الطفولة هي أجمل المراحل التي يمر بها الانسان
ويتمنى الواحد منا احيانا أن يعود به الزمن ليرجع طفلا بريئا مرة اخرى
بس هالكلام ما ينطبق عالكل في ناس ما أتخيلهم صغار أبدا
المهم نرجع لموضوعنا
وتفكير الطفال مثل ما نعرف على قدهم
وخيالهم سبحان الله واااااااااااااااااسع ..أوسع عن البحر
ومخهم انظف منا وطموحاتهم غريبة عجيبة
لكن غالبا لبساطة معرفتهم وبراءتهم الصادقة يتصرفون بعفوية تجعلهم يقعون في مواقف طريفة وظريفة
فشو رايكم كل واحد منكم يخبرنا عن طموحاته يوم كان صغير ؟؟؟؟
أذكر مرة كنت ياسة مع عيال إختي
3بنات ووولد
اكبر وحدة هدى صف خامس
والقانية عواش صف ثاني
والثالثة جواهر صف أول
والخير غانم في الروضة
سألتهم شو تتمنون تكونون يوم بتكبرون
وبدوا عاد يتمنون احليلهم ويتيخلون
هدى قالت أتمنى أستوي معلمة
وعواش قالت أتمنى بعد أستوي معلمة
وجواهر بعد لكن حددت شوي
تبا تستوي معلمة رياضة مادري ليش
الظاهر ما تبغي تتعب في التدريس حاسة 😀
أما غانم وكانت اجابته هي الاجابة الفتاكة والمميزة
قال بكل ثقة أبغي خالو 😮
أبغي أستوي معلمة 😀
ويودت عمري بس مارمت لنه خواته ضحكوا عليه
فيلست أفهمه
أنه ولد يعني ريال ما يستوي يصير معلمة الحرمة هي اللي تستوي معلمة
والحمدلله قدرت أقنعه انه يكون أستاذ مب معلمة
الصغارية الله يعين …
يقلون قاضي الأولاد شنق حاله
غــــــــــــــــــــــزل
ســــــــــــــــــــــــيدة الســــــــــحاب#cat#
يوم كنت صغير خاطري اركب الطياره و ستوي طيار ….
لاكن للأسف مليت من شي اسمه طياره و ظروفي خلتني ادرس
أدارة نظم المعلومات اااااااااااخ يالدنيا :rolleyes:
أنا محّد سألني في صغري يوم بكبر شو أبا أستوي
بس يوم كنت في الإعدادي كنت أقول أنّي أبا أستوي يا محامي يا صحفي
بس النتيجه مووووول مايخصها في الحلم
طلعت شي غير
بس بقولّج عن عمر
عمره 3 سنوات
سألته مرّه
شو تبغي تستوي يوم تكبر
قال: سوّاق
ومرّه غيّر رايه وقال : عسكري
والحين يبغي يستوي طيّار مثل خاله :rolleyes:
فعلا
اليهال يحبون يقلدون بعض وبالذات اللي أكبر منهم
أخوي أسد الفريج
إنت بعد تبغي تستوي معلمة
خلينا نحن نحصل مكان في التربية قبل
بعدين تمنى هالأمنية 😀
بس الصراحة طموح خطير
طيار مرة وحدة ؟؟
وان شاء الله تحقق طموحك في مجال تخصصك
والله يوفقك
ماشاء الله تبارك الرحمن
طيار ؟
الله يحفظك
انا بعد عندي أخ طيار
الله يحفظكم ويوفقكم يارب
عيل بخبرك عن ولد إختي الثاني علاوي
هو نفس حالة عمر ولدكم
يوم يقول يبغي يستوي رجل أعمال
ويوم خياط
ويوم فراش
يعني طموحه نازل وطالع
الله يستر ما يندرى آخر شي وين بيوصل 🙁
أنا مب طيّار
خال عمر هو الطيّار
أنا سلّمج الله خرّيج التقنية قسم تكنولوجيا المعلومات
و الحين طالبه فاشله في الكليه…
كل سنه اخلصها في سنتين#G#
التخصص؟؟؟
تكنلوجيا المعلومات…..غياث كيف تخرجت…قولنا السر؟
اني اطلع دكتورة … و جرب حلمي يتحقق
بس طبعا هذا كله يتوقف على نسبة السنة الياية(الثانوية العامة)
الله يستر بس و نتخرج بنسبة تأهل لتحقيق الحلم…………. ادعولي الله يوفقني……
#G# اما انا يوم كنت صغير كن ابي استوي شرطي
كنا نشوفه يوم كنا يهالوه في الكرتون وغيره كان يعني شي كبير ومهم
بس الحين يالس ادرس تقنية معلومات مثل الكثير من الشباب
بس بصراحة مرحلة الطفولة لازم يكون لها مواقف ما تنمحي من الذاكرة
انا يوم صغير كنت اتمنى اصير شرطي وطيار ولاعب كره مشهووووور بس ولاامنيه تحققت
لكن الحمدلله الحينه انا عندي شهاده جامعيه من المملكه المتحده بريطانيا والشي المهم اني حققت امنيه الوالد بالشهاده الجامعيه