يا ناس…وين مانسير نحصل المغازل و المعا**….في السوق…في الشارع…
و المشكلة هذي مب هينه….هذا معناته ضعف الوازع الديني عند الشباب من الجنسين
لكن يا جماعة الخير….هل كل بنت تطلع تتعرض للمغازل:confused:
طبعا الاجابة لا, وهنيه بيت القصيد:cool: الحين الشاب اذا شاف بنت متسترة
ولابسة العباة و الشيلة ومغطية ويها بالغشوة الاسلامية والطريقة الاسلامية الصحيحة
هل بيتجرأ يغازلها:confused: أنا في رأيي الخاص انه ما بيغازلها لأنه عرف
انها ماتريد هذا الشيء يحصل لأنها محتشمة…..أما البنت اللي تطلع من بيتها متبرجة
ومتعدلة وبدون غشوة فاسمحولي هاي النوعية تقول للشباب الحقوني…:D
والمشكلة الأكبر يا ناس انه في حريم متزوجات ويطلعن متبرجات علشان يشوفونهن
الشباب…ويالريال لك الله…
عفوا يا جماعة أنا قصدي من هالموضوع نشوف شو أسباب هذي الظاهرة ثم معالجتها….
.وطبعا نريد رايكم فيها من حيث الأسباب ….الحل…
ويزاكم الله خير….
وعلى هامش هالموضوع يقول الشاعر الكعبي في الحريم:
أما النسا المتفلسفات…يسجلن في مسجلات..
حق الشباب مراسلات..ومواصلة عالساعتين…
و حق الشباب :
وان شاف بنت اطالعه…عدل عقاله ولمعه
😉 يمشي وراها بفزعة…ما شي ستر بين الثنين…
اما الشباب الله يهديهم بالطريقة اللي يسونها من مزاحم الناس في السوق بعد هذا الشي يشجع البنات …..ولو كل واحد منهم خاف على أهل بيته ما غازل ولعب لأن الدنيا دوارة يوم لك ويوم عليك … وسامحوني إذا غلطت .. وهي مجرد وجهة نظر … :rolleyes:
بعض الشباب ماعندهم شي يشغلون فيه وقت فراغهم ومايلقون شغله غير المغازل …. تلقى السوق مترووووووس و زحمه وكل هالزحمه من الشباب اللي ماعندهم سالفه …. لو يشوف بنت خاطفه عق عليها الرقم ولا يعرف من هالبنت ولا شو أخلاقها ولا شكلها .. أخاف لوشاف عنز لابسه عباه بيرقمها .. اسمحولي على هالكلام يعني …. وفي بعض الشباب يقلدون ربعهم في هالتصرفات .
والبنات بعضهن يحاولن يلفتن انتباه الناس … الويه متروس مكياج من جميع الألوان والأشكال وغرشة العطر ماتم منها شي إلا وصبته على عباتها … لا وياريت عباه عدله لا عباه شفااااااااااافه يعني كل شي مبين…حق شو لابسه عباه ومتعبه عمرج؟ … وحركات والقصه برا والشعركله طالع ..
وأغلب هالأشياء تصير بسبب ضعف الوازع الديني … وبسبب الفراغ الكبير اللي يعيشه شباب اليوم …
نصيحه لكل الشباب … قال رسول الله ـ صلى الله عليه وسلم ـ : {يامعشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء}
ولكن ايضا لا ننكر ان البنات إلهم دور في الموضوع
المسؤليه مشتركة مثلما تخص وتمس الشباب ايضا تخص وتمس البنات
الشاب المنحرف يماثل تماما البنت المنحرفه سلوكا
والشاب المستقيم المنضبط يماثل تماما الفتاه المنضبطه
وفي هذا الموضوع سأخبركم موقف طريف
في واحد متكشخ ودهن العود مسافة ميل ،، كل هذا للمغازل و الترقيم
مر جدام حرمه عاطيتنه ظهرها وكانت متحشمه لا تلفت الانتباه ولا شي
فر عليها الرقم انتبهت وعصبت عليه ولتفتت له حتى تفر الرقم في ويهه
وكانت المفاجـــــــــــــــــــــــــــــــــــــــــــــــــــــــــــــــــــــــــــــــــأه
طلعت أخته
😀 😀 😀
ومن عد هذا الموقف تووووووووووووب
لأنه مايرضى لأخته فما بالكم بنات الناس
اذا ما تطالع محد يغازلها…
لكن يوم تبا يعرفون الشباب من عيونها اللي تبحلق بها#G#
2- اعجني رد (متوفيه) :-)) لانه فيها الخلاصه او(ال**ده).
3-والمثل يقول (لكل ساقط لاقط)
مع تقديري واحترامي ,,,
ناصر
كيييييييف!!.
الغلط من ثلاث اطراف الطرف الاول هوه البنات والثاني هو الشباب..والثالث:rolleyes: اولياء الامور…يعني انا اسير السوق لازم اشوف مغازلجيه بس..هالبنات اللي كاسر خاطريه اهاليهم سمعتهم ضاعت يعني هالبنات!! ما فكروا باهلهم..اللي امربينهم…وهالشباب..الله ايهديهم..ما فكروا ابخواتهم…يا شباااااب والله عيب …الاشياء اللي اتسونها مش من ديننا وعاداتنا…ووهالدولة والله ما قصرت الاندية والمراكز..ووكل شئ يحتاجه المواطن..
الله ايهدي الشباب والشابات..انشالله..
اسمحولي اضيف نقطة مهمة 😀 المغازل وصل الشات..
كل واحد يصلح سيارة احسنله
التربيه هى الوقايه
المسؤول هو أنا!!!! و المسؤول إنت!!! إي، أنا و إنت اللي يالسين نقرا الحين!!!
يا أحبابي، الشباب " أقصد الجنسين" الذين يقومون بمثل هذه الأفعال هم شباب مرضى؟!! و لا بد للمرضى من علاج. و لكن من هو الطبيب الذي سيقوم بالعلاج؟؟؟
إنه أنت … نعم أنت أيها القارئ(ة) … هل فكرت يوما بنصح من يغازل من الذين تحتك بهم؟؟؟
سأقف عند هذا الحد لكي أترك مجالا للآخرين كي يمتعونا بردودهم
و اعذروني :rolleyes:
بس اخوي الفقير .. احنا ما نقدر ننصح غير اللي عندنا .. بس ليش الشباب ما ينصحون بعض بدال ما يسوون دعوات لربعهم عشان يشاركوهم المغازل ..
dxb159 .. جديمه ..
بس في ناس ينصحون في الجات مب كلهم داخلين للمغازل ..
حتى المغازل صار موضة….أول رقم و اليوم ايميل..ppp 😀