السلام عليكم ورحمه الله وبركاته,,,,,,,
الحياة صارت حية فعلا في هذا الوقت
((صديقي هو من يشتم بي ويجعل من ألامي ف*** لمجالسه))
قبل كنا نقرا بيت الشعر اللي يقول
صديقيي هو من يشاركني همومي ويرمي بالعداوة من رامي ,,
الحين خلنا نكون صريحين ما في أصدقاء في هذا الزمان وقلة من نحصلهم واقفين ويانا من دون مصلحه..قبل يوم كنت لي بغيت أشكي لقيت نفسي ,, أروح لأقرب صديقه لي وأفضض واحكي وأعرف أنها راح تعطيني النصيحه لو أني غلطانه راح تخليني أغير غلطي وأصير أحسن عن قبل بوايد,,
الحين الصديقه ,, من نقولها شي ,, على طوووووول نتشر (( هذه ما عندها غير الشكوى وما عندها إلا فيني وفيني والناس كلهم ظالمينها وهي المظلومة )) كيف تحكمين على بنت أنتي ما تعرفين اللي صار ولا تعرفين ظروفها,,
تعليقي الخاص((أطبق على نفسي وفعلا طبقته
صاحب إن عبته أو لم تعب ليس بالواجد للصاحب عابا
كلما أخلقته جددني و **اني من حلى الفضل ثيابا
صحبة لم أشك منها ريبة و وداد لم يكلفني عتابا
أحمد شوقي
الكتاب أفضل صديق وما أقول غير الله يرحم الأصدقاء الأوفياء))
الزواج وأسرار القبول عند الشباب والبنات((محد يزعل لأنه هذا الواقع))
الحين أي شاب بيروح بيخطب بنت طلباته تكون كالتالي,,,,,,
@ضعيفه
@حلوة
@تشتغل
@شقرا
@بيضه
@تشبه نانسي عجرم. أمل العوضي, ويكون جماله غربي
@معظم الوقت تكون الحبيبة اللي مطلوبة هذا الزمن,,,
وطلبات غريبة عجيبة,,
يروحون يشوفون البنت وما شي البنت تتعدل وتترتب وأخر شي الريال النظرة الشرعية ما صارت شرعية صارت غريبة يدش الريال ويتم أطالع البنت من فوق لتحت والمفروض,,أنه يشوفونه كنظرة طيبة ,, ومن عقبها ما أنطبقت عليها المواصفات خلاص يرفضها,,
والبنت نفس الشي ,,
طلباتها
@ما يكون متين وايد ,,
@يكون حلو
@ يعق الطير من السما,,
@كشيخ ((ما يعنقش))
@عنده أسلوب
@ويكون أحلى شي فيه شرات الخاتم في صبعي
@وأغلب الوقت الحبيبة
أنا ما وقفت مع حد ولكن لي سؤال لكم ((هل الحياة في ظنكم راح تكون حياة سعيده بهذه المواصفات وهل ترضاها على أختك يرفضها واحد بسبب هذه المواصفات وهم أنتي تبين وحدة ترفض أخوج بسبب المواصفات ))
تعلقيي الخاص(( الله يرحم أيام لما الواحد يدور على البنت الحشيم اللي تبا الستر وتبا تكون أسرة ,, الشباب والبنات صارت عينهم زايغه على كل شي ما نقول الكل وحالات الطلاق كل ما أنها تزيد والسبب عدم التوافق الأسري ودي في ثانية وهم البنت خاطرها في ريال ثاني والسبب بليد مشاعر والسبب عدم المصارحه بين الزوجين))
العلم نور
فعلا العلم نور ولكن الحين في هذا الزمن ما صار نور ,, وايد بنت هدوا المدرسه بسبب الرسوب المتكرر وعدم التشجيع ((المعاير )) وايد صارت المدرسه أسلوبها الأهانة والإحراج,, ولكن أيام قبل أذكر مدرسه تاريخ الله يذكرها بالخير مل اكنت منا تييب درجه كاملة تشجعنا لو بكاكاو كيف كانت لها أثرها في النفس ,,
