشى ملكا
المهم خليني اول وحدة ف الموضوع ..بتحطين الرسايل ولا لا
خلينا نشوف فضايح الاعضاء ونضحك شوي
صدق ضحكت من الخاطر
&&&&&&&&&&&&&&
&&&&&&&&&&&&&
&&&&&&&&&&&&&&
؛¤ّ,¸¸,ّ¤؛°`°؛¤ ظل القمر ( أول شيء ماخذه الموضوع بروح رياضيه وتضحك عقب عصبت ) ¤؛°`°؛¤ّ,¸¸,ّ¤؛
السلام عليكم
شحالج أختي ظل القمر
ممكن سؤال وياليت هالموضوع بينا
:
:
:
ممكن أعرف شو عايبنج في نادي الوحده ؟؟؟
وعليـــــكم السلام والرحمـــه..
وإنتي ليش تحبين العين خخخخخ
امممممم
هع
بس على الأقل العين ياخذ بطولات من زمان
أما الوحده توه من أربع سنين بس
بعدين لعيبتكم ما ادري استغفر الله
-_-"
ليش أشفيهن.؟؟؟؟؟
أشفيهن والا اشفيهم
ما أدري بس أحسهم خقاقيين وفيهم نذاله شوي
ماجاوبتي ليش اتشجعينهم مع انج من راك
لا حرراااام منو قال خقاقين ترى بخبر عليج ملك التزويــد
أنا كنت أشجع قبل العين 3 سنوات وعقب سنتين شجعت الوحده وتميت ع الوحده لأنه العيناويين خقاقين
لوول خبرية يا الغاليه
حتى أنتي مستويه خقاقة وشوي دفشة بردودج ما أدري ليش
حتى البارحه كانت وياي وحده من العضوات عالمسنجر وتمت تقولي انج شايفه نفسج وايد لانها كلمتج مره ومارديتي عليها
ههههههههههه سكتي عن أخبر عليج ربيعتيه..اممم أنا أموت وأعرف كيف تقولون عني متكبره هب إنتي أول وحده تقولين جي والله رباعاتي قبلج بس يو عاشروني قالولي وايد طيبه ومايخصني بالتكبر
حررام عليج لاتقولين متكبره تعقدت..
امم منوهاي ربيعتج؟؟ ومتى رمستني؟؟؟؟
مابقول لج
وهي معانا بالمنتدى
روحي بعيد ما أعاشر وحداويه وا احبهم
حرام عليـــج…
يلا قولي أسم العضوه والله بعتذرحقها أكيد شايله بخاطرها عليه
يمكن طنشتها من غير قصد 🙁
قولي أنا أشك إنها بنت الزعيــم صح ؟؟
خلاص انسي السالفه
وانا غلطانه اراسلج
ليش غلطانه؟؟
غلطان يوم أنج قلتيلي الحق؟؟؟
ومب غلطانه يوم ساكته عن اللي قالت عن ي متكبره وماعرف شو صح؟؟
المفروض بدون ماقلج إنج تخبريني عسب أعرف الخطأ اللي سويته …
على فكره لا تتحريني يالغاليه والله بسير أخبر فلان وعلان عن اللي بيننا ترى انا أصحاب ثقه …
وبرايج إذا بتخبريني وإلا ؟؟
المهـــم خبري ربيعتج اللي قالت عني جي إني مب قاصده يمكن بالغلط أو شي ..
والسموحه…
فداعــة الله .
