كله بقدرة الخالق عز وجل
اللي عطاهم المقدرة على النحت في الجبال
بس هم ما شكروا ربهم واستحقوا العقاب
مشكورة يا أم عبود
سبحان الله:cool:
كله بقدرة الخالق عز وجل
اللي عطاهم المقدرة على النحت في الجبال
بس هم ما شكروا ربهم واستحقوا العقاب
مشكورة يا أم عبود
http://forums.al3almi.com/showthrea…&threadid=37022
اضحك مع الشعراء
كانوا اربعه
المتنبي وامرؤ القيس وجرير والفرزدق
راكبين موتر المتنبي ( الميتين إل ) وطالعين يتعشون بروستد
طبعا امرؤ القيس ( شايبهم ) كانت قافله معه لانه ما
يحب طلعات الليول (ما يشوف) وكان يقولهم
خلنا نطلب العشا ديلفري و كل شوي يلمح لهم ويقول :
" ألا أيها الليل الطويل ألا انجلي *** بصبح وما الإصباح منك بأمثل "
بس الجحلط جاحدينه لانهم يحبون البرم في الشوارع
عموما المتنبي ما كان يمّه لان واحد من عليمية الرياض حده وخلاه يرقى
دوار الأحساء
انقهر المتنبي لدرجة انه التفت على العيال وهو يصارخ :
" من لم يمت بالسيف مات بغيره *** تعددت الأسباب والموت واحد "
بس الفرزدق و جرير ( اللي كانوا راكبين ورا ) ما كانوا فاضين له
يعني جرير والفرزدق راكبين جنب بعض
اكيد انواع المناقر بينهم ( اربعه وعشرين ساعه)
و ما انتبهوا لاحد
لكن العيال هجدوا فجأه
استغرب المتنبي !!
مهيب عادتهم
اثاري الملاعين قاعدين يكحلون
و ياليتهم شافوا شي
كل اللي شافوه
طرف عباة راكبه جمس ومظلل بعد
تهيض جرير ( عاد ذاك مايبي له شيء ) وقال :
" إن العيون التي في طرفها حور *** قتلننا ثم لم يحيين قتلانا "
وقام يتطلب المتنبي يبيه يلحق الجمس
عاد المتنبي يووووووووه انواع الغرور في ذاك الآدمي
رد عليه:
ما بقي الا هي
أنا المتنبي أنا اللي
" الخيل و الليل والبيداء تعرفني *** والسيف والرمح والقرطاس والقلم "
الحق جمس وافرض ياخي كبس علينا ابو العتاهيه بجمس الهيئه بتنفعنا أنت
وخشتك .!!
قفلت مع جرير
وبغى يتضارب مع المتنبي
و لأول مره في تايخ الشعر العربي
اتفق جرير و الفرزدق على نقطه معينه
بس الفرزدق جابها باسلوب
وقام يقردن المتنبي يبيه يلحقهم
و هات يا مدح و دحلسه في المتنبي من
" هذا الذي تعرف البطحاء وطأته *** والبيت يعرفه والحل والحرم "
وصولا الى
" ما قال لا قط إلا في تشهده *** لولا التشهد كانت لاؤه نعم "
في الأخير انتفخ راس المتنبي و قرر يلحقهم
وهات يا طردي في الملز
طبعا امرؤ القيس كان مكبر دماغه من جهة البنات
بس كان فاك مع الجمس حقهم ( جمس 82 يداعب الريح )
و ما فيه الا غزل في الجمس :
" مكر مفر مقبل مدبر معا *** كجلمود صخر حطه السيل من عل "
المهم
بدا الجمس يبعد عن العيال
و صار جرير يتتريق على عزم الميتين ال ويقول للمتنبي:
و مزعجنا وكل شوي تقول
" على قدر اهل العزم تأتي العزائم *** وتأتي على قدر الكرام المكارم "
و اخرتها طلعت
الدعوى بكش
قفلت مع المتنبي وقال للفرزدق :
والله بعذرك فيه
و الله يلوم اللي يلومك
يوم انك تكرّه كل هالسنين
وبعدها
ردها المتنبي باثنين
ودوووووووووووس
وبقدرة قادر صادوا الجمس في خنشليله
لز المتنبي جنب قزازة الجمس و قال لجرير :
يالله يالمتفلت ورنا شطارتك
رد جرير :
اعتبر الموضوع منتهي و ياحبيبي سحبنا بنات كلية عليشه على وجيههم و بعجز عن ذولي ؟؟
قام جرير يأشر جنب قزازة الجمس
عاد البنات ما صدقوا خبر
أول ما أشر جرير فتحوا القزازه
وكانت صدمه ما بعدها صدمه !!