تعليقي الخاص((العلم نور والتشجيع له الدور الأساسي في النجاح وكم من الشباب والبنات ضاع مستقلبهم بسبب الإهانه والإحراج جدام ربعهم ومن أهلهم ولو دخلتوا في خاطر كل واحد منهم يتمنى التشجيع في خاطره معظم يتزوجون ويطلقون وينهار مستقلبهم بسبب ذكرى حزينة في الصغر))
سامحوني على الإطالة ولكن كلنا أخوة ومن واجبي أني أفضض لكم اللي في خاطري
لكم مني خالص الشكر والتقدير لكل من يشاركني سواء بشكر أو برأي يكون سلبي أو إيجابي,,
أختلاف الرأي لا يفسد للود قضيه,,
السلام عليكم ورحمه الله وبركاته,,
مريــــــــــوم
موضوعك مميز وجميل وهدااااااااااااف
كماذكرتي أختي الكريمه العلم نور وراحت زمان أول والله المستعان وإلى الله المشتكى
كفيتي ووفيتي بارك الرحمن فيك وأدامك الله ذ***" للأسلام والمسلمين وجزيتي الفردوس الأعلى من الجنه
اللهم أهدي شابات وشباب المسلمين اللهم أحمهن من التبرج والسفور اللهم أر**هم بالزوجات والأزواج الصالحين المصلحين
وجزاك الله خيرا"
هلا وغلا يا مريومه نورتي المنتدى لج وحشه من طول الغيبات جاب الغنايم 
بالنسبه للموضوع :
مسأله الصداقه مسأله مهمه جداً وخاصة في هالزمن الواحد لازم يكون حذر في اختيار الصديق والشخص يوم بيختار الصديق
المفروض يحط معايير اللي يشوف فيه الصديق الوفي بس الواحد لازم يتعب عسب يحصل الصديق المخلص …
والإنسان بطبيعته مستحيل يقدر يعيش بعزله بطبيعته اجتماعي …
ومسألة الزواج :
بالنسبه لي أشوف كل شي قسمه ونصيب ولكل شخص فيها لها مواصفات خاصة سواء كانت موصفات اخلاقسة شكليه ..الخ
العلم نور
والله العلم معنى العلم كان قبل كيف الواحد يتعلم والتعليم بالمدرسة كانت على قدم وساق
بس الحين وبعد ما دخلت الميدان شفت التعليم صاير مسخره الصراحه والبنات يايين المدرسه
بس عسب الضحك والسوالف واربيعات و***بيطهم وطبعا ولا ننسى اخر موضه والصيحات اللي بين البنات
ولدرجة أن أغلب البنات اللي ادرسهم يقولون لي مس متى بنعرس شو مستفيدين بالدراسه ؟؟؟؟؟؟؟؟؟
الجيل اختلف والتعليم اختلف وكل شي تغير مابقى شي على حال … الله يرحم زمان أول …!!!!
وانا دايما أغيب وأرجع بموضوع واقعي وليس,, خيالي,,
وجزاك الله خير ,,
أول صديقه لي في النت ,,
هلا فيج
اللي قلتيه صح ألف بالمية ولكن شو نسوي,,,
البنات مشاكلهم ما تخلصهم
دخليج شو كان موضفح يوم قالت لج البنت
خخخخخخخخ
أشكرج غلاي على التوصل الدايم,,,,
موضوعك في الصميم #good
لسوء الحظ هذا هو واقعنا هذا الزمان ما تفهم فيه شيئا
عندي أخي كلفنا أخواته بتزويجه لأن أمنا متوفية حاولت مرارا إيجاد الفتاة المناسبة.وكلما تعجبني واحدة وأتكلم معها ترفض حينما تعلم أن مهنته الحلاقة !!!
فشلت ورفعت الراية البيضاء وتركت الأمر له هو الآن يبلغ من العمر الثلاتين!!!
أما بالنسبة للصداقة فأنصحك أختي بالصداقة عن بعد أي عن طريق الأنترنت لتبادل الآراء والتجارب
وما شاء الله بيزاته من حلال
ما عليه غير الدعاء في الأسحار والإستغفار
والله يسر أموره
أشكركم على المرور