ظل القمر
اول شيء تضحكين بلاج زعلتي ويا هالويه
عالعموم نزلي تحت
صادوه
أنا آسفه
حبيت اسوي معاج مقلب
فديتج غناتي لاتزعلين مني يا الزعلوله
وأنا أقول شفيها عيناوية بجنون تخبلت
المهم ولا يهمج ماراح أخبر حد غناتي
ولابعد >>>>>>>>>>صادوه.>>خخخ>>ليكن صادوه 4
لازم أصيدج المره اليايه >>>
السلام عليكم
شحالج اختي عاشقة بوظبي
اكيد مستغربه من رسالتي
الغاليه ممكن سؤال وياليت هالموضوع بيني وبينج
انتي صج عمرج 14 ؟؟
هيه صج
بس ليش استوى شي؟
بخبرج بس لا تخبرين حد ويكون بينا
اول شيء لان امبين عليج انج صغيره
ثانيا وحده من المنتدى رمست عنج وتقول اسلوبج اسلوب يهال وماتعرفين حتى تكتبين كلمه
هذه السالفه حبيت اتاكد
اوكي اذا جيي
ما بشارك
ياهل ومامني فايده
ليش زعلتي وعصبتي
لازم تتقبلين النقد ولاتنسين انج بمنتدى
ممكن تقوليلي منو هاي؟
بس ما توقعت ان حد يقولي جي
ما اعرف اكتب كلمة وحده!! لو قالتها باسلوب ثاني يكون احسن
ما اقدر اقول اسمها
زين انتي غيري كتابتج واسلوبج عشان يتحسن
انسدت نفسي
بحاول
بس ما برد ولا بكتب مواضيع
كثر ما بتصفح وبس
وخلاص انا بطلع من المنتدى وبفككم مني
عاشقة الظبي
تعالي وين رايحه
نزلي تحت
امزح معاااااااااااااااااااااااااااااااج
غناتي السالفه الي قلت لج اياها جذب
محد رمس عنج ولا شيء
انا بس حبيت اسوي معاج مقلب
اتمنى انج ماتزعلين مني
وانا اسفه
طلعتي حساسه وايد
لله يسامحج
خلاص ما احبج
يلست افكر و افكر
لايكون تحطين شي عني بالموضوع
ما ابا
&&&&&&&&&&&&&&
&&&&&&&&&&&&&
&&&&&&&&&&&&&&
؛¤ّ,¸¸,ّ¤؛°`°؛¤ الحنين ( كانت حزينه وزعلانه ومالها خلق وكله اتقولي ادعيلها والله افتقدناج يا الحنين وربي يسهل امورج ¤؛°`°؛¤ّ,¸¸,ّ¤؛
السلام عليكم
شحالج اختي الحنين
آسفه عالتطفل
حبيت اسالج سؤال وبدون زعل وياليت الموضوع بينا
انتي ليش تاخذين كل الامور بجديه
واحسج تبدين عضو عن عضو ثانيه
وعمري ماشفتج تضحكين
واحيانا اسلوبج ينرفزهم
وسموحه عالصراحه بس ياليت ماتزعلين والموضوع بينا
عليكم السلام ورحمة الله
أول شي صبغوا النك مالج ولا بعدهم << سوالف
عادي والله ما زعلت .. بس تمنيت لو هذي الرسالة وصلت لي
قبل الحين .. أول على الاقل قبل هذي الفترة !!
وبصراحة ما عرف بشو ارد عليج .. يمكن كل اللي قلتيه
صح .. بس انا ما اقصد انرفز في حد .. وما احب سوالف
واايد ولا الضحك .. يعني عندي شوية تحفظات ..
والاعضاء .. ما بيني وبينهم غير هذي الردود وبس
واحب أنه تعاملي معهم يكون جدي^^
امم هذا كل اللي عندي .. وتسلمين الغالية ..
واي شي انا حاضره ,, اختي ادعي لي ..
وحيا بج في اي وقت
هيه صبغوووووووووووووه ( حره بالعذال )
ليش كنتي تبين هالرساله توصلج قبل
شو راح يفرق ؟
بعدين بقول لج شيء لا تزعلين
انا كنت يالسه مع بنتين من المنتدى
وتوني متعرفه عليهن وقلت لهن منو ربعكن بالمنتدى وكل وحده قالت وعقب تميت اقول لهم شرايكن بفلانه وفلانه ( البنات الي بالمنتدى ) لين وصلنا عند اسمج … فقالت الاولى انا اتعرف على اي حد من البنات الا الحنين قلت لها ليش قالت ياختي هاي وحده دفشه وماتعرف تتكتب شيء حلو والثانيه قالت كلام شوي مشابهه له اونه انتي حتى هالويه الي يبتسم ولامره حطيتيه
وانا بعد خاطري اشوفج مره تضحكين حتى ردج علي بالاداره كانت صدمه وصدمه قويه ؟
وبشو تبيني ادعيلج ؟
انج تبتسمين مثلا ؟
ولاتزعلين وهذه هي الصراحه
السلام عليكم ورحمة الله ..
هلا إختي تسلمين والله عالرسالة والكلام الطيب ..
إختي لا تدعين إني ابتسم .. كنت أقصد تدعين لي في آخرتي ..