وش ذا المقاشع
و لاشلة طقاقات ايام 1401
العيال انصرعوا من هول المفاجأه
عاد البنات تحطموا يوم شافوا ردة الفعل
و قاموا يذبون على العيال
بس جرير كان اكثر واحد متأثر
فصار يرد
ويقول لهم :
"فغضي الطرف انك شيفة *** فلا باسكال بلغتي و لا ديانا "
– والله هذولي الشيف وإلا بناتنا أزين منهن مية مرة ، الله لا يخلينا –
طبعا الوضع صار مكهرب في الميتين ال
و المتنبي يقول لجرير :
شفت يالزلابه
وش أنا قايلك
مشورتنا على الفاضي و في الأخير طلعت الدعوى تطريش
في هالأثناء
لمح الفرزدق موتر ثاني ( من ذيك المواتر اللي كنها حصاله ) كان يلحق البنات
فحب انه ينبههم عشان ما ياكلون نفس المقلب
بس يوم دققوا العيال في الموتر الثاني تعرفوا على الشباب اللي فيه
قال الفرزدق :
و الله أنى قايله
موضوع فيه غزل و سربته اكيد ابو نواس بيحضر أول واحد
رد جرير :
شف ابو نواس ذا المصلحجي جايب معه عنتره عشان لو طلع الموضوع فيه حارش
مارش يطلع م**ن نفسه
في الجهة الأخرى
كان عنتره يتميلح جنب البنات
و طالع من الفتحه وهو يقصد
" و لقد ذكرتك والرماح نواهل *** مني وبيض الهند تقطر من دمي
فوددت تقبيل السيوف لأنها *** لمعت كبارق ثغرك المتبسم "
ضاق صدر المتنبي كذا لله في لله
و قال للعيال :
ياخي والله ما احد يحقر نفسه
حتى ذا الشين قام يغازل
وبدون مقدمات فتح المتنبي القزازه
و قال لعنتره :
" لا تشترِ العبد الا و العصا معه *** إن العبيد لأنجاس مناكيد "
عنتره سمع المتنبي ولا ما سمعه
ويوللللللللللللللع
عاد ابو نواس يحب الشر
طنش البنات ولحق العيال حتى قبل ما يقول له عنتره
و قام ابو نواس يكبس لهم ويقول :
مسوين فيها زعطه
و يوم جا الجد انحشتوا ولا " كلام الليل يمحوه النهار "
لكن المتنبي اشر لهم وقال لهم الوعد التخصصي
في ها اللحظه
ابو نواس دخله الماء و قال لعنتره :
هم اربعه وحنا اثنين ( و المازدا ما تكفينا )
و احيانا الكثره تغلب الشجاعه
قال له عنتره :
ما عليك
أنا بدق على انجس واحد في الرياض
أول ما يدري أن الموضوع فيه مضاربه بيجيك مدرررررررررعم
قال ابو نواس :
منهو ?
رد عنتره :
من غيره
السنايدي .. تأبط شرا
قال ابو نواس :
عز الله اللي راحوا فيها
بس المشكله انهم يوم دقوا على تأبط شرا لقوا جواله مفصول ( عسى ما يسدد
تأبط شرا للأتصالات )
صرخ عنتره :
افااااااااااااااااا قعدنا بها .!!
رد ابو نواس :
ولا قعدنا بها ولا شيء ، اصلا تأبط شرا دايم تاكي في ملحق ابو تمام ، دق
عليه هناك
دق عنتره على الملحق ورد ابو تمام وقال له عنتره :
عندك تأبط شرا
قال ابو تمام :
ايه ، في الحمام !!
