هاذي سالفة ذكرها واحد من الشباب اللي اثق في كلامهم جدا وصارت من فترة طويلة ، ويقول الريال :
كنا مجموعة من الشباب ، وكنا متعودين بين فترة وفترة نتجمع ونختار مكان نقعد فيه نسولف ونلعب ، وفي مرة من المرت تجمعنا كلنا وقررنا نختار الحديقة اللي على طول شارع المصفح ، وفي بعض الشباب من هواة العزف يابوا عود وطبل وغيره وتمينا ندق ، وطبعا اندمجنا في السالفة ، بعد فترة تفاجأنا بريال شيبة طالع لنا من صوب البحر ، ويالس يطالعنا ، خفنا في البداية بعدين قرب منا وسألنا عن الطريق اللي يودي بني ياس ، وصفناله الدرب وروح ، ورجعنا نحن للدق والغنا ، فجأة توقف ربيعنا اللي يالس يدق العود وقال : شباب … شفتوا الريال من وين سار ؟ قالوا : طبعا من هالصوب وأشرنا كلنا صوب البحر ، فرد وسأل : وكيف يمشي صوب البحر ومافي طريق من ذاك الصوب ؟ يعني الريال كان يمشي على الماي …….. وطبعا من سمعنا السالفة هاذي ….. كل واحد حاط كندورته في فمه وصاروخ على البيت ، لانه بكل بساطة اللي طلع لهم كان ………… جني .
لأنه معروف أن الشياطين يستانسون على العزف والمزمار …
ومو بعيد يكون اللي طلع لهم عفريت من الجان!!! 😮 😮 😮
شباب شو هالسوالف نبا اشياء غريبه مو اتخوف لوووووول
انا يالس روحي في غرفتي والغرفة برع البيت وقريت هالسالفة
شوفو انت عاد شو استوي
اتمصخر معاكم بس السالفة ان الجن ما يحبون الماي فكيف هذاك مشى على الماي؟؟
يمكن يكون اي شي ثاني مثل شو ما ادري
واسمحولي
مره ثانيه اختاروا مكان فريب (عدال الانس).
علشان تسمون…والله يسلمكم منهم.
😎
www.gesaha.net #B# 
#B#