ما تهمني أمور دنيا أبدا .. ولما قلت لج إني تمنيت لو الرسالة وصلت
لي قبل كنت أقصد شي .. و((( كان ))) ممكن بيفرق كثير ..
أما الحين فما أظن !!
أرد وأقول لج هذا طبعي ,, ما أحب أسولف أو أضحك مع أي حد ..
وخاصة اللي ما اعرفهم .. والظاهر ربعج ما يقرون كل ردودي ..
أحطي الوجه البشوش بين فترة وفترة
بس لو يخلوني المشرف العام للمنتدى ما بضحك << سوالف هههه
يقولون اللي يقولونه دفشه .. لوح .. أي شي .. خلاص ما يفرق
عندي .. وتسلمين والله .. الله يسهل علينا وعليكم
ويرحمنا ويرحمكم .. ويحسن خواتيمنا وخواتيمكم ..آمين آمين
ما ادري اختي
من كلامج احسج مضايجه ومقهوره
بس ماتبين تبينين هالشيء صح او لا
وربي يسمع منج اللهم آمين
السلام عليكم ورحمة الله ..
إختي الطيبة عيناويه .. أول شي نسيت أعتذر كان ضايج فيج ردي
في الإمارة الادارية ..
وبخصوص رسائلج .. صدقيني مب مضايجه منهم أبداً ..
كل شخص له رايه .. وبعد كل شخص له أسلوبه .. وهذا أسلوبي
ممكن ما يعجبج كثيريين .. بس هذا اللي عندي ..
وتسلمين عالرسائل ونقل آراء الخوات .. ويزاج الله خير^_^
والسلام عليكم
الحنين
أييبج يمين اتيبيني يسار …
يا الدبه اسولف معاج وكنت اسوي معاج مقلب
ولا تزعلين مني يا الغاليه
والله محد قال شيء
وان شاء الله بنزل موضوع المقالب وبخبرج منو ساعدني عليج
يالله الغاليه ماباج تضايجين ولا تزعلين واهم شيء بدعيلج 🙁
السموحه
وبس السموحه منكم
ولا حد يزعل حبيت اغير الجو شوي
اتمنى يعيبكم
أنا على بالي اسم اثنين ولا ثلاث
ما شاء الله عليج ما خليتي حد في حاله ولعبتي على أعصابهم ^_^
بس الحمد لله مرت سليمة وما انصدنا <<<<< ليش واثق ان العين كانت عليك ^_^
ويا حليلها عاشقة الظبي ،غمضتني والله >_<
و نتريا مقالبج اليديدة في المنتدى …
وعساكم ع القوة
صج صدتيهم xD ,, يحليلهم عاشقة الظبي وخلية النحل ^^
اولا .. اسلوبـــ عيناوية رهيبــــ في الاستفزاز + تجيب موضوع غصب ينرفز ..
ثانيا .. ماتوقعتـــ ان كلـــ هذي الحفلاتــــ يطلع منها .. اثر فيه ضحايا كثير ..
ثالثا.. اكثر واحد عصبـــ فعلا انا <— فشلتينا الله يهديكــ طيب كان حذفتي بعض الكلماتـــ اللطيفة ..
رابعا .. اسلوبـــ حلو تخليني الواحد يطلع اللي في راسة زي انا ..
خامسا .. الحقي عليهم لحد يزعل ويتركــ المنتدى ..
سادسا .. كلمة شكر للاستاذة / عيناوية .. اللي فعلا مهتم بالجميع ..
وكلنا اخونا .. ولا يفرقنا شئ ..
اخوكم ..
يعطيج العافيه
سويتها فينا …… ما قصرتي بعد مع الأعضاء الآخرييين …..
لكن ما تلاميين عيناوية
وحليلهم ….. يعيشون وياكلون غيرها
والحمدلله أنا مو في القائمة.. 
ذكرتيني بالمقلب اللي سويته في المرعب أيام المسابقة الرمضانية..
همسة لأختنا الحنين.. عزيزتي طمنينا عليج،، والله لج وحشه،، وربي يحفظج ويوفقج دوووم ويرضى عليج دنيا وآخره يارب..
وربي يحفظكم ويوفقكم دوووم يارب..
والسموحة..
الصرااحة " ابدعتي " في فكرة الموضوع .. ماشاء الله عليج .. #good #good #good
ضحكـــــــــــت من قلب .. وياارييييتج مكثرررة بعد #lauth