قال عنتره طيب ترا الموضوع كيت و كيت بتجون ولا لا ؟؟
قال ابو تمام : افا عليك بس
" السيف اصدق إنباء من الكتب *** في حده الحد بين الجد واللعب "
ازهل الموضوع
**********************************
يا ترى وش توقعون بيصير في التخصصي ؟؟؟؟
– إذا جاني اللي صار بالتخصصي أرسله لكم إن شاء الله –
الوفاة المفاجأة للمرضى بغض النظر عن حالاتهم المرضية …
والأدهى والأمر أنهم يموتون بنفس الساعه (11 صباحاً) من كل أحد … وما كان
عند أطباء المستشفى أي تفسير لهالظاهره … واستعانوا
بفريق من الخبراء لدراسة الوضع ومعرفة أسباب الموت المفاجئ … وبعد فشل
الفريق في فك رموز اللغز … قرروا الإنتظار خارج قسم
العناية المركزة قبل الوقت المرتقب بخمس دقائق … وفعلا قعدوا ينتظرون على
أعصابهم … ويوم جت الساعه 11 بالضبط شافوا عامل
!!نظافه هندي ( مؤجر لعمل جزئي يوم الأحد) يدخل المركز ويفصل جهاز الإمداد
بالحياة عشان يشبك المكنسه الكهربائية
:confused: :confused: 😮 😮 🙁 🙁 :p :p 😀 😀 😀 😀 😀 😀
يستاهلون …
**** يوم الهنود ….
وصلوا لي كندا ؟؟؟؟!!!!!!!!!!!
عيل شو اللي ودا هذاك الهندي هناك
😮 اعتقد انه راح سياحه
ppp ppp ppp ppp
مع تحياتي
ومشكور اخوي حمدان تسلم…
تدرون ماهى المشكلة اننا شعب نضحك على الشعوب الاخرى ولا ننظر لمصيبتنا اخوانى واخواتى … هل تعلمون ان الشعب الهندى هو من اعظم الشعوب فى مجال الكمبيوترات ومنهم صانعوها فهاهى المانيا تطلب سنويا من الهند اربع الاف مهندس اجهزة ومبرمجين ولعلمكم الخاص الهوت ميل مخترعه هندى وباعه باكثر من 600 مليون دولار والمشكلة الاكبر والاعظم اننا فى الخليج مايفرمت اجهزتنا الا هنود وهم المهندسين …
اخوانى واخواتى ارجو ان تتقبلوا النقد بسعه صدر فوالله انى مثلكم ساعات اقول هندى ويعنى انه قليل حيلة او تفكير لكن الله يعين وان شالله نخرج مخترعين ومبدعين فنحن امة لاتموت
ولو في شي تبا تقوله ياخي قوله في امارة قضايا الساعه
والله مب قصدي ازعلك وكلامك واقعي بس هذا المكان موجود للغرائب والعجائب مب لقضايا الساعه وفي اماره مثل ماقلتلك لقضايا الساعه
ولا شو رايكم
كلامي صح ولا خطأ:o :p
مع تحياتي
صدق الهندي هندي قوطي دهن يمشي:D
بس قصة خطيرة ان دلت تدل ع غباء الهنود والكنديين الي يموت عندهم الميت وبعدين يحققون بطريقة اغبى:p
😎 الصراحه البنت في هاي الايام نتظر للمضاهر …حتي المتدينات منهم …بس تقتقد ان العصر جامد ما تغير ؟؟؟ لا اكيد نحن نساير العصر اللي نحن فيه …. عندك فلوس سوى فلوس ..
:rolleyes: بس ما ننسا عاداتنا وتقاليدنا ودينا الاسلامي
مثل ما يقول المثل مد ريلك على قد لحافك ..
لازم على البنت والشاب ان يكونون متفاهمين على المعيشه ..
وبكل ضروفها الصعبه او الرفاهيه ..
واتمني من البنات ان ما يكلفون على الشباب اكثر من طاقتهم ..على قدر المعقول ..
بس في موضوع اهم اللي هو …..تكوين الشاب للزواج قبل قدومه عليه …والسموحه اختك حنين
بس انا مثلا قنوعه … واعوذ بالله من كلمه انا
اشتري على قد فلوسي … ما آخذ من زوجي الا القليل …
والحمد لله ….. بس في زوجااااااااات اله يسامحهم
والسموحه
زوجتي تحن علي بالسفر من تزوجنا فقلت لها بنروح صلالة وافقت وبعدين رفضت وطلبت تسافر دول اجنبية فرديت عليها يا صلالة يا ما في سفر فوافقت وبالع** اشوفها الحين مستانسة بعد
لكن انتوا نسيتوا حتى الرياليل يحيون المظاهر ويعقون ها الديون على ظهورهم ولا قادرين انهم يتزوجون او انه يوهقون حريمهم وعيالهم
انا اعرف ناس تقربيا وراء يتنا الشباب الي في ها البيت كله مظاهر كل يوم سياره كل يوم رقم كل يوم ما ادري شو
بعدين يوم اتزوجوا من بنات قرايبهم عاد البنات جامعيات وعندهم بعد قاموا ياخذون من حريهم لين ما صاروا مثلهم كله ديون ولا ياليت المعامله اوكي 😡
بصراحه بقوولكم شيء ويمكن تستفيدووني ((وخاصتاا انتوا يا شباب))
انا اللحين اكتب لكم ودمعتي على خدي..
ربيع اخوي في المستشفى وفي العنايه وحالته واااااااااايد صعبه وامه المسكينه اتصيح وخواته .. والله ما اقدر اوصفلكم كيف حالهم ,وانا بصرااحه لا اعرفه ولا شيء
السالفه ان الولد ربيع اخوي عنده درااجه وحتى اخوووي عنده وهي R6هااي الدراجه اللي اخوي كل سنه ايب موديل يديد ..((اخاف عليه))
كان الولد يعرض بادراجته وانجلب ((شل على تاير) هذا اللي اعرفه ,,واللحين خذت سويج الدراجه مال اخوي ودسيته عندي واخوي اللحين عند الولد في المستشفى ..والله السالفه تقهر يخسر حياة عسب يعرض:confused: لا حول ولا قوة
ادعوووله بشفاااء والله حالته خظيره
ويزاكم الله خير
:'(
🙁 🙁 🙁 🙁
والله سالفة الدراجات والسيارة السباقة والله خطيره احضروا يا شباب اليوم والله هالشي ما بينفعكم صح انت هالشي تتحرونه تسليه وضيق الوقت بس انت ادمر حياتك وحياة اهلك…. بس انا بنصحكم كأخو عزيز عليكم ان والله حياتك حافظو عليها والله شو مستقبلكم اول شي والله غيركم ماشافوا مستقبلهم هالله هالله بعماركم….
انا بقول لكم سالفه اربيعي اتوفى بالدراجه….والله هذا اربيعي انا درس وياي واعرفه زين ما زين والله يوم اشوف اخوه اذكر الله يرحمه…الله يسلمك سالفته هذي كان هو رايح الصناعيه اوكيه يبي يعدل دراجه ومره وحده هايك الشاحنه اللي يايه من اهناك طلقه ودوسه دوسه لا بركتا فيها ان شاء لله… الله يرحمه وغمد روحه في الجنه…
عسب اتعرفون شو نهايته الدراجات وسياير السباقه والسرعه…
ان شاء لله الله يشافيه اربيع اخوج ويطلع بسلامه ان شاء لله….
الحبوووووووووووووووووووووو وووووووووووووووووووووب
الحبوب شرا سالفه عمي الله يرحمه بس هو ما كان ساير يصلح دراجه كان يتحوط ع طريج جبل علي 🙁
و هاي عبره لمن يعتبر
يا جماعه ترا و الله ما بتفيدكم الدراجات ولا سياير السباق
اخرتها دمار
والله الواحد ياخذ له سياره ابرك بدال ما ياخذ دراجه لان الدراجات اللحين وصلت جيمة السيارات طبعا نوع خاص من الدراجات اللي يفضلوهن الشباب:rolleyes:
al7elwa…الله يصبر اهله ويقوم بالسلامه انشالله:o
وهذه سالفت ربيعي الله يرحمه ….مسكين اتفاجأه بسياره جدامه فحاول يتفاداها لكن انخش تحت السياره وكان الحبيب ما مسكر دبت البترول ذين وفي نفس الوقت ادخن:( فاللي صار انصب عليه البترول واحترق تحت السياره بس لحقو عليه وبعد يومين اتوفى الله يرحمه:rolleyes:
والسموحه جان طولت عليكم
الله يشفيه ويرده لأهله سالم غانم … 🙁
والسموحة
بس ما دامت هذه عمايل الدراجات ,,,,,, هونت …….
الله يرده بالسلامه ………
أخوكم عين الغزال
لهاي الدرجه وصلت انه تكون نفسه رخيصه عليه !!
روحه مب ملك له .. اذا هو يبا يتعور خله يسير يجاهد في سبيل الله اخير له و احسن من انه يتعور و يرقد في المستشفى
اتمنى انه الله يقومه بالسلامه ان شاء الله 🙁